Fréttablaðið - 18.08.2005, Blaðsíða 56

Hvítkálið skorið í fjórðunga, stilkurinn
fjarlægður og kálið síðan skorið í þunnar
ræmur. Laukurinn saxaður smátt.
Smjörið brætt á stórri pönnu og
laukurinn látinn krauma í því við fremur
vægan hita þar til hann er meyr. Þá er
kálinu bætt á pönnuna og það látið
krauma í um 5 mínútur. Hrært oft á
meðan. Eplasafa og ediki hellt á
pönnuna, kryddað með timjani, pipar og
salti, lok lagt yfir og látið malla við
vægan hita í um 5 mínútur. Síðan er
lokið fjarlægt og kálið látið sjóða áfram í
2-3 mínútur, eða þar til nær allur vökvi er
gufaður upp. Þessi kálréttur er sérlega
góður með reyktu svínakjöti, pylsum,
bjúgum o.fl. og hentar einnig með
fuglakjöti og lambasteik.
1 hvítkálshaus, meðalstór
1 laukur
50 g smjör
100 ml eplasafi (einnig
má nota appelsínusafa)
2 msk. eplaedik (cider vinegar)
1/2 tsk. timjan, þurrkað
nýmalaður pipar
salt
Fleiri ljúffengar uppskriftir og fróðleikur á www.islenskt.is
ÍS
LE
N
SK
A
AU
G
LÝ
SI
N
G
AS
TO
FA
N
/S
IA
.I
S
G
RA
2
85
65

06
/2
00
5
hvítkálSmjörsteikt
Um síðustu mánaðamót kom nýr þýskur
bjór í Vínbúðirnar sem gæti komið mörg-
um skemmtilega á óvart. Hann heitir
Brauperle sem mætti útleggja sem
bjórperlan á okkar ástkæra ylhýra og
er í 0,5 ltr dósum. Bjórinn sem er 4,8%
í alkóhólmagni er einstaklega mjúkur
og þægilegur í bragði. Það besta við
bjórinn er þó sú staðreynd að miðað við
gæði er hann á einkar lágu verði, kost-
ar aðeins kr. 155 dósin.
Bjórinn er bruggaður af Karlsberg
brugghúsinu sem byggir á mjög gam-
alli hefð sem teygir sig aftur til ársins
1777 en þá hófst bjórgerð í hinum fal-
lega Karlsberg kastala. Bjórinn sem
þeir framleiða hefur löngum verið
þekktur fyrir gæði enda byggður á
aldagamalli þýskri bjórhefð og vatnið
sem þeir nota í hann þykir tært. Sem
sagt einstaklega mjúkur og þægilegur
bjór byggður á aldagömlum hefðum
frá hjarta bjórhefðar í Þýskalandi,
Bæjaralandi.
Verð í Vínbúðum 155 kr. í 50 cl dós-
um.
40 18. ágúst 2005 FIMMTUDAGUR
Út um gluggann á risherbergi
Þóreyjar Ploder Vigfúsdóttur,
dansnema við Listaháskóla Ís-
lands, má sjá haustið rjóða runn-
ana, suma fagurrauða þótt enn sé
miður ágúst. Í björtu herberginu
er allt til alls; rúm og eldavél í
sama rýminu.
„Þess vegna steiki ég ósköp
sjaldan til að fylla ekki allt af
steikarbrælu, enda aðeins einn
gluggi til að loftræsta,“ segir Þór-
ey sem í staðinn ofnbakar heitan
mat. „Annars borða ég oftast til-
búið salat sem ég auðga með ýmsu
úr ísskápnum og forðast elda-
mennsku í herberginu. Ég á alltaf
smjör og ost í ísskápnum til að
hafa ofan á brauð eða hrökkkex,
en þær góðu konur í Jurtaapótek-
inu ráðlögðu mér um daginn að
sleppa ostinum og ég hélt ég fengi
hjartaáfall!“ segir Þórey hlæj-
andi, því ostur er uppáhalds fæðu-
tegund hennar.
Eins og sönnum listamanni
sæmir hefur Þórey listrænt við-
horf til matargerðar.
„Ég geri reyndar lítið af því að
skera út tómata og gúrkur, en tel
matreiðslu vera listsköpun því
henni fylgir andagift. Maður
ákveður ekki í dag hvað maður
ætlar að borða í næstu viku; mat-
arhugsunum fylgir daglegur inn-
blástur þegar maður hlustar á
hvað líkamann langar að neyta í
morgun,- hádegis- og kvöldmat,“
segir Þórey sem gerir innkaup
sjaldnast fram í tímann.
„En ég er ákaflega nýtin á af-
ganga, sem líka fylgir spuni að
gera sæmilega máltíð úr. Eins og
aðrir reyni ég að borða rétt en spái
þó lítið í kolvetnainnihald og þess
háttar. Mér finnst mikilvægara að
máltíðin hafi fullkomna litasam-
setningu og noti ég eitthvað grænt
verður að tóna með eitthvað appel-
sínugult eða rautt, og ég á alltaf
eitthvað blátt til að hafa alla liti; set
þá bláber eða vínber út í salatið.
Þannig gæti rauð steik líka verið
fullkomið mótvægi við hina litina,
en eins gott að danskennararnir
heyri ekki til mín núna,“ segir Þór-
ey hláturmild, meðvituð um vellíð-
an dansarans þegar hann borðar
létt og dansar eins og fiðrildi þegar
hann hefur minni þyngd að burðast
með.
Þórey gefur landsmönnum
uppskrift að dásamlega haustlegu
kryddbrauði sem hún segir
bragðast best með rausnarlegum
skammti af smjöri og klárast á
augabragði glóðvolgt úr ofninum.
KRYDDBRAUÐ
3 dl hveiti
3 dl haframjöl
2 dl sykur
1 tsk. matarsódi
2 tsk. kanill
1/5 tsk. negull
3 dl mjólk
Þurrefnum blandað saman og síð-
ast mjólkinni rólega út í. Sett í jóla-
kökuform og bakað við 200˚C
neðst í ofni.
Haustlegt kryddbrau›
me› vænni smjörklípu
ÞÓREY PLODER VIGFÚSDÓTTIR Við gluggann heima í risherberginu þar sem hún bakar, sefur og iðkar dansspor við fagran undirleik
útsýnis Reykjavíkurborgar.
Hvaða matar gætir þú síst verið án?
Ég er svo mikill matmaður og finnst
allt gott en á vont með að vera án
góðs kaffibolla í daglegu mataræði. Í
matargerð kemur þó alltaf eitthvað
annað í stað þess sem ég gæti síst
verið án.
Fyrsta minningin um mat?
Það er soðna ýsan og kartöflurnar sem
mamma stappaði saman með
tómatsósu í bernskunni. Það þótti mér
afskaplega góður matur.
Besta máltíð sem þú hefur fengið?
Bestu máltíðina fékk ég fyrr á árinu á
veitingahúsinu Melton's í York á
Englandi. Þar snæddum við unnusta
mín nauta-carpaccio í forrétt, dýrindis
fisk í aðalrétt og í eftirrétt var
súkkulaðikaka með heitri sósu. Best
Food Guide gaf þessum stað fimm
stjörnur, enda afsannaði matargerð
staðarins þá kenningu að Bretar séu
óhæfir í eldhúsinu.
Er einhver matur sem þér finnst
vondur?
Ég get fyrir enga muni borðað kúmen,
sellerí og kolkrabba.
Leyndarmál úr eldhússkápunum?
Ég er voðalega góður að elda kjöt-
bollur, svo sem ekkert leyndarmál
hvernig ég fer að. Ég notast alltaf við
nautahakk og bæti saman við það því
sem mér dettur í hug hverju sinni. Geri
þær aldrei eins og leyfi sköpunar-
gáfunni að njóta sín.
Hvað borðar þú til þess að láta þér
líða betur?
Soðin ýsa bregst aldrei ef maður er
slappur í maganum eða sloj. Sama
gagn gerir heill kjúklingur í ofni. Þetta
er hrein og staðgóð fæða en súkkulaði
er besta lækningin fyrir sálarmeinin.
Hvað áttu alltaf í ísskápnum?
Ég á alltaf til hnetusmjör og hindberja-
sultu, en geymi þó hvorugt í ísskáp.
Ef þú yrðir fastur
á eyðieyju, hvaða
rétt tækir þú með
þér?
Ég tæki með mér
réttinn hennar
Fran móðursystur
minnar í Englandi,
nokkuð sem ég
gæti hugsað mér
að borða í öll mál.
Máltíðin sam-
anstendur af heimagerðum, grilluðum
kalkúnapylsum, kartöflumús og soðnu
grænmeti, borin fram með brúnni
sósu og kaldri myntusósa. Enginn
herramannsmatur svo sem, en úff
hvað hann er góður!
Hvað er það skrítnasta sem þú hefur
borðað?
Ætli það sé ekki heiðlóan? Ég snæddi
eitt sinn ljúffenga lóu í veiðikofa í
óbyggðum Íslands. Ekki kjötmikill fugl
en ægilega bragðgóður.
MATGÆÐINGURINN GARÐAR THOR CORTES ÓPERUSÖNGVARI:
Suður-ítölsk vín hafa náð tölu-
verðri hylli síðari ár og framfarir
í víngerð verið miklar. Vínin það-
an þykja kröftug og veita mikið
fyrir peningin. Casa Milani frá
Puglia-héraði, í hælnum á ítalska
stígvélinu, eru einkar góð kaup og
með ódýrustu vínum í Vínbúðum.
Vínið er múrsteinsrautt og vefur
ÁTVR, www.vinbud.is, lýsir því
þannig: „Góð fylling, þurrt, sýru-
ríkt og tannískt með nokkuð
þroskuðum, krydduðum, grösug-
um keim.“ Vínið er framleitt úr
þrúgunum megroamaro og mal-
vasia nera. Henter einkar vel með
pasta eins og skylda er fyrir ítölsk
vín en það er einnig
gott með kjöti og
grillréttum auk
þess að vera
gott með mjúk-
um ostum.
Þetta er afar
auðdrekkan-
legt vín sem á
að drekka ungt
en það er 2002
árgangurinn
sem fæst í Vín-
búðum hér-
lendis.
Verð í Vín-
búðum 790 kr.
Kjötr‡r en gómsæt hei›lóa
BRAUPERLE:
fi‡ska perlan
CASA MILANI:
Flott ítalskt á 790 kr.