Fréttablaðið - 18.08.2005, Blaðsíða 31

7FIMMTUDAGUR 18. ágúst 2005
Þeir sem ganga með gleraugu
kannast flestir við það að fá leið
á gleraugunum sínum eða finn-
ast þeir þurfa að eiga nokkur til
skiptanna og flestir leitast við að
kaupa einföld og látlaus gler-
augu svo þau gangi örugglega
við öll fötin í fataskápnum.
Franski sjóntækjafræðingurinn
Patricia Charmoille tókst á við
þetta vandamál með því að
hanna nýja tegund af gleraugum.
Í grunninn eru þau einföld og lát-
laus en hægt er að poppa þau upp
með því að setja á þau litríkar
klemmur sem smellt er utan um
umgjörðina og á einu andartaki
er búið að gerbreyta útlitinu. Úr-
valið af klemmum er mikið og
reglulega koma nýir litir og
form. Gleraugun sem hún hann-
aði heita Zenka og hafa unnið til
virtra hönnunarverðlauna og
vakið mikla eftirtekt. Á vefsíð-
unni www.zenka.fr er hægt að
skoða þessi gleraugu enn frekar
en hérlendis fást þau hjá Optic
Reykjavík í Hamrahlíð 17.
Grunnumgjörð ásamt einni
klemmu kostar 23.900 en auka-
klemmur eru í kringum 3.900 kr.
stykkið.
Í París samanstendur fataskápurinn minn af einum góðum jakkaföt-
um frá YSL, öðrum frjálslegri frá H&M, nokkrum stökum jökkum
og buxum (það verður að segjast eins og er að ég er ekki mikið fyr-
ir jakkaföt). Svo eru það gallabuxur og bolir í öllum litum og gerð-
um. Fyrir sumarið nokkrar kvartbuxur, stuttbuxur og hlýrabolir,
auk buxna úr hör. Í Suður-Frakklandi væri þessi fataskápur allt ann-
ar þar sem stór hluti hans væri helgaður sumrinu, meira af hör,
jakkaföt úr hör, skyrtur og buxur. Og sandalar, bæði fallegir
kvöldsandalar og svo sportlegir svo hægt sé að fara á hjóli eða
vespu á ströndina eða ganga á klettóttum ströndum. Sandalar með
böndum í kross og aðrir með bandi milli stóru tánna og hinna, tong
eins og við köllum þá hér.
Í verslunum suðurfrá er tískan alls ekki sú sama og hér í París.
Auðvitað bjóða tískuhúsin upp á sömu tískulínur og annars staðar en
innkaupin eru ekki þau sömu, innkaupastjórar velja léttari og sum-
arlegri vörur fyrir tískuhúsin syðra enda annað ekki hægt, fötin
myndu einfaldlega ekki seljast væru þau ekki í takt við sumarhit-
ann. Það er eðlilegt í loftslagi þar sem hitinn nálgast oftar en ekki
þrjátíu gráður og vetur stendur ekki yfir nema nokkra mánuði. Sá
vetur er ólíkur gráum og rökum vetrinum í höfuðborginni, hvað þá
gaddi og stórhríð á Íslandi. Það nægir að rölta um verslunarhverfi
Marseille eða Nice til að sjá hvað líf fólks er ólíkt sem skilar sér í
klæðaburði þó búðirnar milli borga séu ólíkar eftir því hvort íbúarn-
ir eru efnaðir eða ekki. Íbúar Nice, Cannes og Monte-Carlo í Mónakó
eru miklu efnaðri en íbúar Marseille og Montpellier, svo dæmi séu
tekin, og draga að sér ríkari ferðamenn. Þess vegna eru miklu fleiri
lúxusbúðir í þessum borgum en hinum fátækari. Í kvenfataverslun-
um eru aðeins hlýrakjólar og toppar úr léttum efnum, varla lokaða
skó að sjá, aðeins sandala í öllum formum og gerðum, úr leðri eða
jafnvel gúmmíi með brasilíska fánanum eins og er aðaltískan í sum-
ar, eða með svarowski-steinum fyrir hanastélsboð á kvöldin.
Stíll karlmanna er sömuleiðis ansi ólíkur því sem gerist hér í Par-
ís. Ekki aðeins eru það efnin sem eru ólík heldur eru litirnir miklu
sterkari, líkt og gerist með húsin í suðri, meira af gulu, gulrauðu,
bleiku og jafnvel rauðu. Karlmenn í suðri bera sömuleiðis miklu
meira af skartpripum, hringjum, hálsmenum og armböndum, miðað
við það sem gerist í norðri. „Latinlovers“ í suðri hafa ekki of miklar
áhyggjur af karlmennskuímyndinni og eru jafnvel óhræddari en
tískupinnar höfuðborgarinnar við að klæða sig með áberandi hætti.
Úr háborg tískunnar
BERGÞÓR BJARNASON SKRIFAR FRÁ PARÍS
Í sól og sumaryl
Margra manna maki
Frönsku Zenka-gleraugun eru skemmtileg nýjung sem gerir fólki kleift að breyta um útlit eins
og hendi sé veifað og eitt par af gleraugum getur nýst sem mörg.
»
FA
S
T
U
R

» PUNKTUR
Í grunninn
eru gleraugun
einföld og lát-
laus.
Zenka-gleraugun samanstanda af einni grunntýpu og klemmum
sem hægt er að smella á þau til að breyta útlitinu.
Hérna hefur græn klemma verið sett á
umgjörðina.
Hérna hefur appelsínugulum lit verið bætt
á gleraugnaumgjörðina.