Fréttablaðið - 27.12.2005, Page 73

27. desember 2005 ÞRIÐJUDAGUR56
AFREKSFÓLK Átta af þeim tíu
íþróttamönnum sem koma til
greina sem íþróttamaður ársins
2005 koma úr stóru boltagrein-
ununum þremur, fótbolta, hand-
bolta og körfubolta, en aðeins
tveir íþróttamenn á lista tíu efstu
manna keppa í sinni grein sem
einstaklingar, þau Jakob Jóhann
Sveinsson í sundi og Ólöf María
Jónsdóttir í golfi. Fimm knatt-
spyrnumenn er að finna í hópi
tíu efstu manna, þar á meðal sig-
urvegarann frá því í fyrra, Eið
Smára Guðjohnsen, og systurnar
Ásthildur og Þóru Björg Helga-
dætur.
Eiður Smári er af flestum talinn
sigurstranglegastur í kjörinu í ár,
en þetta er í 50. sinn sem samtök
íþróttafréttamanna standa fyrir
kjörinu á íþróttamanni ársins.
Eiður Smári varð á árinu fyrst-
ur Íslendinga til að vinna enska
meistaratitilinn í knattspyrnu auk
þess sem lið hans Chelsea komst
alla leið í undanúrslit Meistara-
deildar Evrópu. Systurnar Ást-
hildur og Þóra áttu frábæra leiki
með íslenska kvennalandsliðinu á
árinu og kom Ásthildur gríðarlega
sterk til leiks í sænsku úrvals-
deildinni eftir að hafa náð sér af
krossbandssliti. Þóra átti stóran
þátt í tvöföldum sigri Breiðabliks í
kvennaknattspyrnunni hér heima
í ár og nú rétt fyrir jól náði hún
þeim áfanga að vera valin í lands-
liðið í handbolta. Þá eru landsliðs-
mennirnir Hermann Hreiðarsson
og Gunnar Heiðar Þorvaldsson á
listanum en báðir stóðu þeir sig
mjög vel með félagsliðum sínum
og varð Gunnar Heiðar meðal
annars markahæsti leikmaður
sænsku úrvalsdeildarinnar.
Guðjón Valur Sigurðsson og
Snorri Steinn Guðjónsson eru
fulltrúar íslenska karlalandsliðs-
ins á listanum en sá fyrrnefndi
varð Evrópumeistari með liði sínu
Essen á síðustu leiktíð á meðan
Snorri Steinn var valinn í lið árs-
ins í þýsku úrvalsdeildinni.
Athygli vekur að Róbert Gunn-
arsson, besti og markahæsti
leikmaður dönsku úrvalsdeildar-
innar í handbolta, kemst ekki á
topp tíu listann. Það gerir heldur
ekki stangarstökkvariunn Þórey
Edda Elísdóttir, sem náði sér ekki
almennilega á strik á árinu. Jón
Arnór Stefánsson er eini körfu-
boltamaðurinn sem kemst á list-
ann en hann varð Evrópumeistari
með liði sínu Dynamo St. Peters-
burg og varð aukinheldur eini
N-Evrópubúinn sem valinn var í
úrvalslið keppninnar.
Eins og áður segir eru Jakob
Jóhann og Ólöf María einu ein-
staklingsíþróttamennirnir sem
komast í hóp tíu efstu manna
en Jakob Jóhann setti fjölda
íslandsmeta á árinum og stóð sig
ágætlega á HM og EM en Ólöf
María Jónsdóttir tók þátt í evr-
ópsku mótaröðinni í fyrsta skipti
og komst sex sinnum í gegnum
niðurskurð. - vig
Mun Eiður Smári halda nafnbótinni?
Tilkynnt hefur verið hvaða íþróttamenn höfnuðu í tíu efstu sætunum í vali íþróttafréttamanna á íþróttamanni
ársins. Eins og við var að búast á Eiður Smári Guðjohnsen möguleika á að halda nafnbótinni.
Í FYRRA Eiginkona Eiðs Smára, Ragnhildur
Sveinsdóttir, tók við styttunni glæsilegu í
fyrra þar sem Eiður Smári átti ekki heiman-
gengt vegna anna með liði sínu Chelsea.
AFREKSMAÐUR ÁRSINS? Eiður Smári Guðjohnsen var nýlega valinn knattspyrnumaður
árins af KSÍ. Hann þykir líklegastur til að verða valinn íþróttamaður ársins.
TÍU EFSTU Í KJÖRINU
Ásthildur Helgadóttir Fótbolti
Eiður Smári Guðjohnsen Fótbolti
Guðjón Valur Sigurðsson Handbolti
Gunnar Heiðar Þorvaldsson Fótbolti
Hermann Hreiðarsson Fótbolti
Jakob Jóhann Sveinsson Sund
Jón Arnór Stefánsson Körfubolti
Ólöf María Jónsdóttir Golf
Snorri Steinn Guðjónsson Handbolti
Þóra Helgadóttir Fótbolti
FÓTBOLTI Manchester United er
að ganga frá kaupum á varnar-
manninum Nemanja Vidic, sem er
landsliðsmaður Serbíu og Svart-
fjallalands. Vidic er 24 ára og
varð mjög eftirsóttur þegar hann
tilkynnti að hann vildi yfirgefa
herbúðir Spartak Moskvu en hann
kom til félagsins í fyrrasumar frá
Rauðu stjörnunni í Belgrad. Þá var
Vidic hluti af frægri vörn Serbíu
og Svartfjallalands sem aðeins
fékk á sig eitt mark í sínum riðli í
undankeppni HM.
„Það verður frábært að fá
Vidic til okkar, hann er snöggur
og kraftmikill og þar að auki á
besta aldri,“ sagði Sir Alex Fergu-
son, sem hyggst líklega nota leik-
manninn við hlið Rio Ferdinand í
hjarta varnarinnar en þar hefur
Mickael Silvestre verið frekar
óstöðugur upp á síðkastið. Kaup-
verð er talið vera um sjö milljónir
punda en auk United var Vidic á
óskalista Liverpool og ítalska liðs-
ins Fiorentina. - egm
Nemanja Vidic á Old Trafford:
Serbi í vörnina
hjá Man. Utd.
NEMANJA VIDIC Mun líklega taka sæti í
miðri vörn Manchester United.
FÓTBOLTI Alfredo Di Stefano er
berst nú fyrir lífi sínu eftir að hafa
fengið hjartaáfall á aðfangadags-
morgun, 79 ára að aldri. Hann var
fluttur til Valencia til að gangast
undir hjartaþræðingu en ástand
hans er mjög alvarlegt.
Di Stefano er goðsögn í augum
stuðningsmanna Real Madrid
eftir að hafa aðstoðað liðið við að
vinn fimm Evrópubikara og átta
deildarmeistaratitla, en hann fékk
tvívegis titilinn knattspyrnumað-
ur ársins í Evrópu.
Di Stefano fæddist í Argentínu
og hóf feril sinn með stórliði River
Plate í heimalandinu 1945. Þaðan
hélt hann til Kólumbíu og lék
með Millionarios þar sem honum
tókst að vinna til fimm deildar-
meistaratitla og skoraði 267 mörk
í 292 leikjum. Spænsku stórliðin
Barcelona og Real Madrid börð-
ust um að fá leikmanninn en síð-
arnefnda liðið hafði á endanum
vinninginn eftir hatramma bar-
áttu 1953. Hann lék lykilhlutverk
fyrir liðið sem vann fimm Evrópu-
bikara í röð frá 1956.
Di Stefano skoraði í öllum
úrslitaleikjunum og þar á meðal
þrennu í ótrúlegum 7-3 sigri á
Eintracht Frankfurt í leik sem
háður var á Hampden Park 1960.
Hann skoraði 49 mörk í 58 Evr-
ópuleikjum sem var met þar til
fyrir skömmu þegar Raul bætti
það. Árin 1957 og 1949 var hann
kjörinn knattspyrnumaður ársins
í Evrópu.
Árið 1964 yfirgaf Di Stefa-
no herbúðir Real Madrid vegna
deilna við Santiago Bernabeu,
þáverandi forseta félagsins. Hann
gekk til liðs við Espanyol en lagði
síðan skóna á hilluna þremur árum
síðar og sneri sér að þjálfun. Hann
stýrði Boca Juniors og River Plate
til meistaratitils í Argentínu og fór
svo að þjálfa á Spáni, gerði Valenc-
ia að spænskum meisturum 1971
og níu árum síðar vann hann Evr-
ópukeppni bikarhafa með félaginu
með því að leggja Arsenal að velli
í úrslitaleik.
Hann kom aftur til Real Madr-
id og þjálfaði liðið 1982 til 1984 en
kom því ekki ofar en í annað sæti.
Árið 2000 var hann gerður að heið-
ursforseta félagsins. - egm
Ein mesta hetja Real fékk hjartaáfall á aðfangadag:
Goðsögnin Alfredo Di
Stefano á lítið eftir
DI STEFANO ÁSAMT BECKHAM Hér má sjá Alfredo di Stefano ásamt David Beckham þegar
sá síðarnefndi var keyptur til félagsins.