Fréttablaðið - 03.03.2006, Page 36

3. mars 2006 FÖSTUDAGUR
Elvar Torfason er kokkur á
Thorvaldsen bar. Hann er einn
þeirra fimm kokka sem keppa
um titilinn Matreiðslumaður
ársins 2006.
Elvar kláraði kokkanámið fyrir
þremur árum og hefur ekki keppt
um titilinn Matreiðslumaður ársins
áður. „Ég byrjaði að vinna á Sjávar-
kjallaranum og vann þar í tvö ár en
síðasta árið hef ég verið á Thor-
valdsen bar,“ segir hann.
Elvar er mjög ánægður í starf-
inu. „Það er gaman að elda góðan
mat og mér finnst lætin í eldhúsinu
skemmtileg,“ segir hann.
Elvari þykir skemmtilegt að
elda allan mat. „Eftirréttir eru
kannski í mestu uppáhaldi hjá mér,“
segir Elvar, sem heldur mikið upp á
kryddið kóríander. „Svo nota ég
líka karrí og krydd sem ég bý til
sjálfur,“ segir hann.
Elvar segist ekki vera duglegur
að elda heima hjá sér þó að honum
þyki skemmtilegt að elda. „Ég fer
mjög oft út að borða eða kaupi eitt-
hvað tilbúið,“ segir hann.
Uppskriftin sem Elvar ætlar að
gefa lesendum Fréttablaðsins er að
kengúrusalati með appelsínu-karrí
sorbet.
KENGÚRUSALAT „TERIYAKI“ MEÐ APPELS-
ÍNU-KARRÍ SORBET (fyrir 4)
KENGÚRA
500 g kengúra
2 stk vorlaukur
1 stk chillí (ferskt)
20 g kóríander (ferskt)
150 g Hot spot teriyaki
80 g heslihnetuolía (noisette)
Kengúran er snyrt og brúnuð á
pönnu á öllum hliðum í ca. 1/2 mín á
hverri hlið. Hún er síðan sett inn í
ofn á 200° c í ca. 4 mín. Þá er hún
tekin út og látin kólna. Kjötið er
síðan skorið niður í þunnar sneiðar
og blandað saman við teriyaki og
heslihnetuolíuna. Vorlaukur, chillí
og kóríander er skorið fínt niður og
blandað saman við kengúruna og
sósuna.
APPELSÍNU-KARRÍ SORBET
1 tsk gult karríduft
170 ml kókosmjólk
1 tsk rifin engiferrót
1 1/2 msk sykur
100 ml appelsínusafi
83 ml hreint jógúrt
10 g lime safi
10 g kóríander (ferskt)
Engifer er rifið fínt niður og app-
elsínusafinn kreistur úr appelsín-
unum.
Öllu er síðan blandað saman
nema jógúrtinu og soðið saman þar
til sykurinn er uppleystur. Blandan
er síðan kæld og þá er jógúrtinu
hrært út í og fínt söxuðu kóríander
bætt út í að lokum. Þetta er síðan
sett í ísvel og fryst. Einnig er hægt
að setja blönduna í form og frysta,
en þá skal hræra í blöndunni með
klukkutíma millibili þangað til hún
hefur náð að frjósa.
SALAT
rucola-salat
kóríander
mynta
granateplafræ
edamame-baunir
appelsínu-lauf
Rucola-salati, kóríander og myntu
er blandað saman og velt upp úr
ólífuolíu og kryddað með maldon-
salti.
Því næst er edamame-baunum
og granateplafræjum blandað
saman við.
Í lokin er síðan kengúrusneiðun-
um raðað undir og ofan á salatið.
Toppað með ískrapinu.
Eftirréttir í uppáhaldi
Kengúrusalat með appelsínu-karrí sorbet.
FRÉTTABLAÐIÐ/E.ÓL.
Elvar Torfason er kokkur á Thorvaldsen bar. FRÉTTABLAÐIÐ/E.ÓL.
NOKKRIR
VEITINGASTAÐIR
HAFA ÁKVEÐIÐ
AÐ FRAMLENGJA
Á HÁTÍÐARMAT-
SEÐILINN FRAM
Á SUNNUDAG.
Veitingastaðirnir eru:
Apótekið – Mark Edwards
Einar Ben – Ris Lacoste
Listasafnið – Flora Mikula
Grillið – Cornelius Gallagher (fékk
verðlaun fyrir besta kjötréttinn)
Perlan – Markus Winkelmann
Rauðará – Barton Seaver
Salt – Michael Thomas
Sjávarkjallarinn – Kazuhiro
Okochi
Óðinsvé – Jonas Lundgren & Tina D.
Vik (Tina var valin kokkur hátíðar-
innar)
Skólabrú – Bryan Voltaggio (fékk
verðlaun fyrir besta fiskréttinn)
Vox – Kalle Lindroth (fékk verðlaun
fyrir besta eftirréttinn)
Meira Food
and fun
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is
NFS ER Á VISIR.IS
Bein útsending á VefTV og
upptökur þegar þér hentar