Fréttablaðið - 03.03.2006, Side 4

4 3. mars 2006 FÖSTUDAGUR
Nafn Erlendar Ó. Ólafssonar glermeist-
ara misritaðist á síðu 4 í sérblaði um
heimili sem fylgdi Fréttablaðinu í gær.
Hann heitir Erlendur en ekki Erlingur og
gleriðjan hans er á Laugarnesvegi 52 í
Reykjavík. Hann og aðrir lesendur eru
beðnir velvirðingar á mistökunum.
LEIÐRÉTTING
INDLAND, AP George W. Bush
Bandaríkjaforseti landaði tíma-
mótasamningi um kjarnorkumál í
Indlandsheimsókn sinni í gær.
Bush og indverski forsætisráð-
herrann Manmohan Singh kynntu
samninginn á blaðamannafundi,
en samkvæmt honum er opnað
fyrir alþjóðlegt eftirlit með flest-
um kjarnorkuverum Indverja.
Jafnframt tryggir samningurinn
Indverjum aðgang að bandarískri
kjarnorkutækni og -eldsneyti.
Samningurinn var líka pólitísk-
ur sigur fyrir Singh, sem sparaði
heldur ekki stóru orðin. „Þetta er
sögulegur áfangi,“ lýsti Singh yfir,
standandi við hlið Bush í sólbök-
uðum garði embættisbústaðar síns
í Nýju-Delhí.
Samningurinn felur í sér mikla
stefnubreytingu af hálfu Banda-
ríkjastjórnar, sem ákvað að beita
Indverja viðskiptaþvingunum árið
1998, eftir að þeir framkvæmdu
kjarnorkuvopnatilraunir upp á sitt
eindæmi.
Gagnrýnendur samningsins
segja að með honum sé Banda-
ríkjastjórn að nota Indland sem
mótvægi við vaxandi pólitískan og
efnahagslegan mátt Kína. Og þeir
benda á að samningurinn sendi
röng skilaboð til ráðamanna í
Norður-Kóreu og Íran, en þeir
hafa lengi þverskallast við að
heimila alþjóðlegt eftirlit með
kjarnorkuáætlunum sínum.
Bush gaf lítið fyrir slíka gagn-
rýni. „Það sem þessi samningur
segir er að hlutirnir breytast, tím-
arnir breytast – að forysta getur
skipt sköpum,“ sagði hann. „Ég er
að reyna að hugsa öðruvísi, og
vera ekki fastur í fortíðinni.“
Samningurinn mun þurfa að
hljóta samþykki beggja þjóðþinga
til að öðlast gildi. Bush viður-
kenndi strax að hann ætti þar erf-
iðan slag fyrir höndum. Hann
sagðist myndu segja þingmönnum
á Bandaríkjaþingi að samskipti
Bandaríkjanna og Indlands væru
að breytast til hins betra og að það
væri Bandaríkjunum í hag að eiga
samvinnu við Indverja um kjarn-
orkumál. Enn fremur sagði hann
samninginn munu nýtast banda-
rískum neytendum. Indverjar
þyrftu á mikilli orku að halda í
efnahagsuppbyggingu sinni og
með því að auðvelda þeim að nýta
kjarnorku drægi úr eftirspurn
þeirra eftir jarðefnaeldsneyti.
Þannig yrði bensínið ódýrara fyrir
bandaríska neytendur en það ella
yrði.
Leiðtogarnir undirrituðu enn
fremur samninga um margvíslegt
annað samstarf og viðskipti ríkj-
anna.
Eftir heimsóknina til Indlands
heldur Bush til Pakistans. „Hryðju-
verkamenn og morðingjar munu
ekki aftra mér frá því að fara til
Pakistans,“ sagði Bush eftir að
fréttir bárust af sjálfsmorðs-
sprengjutilræði við ræðisskrif-
stofu Bandaríkjanna í pakistönsku
borginni Karachi í gær, sem varð
fjórum manns að bana, þar á meðal
bandarískum sendierindreka.
audunn@frettabladid.is
FORSETAR HEILSAST A.P.J. Abdul Kalam, forseti Indlands, tekur á móti bandarísku forseta-
hjónunum í forsetahöllinni í Nýju-Delhí í gær.FRÉTTABLAÐIÐ/AP
Gerðu tímamótasamning
um kjarnorkusamvinnu
Í heimsókn sinni til Indlands gerði Bandaríkjaforseti tímamótasamning um samvinnu á sviði kjarnorku-
mála. Gagnrýnendur segja samninginn grafa undan alþjóðasamningi gegn útbreiðslu kjarnorkuvopna.
EKKI ALLIR SÁTTIR Margir Indverjar mót-
mæltu komu Bandaríkjaforseta. Hér eru
brennd líkneski af indverska forsætisráð-
herranum Singh og Bush forseta.
FRÉTTABLAÐIÐ/AP
GENGIÐ
GENGI GJALDMIÐLA 2.3.2006
Gengisvísitala krónunnar
Bandaríkjadalur 65,48 65,8
Sterlingspund 114,42 114,98
Evra 78,1 78,54
Dönsk króna 10,467 10,529
Norsk króna 9,746 9,804
Sænsk króna 8,249 8,297
Japanskt jen 0,5631 0,5663
SDR 94,26 94,82
HEIMILD: Seðlabanki Íslands
KAUP SALA
109,8133
OFBELDI Nefnd sem endurskoðar
lög um meðferð opinberra mála
hugar jafnframt að sérstökum
rannsóknaraðferðum lögreglunn-
ar, þar á meðal um notkun tálbeitu
við að upplýsa afbrot.
Þetta kom fram í máli Björns
Bjarnasonar dómsmálaráðherra á
Alþingi í gær. Hann sagði að engin
lög væru um slíkar aðferðir og
styðjast yrði við almennar réttar-
öryggisreglur.
Björgvin G. Sigurðsson, Sam-
fylkingunni, tók málið upp og vís-
aði til umfjöllunar Kompáss í sjón-
varpi NFS. Þar hefðu 83 karlar
svarað auglýsingu frá 13 ára gam-
alli stúlku sem notuð var sem tál-
beita. Taldi Björgvin að umfjöll-
unin hefði sýnt vel eftirspurn full-
orðinna karla eftir kynferðissam-
bandi við börn. Hann spurði
dómsmálaráðherra hvort til greina
kæmi að veita lögreglunni heimild
til að ná til barnaníðinga með tál-
beitum.
Dómsmálráðherra svaraði að
lögreglan hefði í raun heimild til
þess að nota tálbeitu. „Verður lög-
regla að fara með ýtrustu gát noti
hún virka tálbeitu til að upplýsa
mál.“ Taldi ráðherrann að torvelt
yrði að setja reglur um notkun tál-
beitna og hentugra gæti reynst að
fá ríkissaksóknara til að móta
þær. - jh
KYNLÍFSÞJÓNUSTA AUGLÝST Á NETINU
Björgvin G. Sigurðsson þingmaður telur að
tilraun NFS með tálbeitu sýni vel eftirspurn
karla eftir kynferðissambandi við börn.
Torvelt er að setja lög um notkun tálbeitna segir dómsmálaráðherra á þingi:
Barnaníðingar tálbeittir
HEILBRIGÐISMÁL Formaður Lækna-
félags Íslands, Sigurbjörn Sveins-
son, leggur áherslu á að vandi sem
uppi er meðal lækna vegna þagn-
arskyldu ann-
ars vegar og
aðstoðar við
burðardýr
fíkniefna hins
vegar, verði
leystur á
grundvelli
siðareglna
lækna og í
samræmi við
vilja löggjaf-
ans.
Staðgengill
yfirlæknis á bráðamóttöku Land-
spítalans, Elísabet Benedikz, sagði
í Fréttablaðinu í gær að nauðsyn-
legt væri að setja skýrar leiðbein-
ingar um málið. Hún sagði lækna
vilja uppfylla þagnarskylduna, en
þeir vilji ekki brjóta lög.
„Þessi sjónarmið eru í meginat-
riðum meðal þeirra sjónarmiða
sem ég haf haldið fram,“ segir
Sigurbjörn. „Mjög eðlilegt er að
læknar reyni að ná samáliti um
viðbrögð sín á slysa- og bráðamót-
töku. Ef það þarf einhvern utanað-
komandi til þess, þá er allt í góðu
lagi með það.“ -jss
SIGURBJÖRN SVEINS-
SON Vandinn verði
leystur á grundvelli
siðareglna lækna.
Burðardýr fíkniefna:
Læknarnir nái
samáliti
Gleymdi að kaupa Kaupás hf. var
sýknað fyrir Hæstarétti af kröfum fyrrum
starfsmannastjóra vegna kaupréttar á
hlutafé í fyrirtækinu. Fór hann fram á
skaðabætur þar sem engin urðu kaupin
en rétturinn taldi að manninum ætti
að hafa verið ljóst hvenær hann hefði
getað nýtt sér umræddan kauprétt og
sýknaði fyrirtækið.
DÓMSMÁL
ÍTALÍA, AP Dómsmálaráðherra Ítalíu
kvartaði undan því í gær að sak-
sóknarar í Mílanó beittu sig nú
þrýstingi um að fara fram á að
Bandaríkin framseldu menn sem
grunaðir eru um að vera njósnarar
bandarísku leyniþjónustunnar, CIA.
Saksóknararnir hafa sakað 22
Bandaríkjamenn um að hafa rænt
egypskum klerki á götu í Mílanó
árið 2003, flutt hann til Þýskalands
og síðan til Egyptalands, þar sem
hann hafi verið pyntaður. Aðalsak-
sóknari Mílanó segir að beiðni
þeirra til ráðherrans sé sam-
kvæmt ítölskum lögum og að hún
hafi verið send fyrir fjórum mán-
uðum. - smk
Ítalskir saksóknarar:
Vilja CIA-njósn-
ara framselda