Fréttablaðið - 18.08.2005, Blaðsíða 4

NEVE DEKALIM, AP Ísraelsher tók í
gær að flytja landnema af Gaza-
ströndinni á brott með valdi en
ekki kom þó til harðra átaka.
Ísraelskur landnemi á Vestur-
bakkanum skaut fjóra Palest-
ínumenn til bana.
Á miðnætti í fyrrakvöld rann
út fresturinn sem ísraelska rík-
isstjórnin hafði gefið íbúum í
landnemabyggðum Gaza-svæð-
isins til flytja burt með góðu. Í
gærmorgun biðu stjórnvöld hins
vegar ekki boðanna heldur
flykktust 14.000 hermenn inn í
sex hverfi gyðinga á svæðinu:
Morag, Neve Dekalim, Bedolah,
Ganei Tal, Tel Katifa og Kerem
Atzmona. Undir kvöld höfðu all-
ar byggðirnar verið rýmdar,
nema sú stærsta, Neve Dekalim.
Þótt ekki hafi komið til
harðra átaka á milli hermanna
og mótmælenda brottflutnings-
ins í gær eins og margir höfðu
spáð var dagurinn engu að síður
tilfinningaþrunginn. Grátandi
fjölskyldur voru dregnar út af
heimilum sínum og settar nauð-
ugar upp í flutningabíla, heittrú-
aðir gyðingar vafðir í bænasjöl
streittust á móti fílefldum her-
mönnum og í Morag-byggðinni
var leikskóli rýmdur.
Versta uppákoman varð hins
vegar síðdegis á Vesturbakkan-
um en þá skaut ísraelskur land-
nemi fjóra Palestínumenn til
bana og særði tvo. Maðurinn er
sagður hafa hrifsað byssu af
hermanni við vegatálma og
skotið tvo palestínska farþega í
bíl sínum, en hann starfar sem
bifreiðastjóri, og síðan skotið
hina tvo sem áttu leið þar hjá.
Lögregla náði ekki að yfirbuga
byssumanninn fyrr en um sein-
an. Herskáir Palestínumenn
hefndu árásarinnar strax í gær
og skutu á Morag-byggðina.
Enginn meiðsl urðu þó á fólki.
Þá kveikti miðaldra kona í
sjálfri sér við vegatálma lög-
reglu á Vesturbakkanum til að
mótmæla brottflutningnum og
brenndist hún mjög alvarlega.
Ariel Sharon forsætisráð-
herra sagði á blaðamannafundi
aðgerðirnar þyngri en tárum
tæki. „Það er mjög erfitt, meira
að segja fyrir mig, að horfa á
þetta án þess að tárast.“ Hann
skoraði á landnemana að láta af
mótþróa sínum. Mahmoud
Abbas, leiðtogi Palestínumanna,
hvatti sitt fólk sömuleiðis til að
sýna stillingu svo að flutning-
arnir gengju sem greiðlegast
fyrir sig.
sveinng@frettabladid.is
KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
63,68 63,98
115,17 115,73
78,27 78,71
10,495 10,557
9,885 9,943
8,379 8,429
0,5794 0,5828
93,55 94,11
GENGI GJALDMIÐLA 17.08.2005
GENGIÐ
HEIMILD: Seðlabanki Íslands
SALA
109,4952
4 18. ágúst 2005 FIMMTUDAGUR
Höfundar skýrslu saka Lundúnalögregluna um ósannindi:
De Menezes var haldi› föstum
HRYÐJUVERK Brasilíumaðurinn sem
breskir lögreglumenn skutu til
bana á neðanjarðarlestarstöð í
Lundúnum í fyrra mánuði var
ekki á flótta þegar hann var skot-
inn, heldur gekk rólega í gegnum
hlið á stöðinni. Hann var heldur
ekki klæddur í þykka vetrarúlpu,
líkt og lögreglan hefur haldið
fram, að því er fréttavefur BBC
skýrir frá.
Þetta kemur fram í skýrslu lög-
reglunnar um atburðinn sem lekið
hefur verið til bresku sjónvarps-
stöðvarinnar ITV. Í henni kemur
jafnframt fram að manninum,
Jean Charles de Menezes, hafi
verið haldið föstum þegar hann
var skotinn.
Skýrslan byggir meðal annars
á framburði vitna og upptökum úr
öryggismyndavélum í lestarstöð-
inni. Á myndunum sést De
Menezes ganga rólega gegnum
hlið lestarstöðvarinnar og ná sér í
dagblað. Hann hljóp svo í átt að
brautarpallinum þegar hann sá
lestina nálgast og sat í sæti lestar-
innar þegar hann var skotinn.
Lögreglan hefur hvorki viljað
tjá sig um skýrsluna né um lek-
ann. Ættingjar De Menezes eru
hins vegar að vonum æfir yfir
málinu. Sagði lögmaður fjölskyld-
unnar að í ljósi málsins yrði lög-
regla að kasta stefnu sinni um að
skjóta á grunaða hryðjuverka-
menn fyrir róða. - sda
Harmi slegnir landnemar
fluttir á brott me› valdi
Stunginn á samkomu:
Munkur myrtur
PARÍS, AP Stofnandi Taize-reglunn-
ar svonefndu, bróðir Roger, var
myrtur í fyrrakvöld á bænasam-
komu, í Búrgúndarhéraði, Frakk-
landi, frammi fyrir þúsundum
trúaðra.
Rúmensk kona hljóp upp að alt-
arinu þar sem munkurinn stóð og
lagði hann hnífi margsinnis. Ekki
er vitað hvað henni gekk til með
verknaðinum en hún er þó sögð
heil á geði. Hnífinn hafði konan
keypt deginum áður þannig að
morðið var skipulagt.
Benedikt XVI páfi hefur þegar
lýst yfir harmi sínum, svo og
Chirac Frakklandsforseti.
Taize-reglan er kristin munka-
regla sem leggur áherslu á kyrrð,
kærleika og tilbeiðslu.■
Atvinnuleysi í Bretlandi eykst:
Störfum í
i›na›i fækkar
LUNDÚNIR, AP Atvinnuleysi jókst í
Bretlandi í júlí, sjötta mánuðinn í
röð og er nú hið mesta í heilt ár,
samkvæmt tölum frá bresku hag-
stofunni.
Fjöldi atvinnuleysisbótaþega er
nú 866 þúsund og mælt atvinnuleys-
ishlutfall er samkvæmt því 2,8 pró-
sent. Atvinnuleysi í Bretlandi er 4,8
prósent, en þá er miðað við alla án
atvinnu, hvort sem þeir eiga rétt á
atvinnuleysisbótum eða ekki.
Hagstofan skýrir fjölgunina með
fækkun starfa í iðnaði en ekki hafa
færri starfað við iðnað frá upphafi
skráningar 1978. - sda
VEÐRIÐ Í DAG
0 5 km
Í S R A E L
Miðjarðarhaf
Gaza-borg
GAZA
STRIP
I S R A E L
0 20 km
Gólan
hæðir
Í S R A E L
Miðjarðarhaf
BYGGÐIR RÝMDAR
Ísraelskar hersveitir réðust
inn í Neve Dekalim og aðrar
ísraelskar landnemabyggðir á
Gaza í gær til að flytja land-
nema og föggur þeirra frá
svæðinu. Búið er að rýma
allar byggðirnar nema eina.
GAZA-
STRÖNDIN
EG
YPTA
LA
N
D
NEVE
DEKALIM
Ísraelskar
landnemabyggðir
Svæði Palestínu-
manna undir
stjórn Ísraela.
JÓRD.
VESTUR-
BAKKINN
Jerúsalem
Dauða-
hafið
STÆKKAÐ
Heimild: AP
JEAN CHARLES DE MENEZES Í skýrslu lög-
reglu um atburðinn kemur fram að De
Menezes hafi hvorki hlaupið undan lögreglu
né verið klæddur þykkri vetrarúlpu.
Prestar við Akureyrarkirkju:
Tveir tilnefndir
EMBÆTTI Valnefnd Akureyrar-
prestakalls hefur lagt til að séra
Óskari Hafsteini Óskarssyni, sókn-
arpresti í Ólafsvík, og Sólveigu
Höllu Kristjánsdóttur, guðfræðingi
og æskulýðsfulltrúa Akureyrar-
kirkju, verði veitt embætti presta
við Akureyrarkirkju. Umsækjend-
ur voru sjö talsins en biskup Íslands
veitir embættin til fimm ára. - kk
Stríðsbörn minnast stríðsloka:
Eyddu æskunni
í fangabú›um
KÍNA, AP Á þriðja tug Breta og
Bandaríkjamanna sem eyddu fjór-
um árum af æsku sinni í japönskum
fangabúðum í síðari heimsstyrjöld-
inni heimsóttu fangabúðirnar í gær
af því tilefni að sextíu ár eru liðin
frá því að þeir voru látnir lausir að
stríðinu loknu.
Börnin voru geymd í fangabúð-
um í vesturhluta Kína í fjögur ár,
eða frá því í desember 1941 til 17.
ágúst 1945. Alls voru 1500 stríðs-
fangar í haldi í fangabúðunum sem
heimsóttar voru í gær, þar á meðal
konur og börn. - sda
Ísraeli myrti fjóra Palestínumenn á Vesturbakkanum í gær og sær›i tvo til vi›bótar. Ekki skarst verulega í
odda milli hermanna og landnema á Gaza flótt margir hef›u veri› fluttir á brott me› valdi.
ÓSÁTT VIÐ BROTTFLUTNING Landnemar á Gaza-ströndinni eiga að vonum erfitt með að
sætta sig við að þurfa að yfirgefa heimili sín. Flestir eru þó sammála um að Gaza tilheyri
með réttu Palestínumönnum.
FR
ÉT
TA
B
LA
Ð
IÐ
/A
P