Fréttablaðið - 01.02.2006, Qupperneq 28

MARKAÐURINN 1. FEBRÚAR 2006 MIÐVIKUDAGUR4
F R É T T I R
Óli Kristján Ármannsson
skrifar
„Við höfum rannsakað íslenska markaðinn
vel og teljum að Bauhaus eigi fullt erindi inn
á hann,“ segir Mads Jörgensen, yfirmaður
Bauhaus í Danmörku. Hann stýrir útrásar-
verkefni Bauhaus til Íslands,
en félagið hefur sótt um
lóð í landi Úlfarsfells
við Vesturlandsveg í
Reykjavík til rekstrar 20
þúsund fermetra bygg-
ingavöruverslunar með
um 140 starfsmenn.
Dagur B. Eggertsson
borgarfulltrúi og for-
maður skipulagsráðs
Reykjavíkur segir erindi
verslanakeðjunnar verða
tekið fyrir á fundi nefnd-
arinnar í dag, miðviku-
dag. Hann segist telja að hugmyndir for-
svarsmanna keðjunnar samrýmist nokkuð
skipulagi svæðisins, en það eigi þó eftir að
skoða nánar. „Ég held þetta líti ekkert illa út.
Ég treysti mér þó ekki alveg til að fullyrða
hvort gera þurfi einhverjar breytingar, en í
erindi Bauhaus fólst fullur vilji til samvinnu
um þau atriði,“ segir hann og
bætir við að setja þurfi skil-
mála um útlit, framkvæmd og
aðra slíka hluti. „En þetta er í
hvarfi frá væntanlegri byggð
og á því ekki að þurfa að falla
illa að.“
Bauhaus rekur fyrir um
190 byggingavöruverslanir í
11 Evrópulöndum. Hér eru
starfandi fyrir tvær stórar
byggingavöruverslanir, Byko
og Húsasmiðjan. Bahaus
ætlar að keppa á þeim mark-
aði og áætlar að hann velti
yfir 30 milljörðum króna á ári hverju.
Mads Jörgensen segist gera ráð fyrir að
fáist leyfi hjá borginni hætti að vera hægt að
opna Bauhaus-verslun í Reykjavík þarnæsta
sumar.
STÓRVERSLUN BAUHAUS Í PRAG Byggingavöruverslana-
keðjan Bauhaus AG, sem rekur um 190 verslanir í 11 Evrópu-
löndum, hefur um skeið haft hug á að hefja hér verslun-
arrekstur í samkeppni við byggingavöruverslanir hér.
Verslun Bauhaus verður
í hvarfi frá annarri byggð
Alþjóðlega byggingavöruverslanakeðjan Bauhaus hefur hug á að reisa í landi
Úlfarsfells stærstu byggingavöruverslun landsins. Erindi fyrirtækisins verður
tekið fyrir í skipulagsráði Reykjavíkur í dag, miðvikudag.
VEFUR BAUHAUS Í DANMÖRKU Á vef
Bauhaus kemur fram að fyrirtækið býður verð-
vernd ekki ósvipað og gert er hér.
Viðskipti Icelandair flutti rúma
eina og hálfa milljón farþega
á síðasta ári, mesta fjölda sem
félagið hefur flutt á einu ári.
Farþegarnir voru alls 1.526.241,
og fjölgaði þeim um 14,5 prósent
frá fyrra ári þegar þeir voru
um 1,3 milljónir. Á þrettán ára
tímabili hefur farþegafjöldinn
um það bil þrefaldast.
Jón Karl Ólafsson, forstjóri
Icelandair, segir félagið hafa
aukið starfsemina jafnt og þétt.
„Mikill vöxtur hefur einkennt
starfsemi félagsins á undanförn-
um árum og áratugum og er sá
vöxtur í raun undirstaða mikillar
aukningar í ferðaþjónustu hér á
landi á síðustu misserum. Félagið
er nú með umfangsmeiri starf-
semi en nokkru sinni fyrr og líka
ánægjulegt að sætanýting hefur
aukist verulega milli ára og var
77,5 prósent á síðasta ári,“ segir
hann.
Icelandair flýgur í áætlunar-
flugi milli Íslands og 22 helstu
borga Evrópu og Bandaríkjanna.
Að meðaltali tóku farþegaþotur
félagsins sig á loft 28 sinnum á
dag á árinu og daglega flugu um
4200 farþegar með Icelandair.
Jón segir lykilinn að velgengn-
inni felast í leiðakerfinu sem
byggist á því að ná til þriggja
ólíkra markaða, ferða Íslendinga
til útlanda, ferðamanna á leið
hingað og svo alþjóðamarkaðinn
í ferðum milli Bandaríkjanna og
Evrópu. Sjá síðu 12 / - óká
JÓN KARL ÓLAFSSON Forstjóri Icelandair segir umfangsmikið markaðsstarf félagsins skila
sér í síauknum farþegafjölda.
Icelandair flutti rúma eina og hálfa milljón farþega:
Farþegar aldrei fleiri
Hagnaður SP-fjármögnunar nam
tæpum 480 milljónum króna á
síðasta ári samanborið við 304
milljónir árið 2004. Þetta er 58
prósenta aukning og jafnframt
besta rekstrarárið frá upphafi.
Hreinar vaxtatekjur voru 907
milljónir króna og hækkuðu um
35 prósent en hreinar rekstr-
artekjur námu rúmum einum
milljarði. Rekstrarkostnaður
var 392 milljónir króna og
hækkaði um tæpan helming.
Eignir félagsins jukust um
57 prósent á síðasta ári og eru
komnar í 22,4 milljarða. Útlán,
og þá einkum bílalán, mynda
langstærstan hluta eigna.
Heildarvanskil í árslok námu
230 milljónum króna sem er eitt
prósent af heildarútlánum.
Landsbanki Íslands á rúman
meirihluta hlutafjár í SP-fjár-
mögnun en bæði SPV og SPH
eiga hvorir um sig yfir tíu pró-
sent. - eþa
Góður hagnaður
hjá SP-fjármögnun
Tveir af stærstu hluthöfum
Straums-Burðaráss hafa bætt
hlut sinn eftir að félagið birti
ársuppgjör.
Annars vegar hafa Smáey og
MK-44, félög í eigu Magnúsar
Kristinssonar, útgerðarmanns
í Vestmannaeyjum, fest kaup
á bréfum fyrir 1.885 milljónir
króna sem svarar til eins prósents
af hlutafé Straums. Samanlagður
eignarhlutur þessara tveggja
félaga í Straumi er um fjórtán
prósent.
Hins vegar hefur Grettir
keypt um 1,2 prósent í Straumi.
Grettir, sem er fjárfestingafélag
í eigu Landsbankans, Sunds og
TM, er næststærsti hluthafinn í
Straumi með um sextán prósenta
hlut. Kaupverðið er um 2,3 millj-
arðar. - eþa
Magnús og
Grettir kaupa
KAUPIR Í STRAUMI Magnús Kristinsson
eykur hlut sinn í Straumi.
Kauphöll Íslands hefur áhuga á að ganga til sam-
starfs við sparisjóðina með því að bjóða þeim að
skrá sig á iSEC, nýja hlutabréfamarkaðinn, sem
hefur göngu sína innan skamms.
Þórður Friðjónsson, Kauphallarforstjóri, segir
að málið sé á frumstigi en hafa beri það í
huga að stofnfjárbréf sparisjóða lúti ekki
sömu lögmálum og hlutabréf almenn-
ingshlutafélaga þar sem samþykki
stjórnar sparisjóðs þurfi til að ganga
frá öllum eigendaskiptum að stofnfé.
Það gæti flækt málin.
Aðeins einn sparisjóður rekur mark-
að með stofnfjárbréf sín.
Þórður bendir á að nýi markaðurinn
sé hugsaður fyrir lítil og meðalstór
fyrirtæki sem eru í
vaxtarhugleiðing-
um. - eþa
Skoða samstarf við sparisjóði
Kauphöll hefur áhuga á að miðla stofnfjárbréfum.
SPARISJÓÐAHÚSIÐ
VIÐ RAUÐARÁRSTÍG
Kauphöllin hefur áhuga á
því að fá sparisjóði inn á
nýja hlutabréfamarkaðinn
iSEC.