Fréttablaðið - 01.12.2005, Side 16

1. desember 2005 FIMMTUDAGUR
HAMFARIR Kofi Annan, fram-
kvæmdastjóri Sameinuðu þjóð-
anna, fór í gær fram á 265 millj-
arða króna framlag frá ríkjum
heims til að aðstoða þrjátíu millj-
ónir manna í 26 ríkjum í öllum
heimshornum þar sem neyðar-
ástand ríkir. Árið 2005 hefur verið
sannkallað hamfaraár og hafa SÞ
aldrei þurft að bregðast jafn oft
við ákalli frá bágstöddum.
„Árið sem er að líða hefur verið
hræðilegt fyrir fórnarlömb nátt-
úruhamfara,“ sagði Annan þegar
hann fylgdi eftir ávarpi sínu í
gær. „Engu að síður var líka sýnt
fram á hve rausnarleg við getum
verið. Margir þjást þótt þjáning-
ar þeirra hafi ekki vakið athygli
heimsins. Ákallið um mannúðar-
aðstoð að þessu sinni er tækifæri
til að aðstoða þetta fólk.“ Annan
bætti því við að upphæðin væri
ekki ýkja há væri litið til þeirra
verkefnanna fram undan. „Raun-
ar er hún lægri en sú upphæð sem
rennur til herja veraldarinnar á
tveimur sólarhringum.“
Í fréttatilkynningu frá SÞ
segir að þótt árið sé ekki liðið
hafi 2005 þegar fengið nafnbót-
ina hamfaraár. Í ársbyrjun þurfti
að bregðast við flóðöldunni á Ind-
landshafi en í árslok er hlúð að
fórnarlömbum jarðskjálftanna
í Suður-Asíu. Hungursneyð í
Níger, óöryggi í fæðuöflun í Afr-
íku sunnan Sahara og skæðustu
fellibyljir á Atlantshafi sem um
getur hafa einkennt árið. SÞ hafa
tíu sinnum þurft að kalla eftir
neyðaraðstoð í skyndi en það er
met.
Jan Egeland, aðstoðarfram-
kvæmdastjóri mannúðar- og
neyðaraðstoðar SÞ, bendir á að
flestar þessara hörmunga eigi sér
stað utan kastljóss fjölmiðlanna,
aðeins einar eða tvennar ham-
farir nái athygli heimsis á ári.
„Fjármögnun mannúðaraðstoðar
þyrfti að vera fyrirsjáanlegri og
jafnari og fleiri þyrftu að láta fé
af hendi rakna.“
Samtökin hafa þegar tekið
saman beiðnir fyrir næsta
almanaksár og er gert ráð fyrir
að fjórtán ríki eða svæði þurfi á
aðstoð að halda.
sveinng@frettabladid.is
ERFITT ÁR Fórnarlömb jarðskjálftanna í Pakistan eru á meðal þeirra sem þurft hafa á aðstoð SÞ að halda. Samtökin fóru í gær fram á 265
milljarða aðstoð en sú upphæð jafngildir hernaðarútgjöldum heimsins á tveimur dögum. NORDICPHOTOS /AFP
Árið 2005 eitt mesta
hamfaraár sögunnar
Það sem af er ári hafa Sameinuðu þjóðirnar tíu sinnum kallað eftir neyðar-
aðstoð en svo oft hafa samtökin aldrei áður þurft að bregðast við. Í gær var
farið fram á 265 milljarða króna í aðstoð til bágstaddra um allan heim.
MENNTAMÁL Þorgerður Katrín
Gunnarsdóttir menntamálaráð-
herra og Hjálmar H. Ragnarsson,
rektor Listaháskóla Íslands, und-
irrituðu á mánudag samning um
rekstur listmenntunar á háskóla-
stigi. Jafnframt greindi ráðherra
frá því að í fjárlögum ársins 2006
yrði heimildarákvæði um að
selja húsnæði myndlistardeildar
Listaháskólans við Laugarnes-
veg 91.
Ráðherrann tók fram að hún
teldi það kraftaverki líkast hver-
su vel hefði gengið að byggja upp
skólann við núverandi aðstæður og
sagði að það væri forgangsmál á
sviði háskólamála að byggja fram-
tíðarhúsnæði fyrir Listaháskólann.
Spurður hvort salan á húsnæði
myndlistardeildarinnar eigi eftir
að raska þeirri starfsemi sem þar
er hýst segir Hjálmar H. Ragn-
arsson, rektor skólans, að hann
búist ekki við því. „Við göngum út
frá því að húsið verði ekki afhent
fyrr en lausn er komin fyrir þá
starfsemi sem er þar núna,“ segir
hann.
Íslenska ríkið keypti húsið á
sínum tíma og afhenti það Mynd-
listar- og handíðaskóla Íslands til
afnota. Að sögn Kristjáns Stein-
gríms Jónssonar, deildarforseta
myndlistardeildar, þjónar hús-
næðið ekki lengur tilgangi sínum,
„enda upprunalega byggt sem
sláturhús“.
Rektor Listaháskólans líst vel á
að fá nýtt húsnæði fyrir skólann.
„Það er ekki síst fyrir hvatningu
frá okkur sem þetta mál er tekið
fyrir,“ segir hann. - sk
Menntamálaráðherra og rektor Listaháskólans undirrita samning um listmenntun:
Forgangsmál að fá nýtt hús
LAUGARNESVEGUR 91 Aðstaða myndlistar-
deildar Listaháskólans.
ÍÞRÓTTIR Frjálsíþrótta- og sýning-
arhöllin í Laugardal var formlega
tekin á miðvikudag. Frjálsíþrótta-
höllin er samtengd Laugardalshöll-
inni og ljóst er að þar er að finna
eina bestu aðstöðu til íþróttaiðk-
unar hér á landi. Auk þess er góð
aðstaða í höllinni til sýningarhalds
og annarra mannamóta.
Frjálsíþróttamenn hafa beðið
með mikilli eftirvæntingu eftir
opnun nýju hallarinnar. „Það er
engum blöðum um það að fletta
að þessi höll boðar gjörbyltingu
hjá frjálsíþróttafólki og lyftir
íþróttagreininni á hærra plan,
segir Jónas Egilsson, formaður
Frjálsíþróttasambands Íslands.
Þráinn Hafsteinsson, formað-
ur Frjálsíþróttaráðs Reykjavíkur,
segir nýja húsið fela í sér mikla
möguleika. „Það er mikið af ungu
og efnilegu frjálsíþróttafólki að
koma fram núna þannig að opnun
frjálsíþróttahallarinnar kemur á
góðum tíma. Svo þurfum við bara
að halda vel utan um okkar fólk,“
segir Þráinn þegar hann er spurð-
ur hvort góður árangur frjáls-
íþróttafólks muni aukast í sam-
ræmi við bætta æfingaaðstöðu.
Áætlað er að halda stórmót í
höllinni um miðjan janúar búist
er við að erlent frjálsíþróttafólk
verði á meðal þátttakenda.
- sk
Frjálsíþróttamenn fagna opnun íþróttahallar í Laugardal:
Frjálsar íþróttir á hærra plan
GJÖRBREYTT AÐSTAÐA Formaður Frjáls-
íþróttasambandsins segir nýju höllina boða
gjörbyltingu fyrir frjálsíþróttafólk.