Fréttablaðið - 03.03.2006, Page 54

3. mars 2006 FÖSTUDAGUR38
Nýtt gallerí, Anima, verður
opnað við Ingólfsstræti í
dag. Þar verður tónlistinni
gert hátt undir höfði, ekki
síður en myndlistinni.
„Slembilukka“ nefnist sýning
Bjarna Sigurbjörnssonar myndlist-
armanns, sem opnuð verður í nýju
galleríi við Ingólfsstræti í dag.
Galleríið heitir Anima og er til
húsa að Ingólfsstræti 8.
Bjarni er þekktur fyrir tilrauna-
kenndar efnahvarfamyndir sem
hann efur málað á gagnsæjan flöt.
Í verkunum má lesa átök málarans
við efnið og skynja hvernig hreyf-
ingar hans grípa inn í og móta
myndflötinn og ferla efnanna sem
renna um hann.
Meginverk sýningarinnar verða
þrjú málverk sem mynda þrenn-
ingu, þar sem ein hreyfing gengur
í gegnum allar þrjár myndirnar og
yfirtekur salinn ... Slamm, Slumm
og Splass.
Eigandi nýja gallerísins er
Hólmfríður Jóhannesdóttir. Hún er
söngkona og söngkennari og ætlar
sér að gera tónlistinni jafn hátt
undir höfði og myndlistinni í þessu
nýja galleríi sínu.
„Þetta byrjaði allt saman þannig
að ég fór að leita mér að æfinga-
húsnæði,“ segir Hólmfríður. Sú leit
bar engan árangur fyrr en hún
rakst á þetta 100 fermetra húsnæði
við Ingólfsstrætið, í sama húsi og
gallerí i8 var fyrst staðsett.
„Ég sá það strax fyrir mér að
hafa þarna flygil og gallerí og sam-
eina þetta tvennt, gera eitthvað
nýtt.“
Hólmfríður ætlar að reka þarna
söngskóla, sem verður opinn þriðju-
daga, miðvikudaga og fimmtudaga,
en galleríið verður svo opið föstu-
daga, laugardaga og sunnudaga.
„Svo er líka meiningin að hafa
sýninguna opna meðan ég er að
kenna ef söngnemandinn vill. Það
væri svolítið skemmtilegt. Svo eru
gluggarnir svo stórir að fólk sér
alltaf inn.“
Þótt Hólmfríður komi úr tónlist-
arheiminum er myndlistarheimur-
inn ekki langt undan. Hún hefur
starfað á Listasafni Íslands í tvö ár,
„og svo er kærastinn minn mynd-
listarmaður, þannig að ég er búin
að vera svolítið tengd myndlistinni
síðustu árin.“
Kærastinn hennar er Kristinn
Már Pálmason, sem verður sýn-
ingastjóri Gallerísins.
Nú þegar er búið að skipuleggja
næstu sýningar, en ný sýning verð-
ur opnuð í galleríinu í hverjum
mánuði.
BJARNI SIGURBJÖRNSSON, HÓLMFRÍÐUR JÓHANNESDÓTTIR OG KRISTINN MÁR PÁLMASON
Bjarni verður fyrstur myndlistarmanna til þess að opna sýningu í splunkunýju galleríi þeirra
Hólmfríðar og Kristins við Ingólfsstræti. FRÉTTABLAÐIÐ/HEIÐA
Opnað með Slembilukku
HVAÐ? HVENÆR? HVAR?
MARS
28 1 2 3 4 5 6
Föstudagur
■ ■ TÓNLEIKAR
 17.00 Þórir kemur fram í verslun-
inni 12 Tónum.
 21.30 Ragnheiður Gröndal söng-
kona heldur tónleika á Café Kulture
ásamt þriggja manna hljómsveit sem
skipa, Haukur Gröndal klarinett,
Ástvaldur Traustason harmonikka
og Róbert Þórhallsson bassi.
 22.00 Hljómsveitirnar Nilfisk,
Weapons og Sprengjuhöllin halda
tónleika á Ellefunni.
 23.00 Þórir heldur tónleika á
Grand Rokk ásamt hljómsveit. Einnig
kemur fram Jakobínarína og hugs-
anlega óvæntir gestir.
■ ■ OPNANIR
 16.00 Hulda Hákon opnar sýn-
inguna Munaskrá í Bananananas á
horni Laugavegar og Barónsstígs.
 17.00 Hulda Hákon opnar sýn-
ingu sína, Ebita, í 101 Gallery á
Hverfisgötu 18a.
 Sýning á ljósmyndaröðinni Calcutta
/ Bombay eftir Christopher
Taylor verður opnuð í Skotinu,
Ljósmyndasafni Íslands, á 6. hæð
Grófarhúss, Tryggvagötu 15.
■ ■ LEIKLIST
 20.00 Virkjunin eftir
Nóbelsverðlaunahafann Elfriede
Jelinek verður frumsýnd á stóra
sviði Þjóðleikhússins í leikgerð
Maríu Kristjánsdóttur. Leikstjóri er
Þórhildur Þorleifsdóttir.
■ ■ FYRIRLESTRAR
 16.00 Hópurinn GroupG
heldur fyrirlestur og sýningu
á Hvalaverkefninu í LHÍ,
Laugarnesvegi 91. Hópurinn fjallar
um þróun verksins og sýningarferð
til Tókýó og Seoul.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
„Venjulega á fólk ekkert að koma
við málverkin, bara horfa á þau,
en á þessari sýningu verður fólk
að labba upp að málverkunum og
snerta þau. Það hafa allir gert
sem komið hafa á sýninguna. Fólk
verður að káfa á þessu,“ segir
Birgir Breiðdal myndlistarmað-
ur, sem um síðustu helgi opnaði
sýningu í Einholti 6 ásamt konu
sinni, Ásu Heiðar Rúnarsdóttur
myndlistarkonu.
Þetta er í senn myndlistar- og
hönnunarsýning, því Birgir sýnir
málverk en Ása notuð húsgögn
sem hún hefur gefið andlitslyft-
ingu að eigin hætti.
Sýningu sína nefna þau Mun-
úðarfull, og vísa þar til áferðar
verkanna sem beinlínis kalla á
snertingu.
„Ég mála bara í áferðum,“
segir Birgir um málverkin sín, og
bætir því við að þau séu „svört og
hvít og svo smá rauður litur með
sem varalitur til að poppa þetta
aðeins upp“.
Meira vill hann ekki segja um
málverkin sín, en lýsir því nánar
hvernig Ása meðhöndlar hús-
gögnin til þess að gefa þeim nýtt
líf. Til dæmis festir hún á þau
ljósmyndir, þekur þau með grænu
flaueli eða munstri úr perlum
eins og börnin nota til þess að
„perla“ með.
„Við erum með lifandi sýningu
þar sem við bjoðum öðrum lista-
mönnum að koma og vera með
atriði.“ Á opnuninni setti til
dæmis drekkhlaðið ávaxtaborð
sterkan svip á sýninguna og sá
leikur verður endurtekinn á
morgun, þótt maturinn verði af
öðru tagi. Eftir viku verður síðan
tónlistaratriði með Hlöðver Jök-
ulssyni og Tómasi A. Ragnars-
syni.
Æskilegt að snerta
BIRGIR BREIÐDAL Birgir stendur þarna við 50 ára gamlan „Kiljanstól“, sem afi hans smíðaði
á sínum tíma en hlotið hefur nýstárlega andlitslyftingu. FRÉTTABLAÐIÐ/GVA
550 5000
AUGLÝSINGASÍMI