Fréttablaðið - 03.03.2006, Qupperneq 33

Í kvk er einnig að finna úrval fal-
legra skartgripa. FRÉTTABLAÐIÐ/HEIÐA
Það er alltaf jákvætt þegar íslenskir hönnuðir ná
að koma vörum sínum á framfæri. Í dag verður
opnuð ný verslun þar sem íslensk föt og skart
fylla hillur og rekka.
Verslunin heitir kvk og er á Laugavegi 27. Fatahönn-
uðirnir Kolbrún Ýr Gunnarsdóttir og Íris Eggertsdótt-
ir eiga veg og vanda af búðinni en þær ráku áður
verslunina Pjúra.
Íris og Kolbrún eru hvor með sína hönnunarlínuna
en öll fötin í versluninni hafa þær hannað sjálfar. Lína
Kolbrúnar kallast Kow en lína Írisar Rokkmantík, en
auk þess selja þær eigið skart og vel valda aðkeypta
gripi.
Það er löng leið frá hugmynd að flík.
„Það er mismunandi hvernig hug-
myndavinnan fer fram. Stundum
stinga hugmyndirnar bara upp koll-
inum, stundum koma þær út frá
öðrum flíkum sem við útfær-
um svo eftir eigin höfði og
stundum sjáum við efni sem
okkur langar að vinna með,“
segir Kolbrún. „Svo prófum
við að sníða og sauma en við
saumum öll fötin sjálfar í
vinnustofunni okkar.“
Í kvk er hægt að finna
flíkur bæði fyrir fínu boðin og hvunndaginn. „Við
leggjum mikið upp úr fallegum en jafnframt þægileg-
um fötum. Það er vel hægt að vera smart í þægilegum
fötum,“ segir Kolbrún.
Eins og nafn verslunarinnar gefur til kynna er
búðin ætluð fyrir konur. Í framtíðinni stefna Íris og
Kolbrún þó á að gefa út sameiginlega línu og að innan
hennar verði einhver karlmannsföt, íslenskum karl-
peningi til ómældrar ánægju.
tryggvi@frettabladid.is
Rokkmantík og Kow
fyrir íslenskar konur
Boðið er upp á fjölmargar
sýningar í miðbænum á
morgun.
Ljósmyndasafn Reykjavíkur,
Grófarhúsinu Tryggvagötu 15.
Klukkan 12 til 19.
28 ár, eða um tíu þúsund dagar,
eru liðnir frá því að Friðrik Örn
eignaðist sína fyrstu myndavél,
þá átta ára að aldri. Myndirnar á
sýningunni spanna allt þetta
tímabil fram til dagsins í dag.
Gallerí Humar og frægð, Kjör-
garði Laugavegi 59. Klukkan 12
til 18.
Sýning á vegum Leikminjasafns
Íslands um götuleikhópinn Svart
og sykurlaust. Þar verða ljós-
myndir, leikmunir og kvik-
myndasýningar.
Handverk og Hönnun, Aðal-
stræti 12, 2. hæð. Klukkan 13–
17.
Á sýningunni Auður Austurlands
eru fjölbreyttir munir unnir úr
hráefni sem tengist Austurlandi
svo sem lerki, líparíti, hreindýra-
skinni, horni og beini.
Art-Iceland, Skóla-
vörðustígi 1a. Klukk-
an 16-19.
Arnór G. Bieltvedt
verður með sýning-
una Hjartsláttur
lifandi náttúru. Ólaf-
ur Grétarsson spilar
ljúfa tóna á gítar til
að undirstrika ljósa og
lifandi tóna listaverk-
anna.
Safn, Laugavegi 37. Klukkan 14-
18.
Sýning á verkum einnar þekkt-
ustu myndlistarkonu heims, Roni
Horn. Verkin eru um tuttugu
talsins frá 1985-2004 og eru öll í
eigu Safns. Sýningin ber heitið
„Some Photos“. Flest verka Roni
Horn eru ljósmyndir sem hún
hefur tekið á Íslandi en hún
hefur dvalið hér reglulega síðan
1975.
Kling & Bang gallerí, Laugavegi
23. Klukkan 14-18.
Tvær sýningar verða opnaðar á
morgun. Á jarðhæð opna Huginn
Þór Arason og Jóhann Atli Hin-
riksson sýninguna Glory hole og
í kjallaranum opnar Sara Björns-
dottir sýninguna Hellirinn á bak
við ennið.
Textílkjallarinn, Lokastíg 28.
Klukkan 14-17.
Þrettán listakonur sem áður ráku
Listakot sýna í Loka listmuni
unna í tengslum við Hallgríms-
kirkju og Leif heppna. Munirnir
munu síðan þróast áfram í minja-
gripi fyrir verslun Loka sem
verður opnuð í vor. Graf-
ík, textíll, gler, leir og
málun.
Gítarspil, handverk
og Leifur heppni
Sýning á verkum mynd-
listarkonunnar Roni Horn
verður í Safni á morgun.Rokkmantík
FRÉTTABLAÐIÐ/HEIÐA
Kjóll úr Kow-línu
Kobrúnar.
FRÉTTABLAÐIÐ/HEIÐA
Kow
FRÉTTABLAÐIÐ/HEIÐA
Rokkmantík. Bæði
kjóllinn og hálsmenið
er úr smiðju Írisar.
LANGUR LAUGARDAGUR
30% afsláttur
AF ÖLLUM
VÖRUM
Fimmtudag-
þriðjudags
FÖSTUDAGUR 3. mars 2006 5