Fréttablaðið - 03.03.2006, Síða 12

12 3. mars 2006 FÖSTUDAGUR
HEILBRIGÐISMÁL Nýjar rannsóknir
benda til að notkun snuðs á svefn-
tíma dragi úr líkum á vöggudauða.
Því er mælt með henni í nýjum
leiðbeiningum sem landlæknir
hefur sent frá sér um aðgerðir til
varnar skyndidauða ungbarna.
Leiðbeiningarnar hafa verið
sendar öllu heilbrigðisstarfsfólki
sem annast ungbarnavernd.
Skyndidauði ungbarna,
öðru nafni vöggudauði, er
skilgreindur þannig að ung-
barn, oftast á aldrinum 2-4
mánaða, deyr í svefni án
undanfarandi veikinda.
Vönduð krufning með viðeig-
andi rannsóknum leiðir ekki í ljós
dánarorsök. Tíðni vöggudauða
hér á landi hefur verið með því
lægsta sem þekkist í nálægum
löndum.
Í ljósi þessara rannsókna er
mælt með að börn noti snuð meðan
þau sofa, en þó ekki fyrr en
brjóstagjöf er komin
vel á veg. Aukin áhersla er lögð á
að ungbörn sofi á bakinu. Ef það
reynist af einhverjum ástæðum
erfitt er mælt með að þess sé gætt
að börnin geti ekki oltið á grúfu.
Þá er foreldrum ráðlagt að
koma í veg fyrir reykingar á
heimilum ungbarna og að þau sofi
jafnan í eigin rúmi. Enn fremur
að þau séu höfð á brjósti ef þess
er nokkur kostur og forðast
skal að nota kodda undir
höfuð ungabarna og að
ofdúða þau. - jss
GEGN VÖGGUDAUÐA Landlæknir mælir
með notkun snuðs og brjóstagjöf.
Niðurstöður rannsóknar til varnar vöggudauða sýna gagnsemi snuða:
Minnka líkur á vöggudauða
SKOÐANAKÖNNUN Traust almenn-
ings til lögreglunnar hefur aukist
um 12 prósent á milli ára sam-
kvæmt könnun Gallup og hefur
ekki mælst eins mikið síðan 1993.
Háskóli Íslands nýtur mests
trausts allra, en 86 prósent þjóð-
arinnar segjast bera traust til
hans. Traust almennings er
minnst til Alþingis og dómskerf-
isins eða 43 prósent en hefur þó
aukist um átta prósent frá síðustu
könnun.
Traust til umboðsmanns
alþingis hefur minnkað um fimm
prósent en það er eina embættið
sem nýtur minna trausts nú en
við síðustu mælingu. - shá
Þjóðarpúls Gallup:
Fleiri treysta
lögreglunni
TÍBESKT NÝÁR Stúlka frá Tíbet tekur til við
að hnýta bænaflögg á þriðja degi nýárshá-
tíðar Tíbeta í Dharamsala í Indlandi í gær.
FRÉTTABLAÐIÐ/AP
LONDON, AP Tony Blair, forsætis-
ráðherra Bretlands, sagðist í
breska þinginu í fyrradag vonast
til að fangabúðum Bandaríkjahers
við Guantanamoflóa á Kúbu verði
lokað. Jafnframt minnti hann á
ástæðurnar fyrir opnun þeirra.
„Ég vona að réttarferlið verði
sett af stað svo að hægt verði að
loka Guantanamoflóa-búðunum,“
sagði Blair. Hann bætti því við að
búðirnar væru til komnar „vegna
verstu hryðjuverka sem heimur-
inn hefur nokkurn tímann upplif-
að, þegar 3.000 blásaklausir menn
týndu lífi í New York“.
Nærri 500 fangar dvelja í búð-
unum en eingöngu um tugur þeirra
hefur verið formlega ákærður.
- smk
Fangabúðir Bandaríkjamanna í Guantanamo:
Blair vill láta loka
fangabúðunum
FANGI Bandarískir hermenn með fanga í Guantanamo-fangabúðunum. NORDICPHOTOS/AFP
VEGAGERÐ Verktakafyrirtækið
Jarðvélar ehf. stefnir að verklok-
um við tvöföldun tólf kílómetra
langs vegarkafla Reykjanesbraut-
ar ári fyrr en kveðið er á um í
útboðsgögnum. Framkvæmdir hóf-
ust í lok nóvember og samkvæmt
útboðsgögnum er gert ráð fyrir
verklokum 1. júlí árið 2008.
Jóhann Bergmann, deildar-
stjóri hjá framkvæmdasviði Vega-
gerðarinnar, segir að verktaki
njóti góðs af takist honum að skila
verkinu fyrr en samningar kveði á
um. Samanlagt geti verktakinn
fengið í sinn hlut yfir fjörutíu
milljónir króna í flýtifé standi
hann við það markmið að skila
verkinu 1. júlí á næsta ári. Verkið
er umfangsmikið og felur meðal
annars í sér gerð mislægra gatna-
móta við Voga- og Grindavíkur-
veg. „Verkið kostar um 1,1 millj-
arð króna en að meðtöldum
hönnunar-, eftirlitskostnaði og
öðrum útgjöldum nemur heildar-
kostnaður liðlega 1,8 milljörðum
króna,“ segir Jóhann.
Hafnar eru framkvæmdir við
Reykjanesbrautina í Garðabæ og
einnig er í undirbúningi að tvö-
falda brautina frá Hafnarfirði að
Krísuvíkurvegi. Við lok þessara
verkþátta er aðeins eftir að tvö-
falda átta kílómetra langan veg-
kafla á allri Reykjanesbraut. - jh
FRAMKVÆMDIR VIÐ REYKJANESBRAUT Verktakafyrirtækið Jarðvélar ráðgerir að ljúka tvö-
földun 12 kílómetra vegkafla allt að ári fyrr en samið er um. FRÉTTABLAÐIÐ/STEFÁN
Jarðvélar keppast við tvöföldun Reykjanesbrautar:
Tvöfalda brautina
á tvöföldum hraða
Engjaþykkni
– allir eiga sitt uppáhald
NISSAN X-TRAIL
Sævarhöfða 2 Sími 525 8000 www.ih.is Opið: Mán – fös kl. 9-18 og lau kl. 12-16
Ríkulegur staðalbúnaður
17" álfelgur, litað gler, 6 diska geislaspilari, 3 drifstillingar,
loftkæling, sjálfskipting, útvarpsfjarstýring í stýri, sóllúga.
E
N
N
E
M
M
/
S
ÍA
/
N
M
2
0
5
8
9
Nissan X-Trail Sport 2.690.000 kr.
FULLBÚINN Á
FRÁBÆRU VERÐI!