Fréttablaðið - 03.03.2006, Page 62

46 3. mars 2006 FÖSTUDAGUR
sport@frettabladid.is
HVAÐ? HVENÆR? HVAR?
MARS
28 1 2 3 4 5 6
Föstuudagur
■ ■ LEIKIR
 19.15 ÍR og Afturelding mæt-
ast í DHL-deild karla í handbolta í
Austurbergi.
 19.15 Valur og Fylki mætast
í DHL-deild karla í handbolta í
Laugardalshöllinni.
 19.15 Þór Ak. og HK mætast
í DHL-deild karla í handbolta á
Akureyri.
 19.15 KR og FH mætast í DHL-
deild karla í handbolta í DHL-höllinni
í Frostaskjólinu.
 19.15 Selfoss og Vík/Fjö mæt-
ast í DHL-deild karla í handbolta á
Selfossi.
■ ■ SJÓNVARP
 19.00 Gillette World Sport á Sýn.
Íþróttir í lofti, láði og legi.
 19.30 Meistaradeildin á Sýn.
Fréttaþáttur um deildina.
 20.00 Motorworld á Sýn.
 20.25 Supersport á Sýn.
 20.30 World supercross á Sýn.
 23.00 Intersport-deildin á Sýn.
Útsending frá leik Keflavíkur og
Snæfells í úrslitunum í fyrra.
HAFNABOLTI Barry Bonds er einn
dáðasti og umdeildasti íþrótta-
maður Bandaríkjanna. Hann á
einstakan feril að baki sem hafna-
boltamaður en margir vilja meina
að hann hafi náð sínum árangri
með hjálp ólöglegra lyfja en
Bonds er vel flæktur í Balco-
hneykslið enda einn af stærstu
skjólstæðingum fyrirtækisins.
Bonds er orðinn 42 ára gamall
og er enn að puða í þjóðaríþrótt
Bandaríkjamanna. Það sem keyr-
ir hann áfram þessa dagana er
atlaga að einu virtasta metinu í
bandarískum íþróttum en það er
fjöldi heimahafnarhlaupa á ferl-
inum eða „home run“ eins og það
er kallað á frummálinu. Þá nær
leikmaður að slá boltann út fyrir
völlinn og hleypur allan hringinn
í mark.
Hank Aaron náði 755 heima-
hafnarhlaupum á sínum ferli og
það met hefur nú staðið í tugi ára.
Næstur er Babe Ruth með 715 og
svo Bonds þriðji með 708. Bonds
stefnir að því að ná Ruth fljótlega
og ef vel tekst til gæti hann náð
Aaron á þessu tímabili.
Bandaríkjamenn vilja að sjálf-
sögðu skrásetja þessa atlögu
Bonds að metinu almennilega og
því mun kvikmyndatökulið fylgja
Bonds hvert fótmál á tímabilinu
og vikulega verður sendur út
raunveruleikaþáttur sem fjallar
um þessa atlögu Bonds að meti
Aaron.
- hbg
Vel fylgst með hafnaboltahetjunni Barry Bonds:
Raunveruleikaþáttur
gerður um Bonds
FÓTBOLTI Varnarmaðurinn Árni
Thor Guðmundsson gæti verið á
leiðinni til ÍA en félagið hefur
fengið leyfi til að ræða við leik-
manninn. ÍA er í leit að miðvörð-
um eftir að Reynir Leósson og
Gunnlaugur Jónsson fóru frá lið-
inu en Árni Thor hefur getið sér
gott orð með HK í 1. deildinni.
Árni Thor mætti á æfingu hjá
ÍA um síðustu helgi en Skagamenn
hafa hug á að semja við leik-
manninn. „Við viljum semja við
Árna. Þetta snýst allt um peninga,
hvað hann vill og hvað HK vill fá
fyrir hann,“ sagði Eiríkur Guð-
mundsson, formaður meistara-
flokksráðs ÍA, við Fréttablaðið í
gær.Árni vildi ekki tjá sig um
málið við Fréttablaðið í gær. - hþh
Skagamenn í miðvarðaleit:
ÍA vill semja
við Árna Thor
FÓTBOLTI Bjarni Jóhannsson, þjálf-
ari Breiðabliks, er í leikmannaleit
þessa dagana og horfir hann út
fyrir landsteinana í þeim efnum.
Breiðablik var með norskan sókn-
armann á æfingum hjá sér og þá
er von á öðrum Norðmanni sem
kemur í næstu viku.
„Við ætlum að styrkja liðið með
eins og þremur erlendum leik-
mönnum fyrir komandi sumar. Við
erum með eins góða tengiliði og
hægt er en þetta tekur allt sinn
tíma. Við reynum að vanda okkur
við þetta eins og við getum en
þetta er alltaf visst happdrætti,
það verður bara að viðurkennast,“
sagði Bjarni. - hþh
Bjarni Jóhannsson:
Leitar til Noregs
BREIÐABLIK Blikar fagna hér 1. deildarsæt-
inu síðastliðið vor. FRÉTTABLAÐIÐ/ANTON BRINK
Óskar Bjarni Óskarsson, þjálfari karlaliðs
Vals í handbolta, skrifaði nýlega opin-
skáan pistil á heimasíðu Vals þar sem
hann ræðir meðal annars um nauðsyn
þess að lið hafi yfir að ráða leikmanni
með smá illmennskublóð í sér. Óskar
Bjarni segir að Val vanti einmitt slíkan
varnarmann. „Leikmenn sem við getum
flokkað í þann flokk að taka mjög hart
á andstæðingum sínum og jafnvel vilj-
andi, farið eins langt og dómarinn leyfir
eru leikmenn eins og (Alexi) Trufan,
Þorbjörn Jensson, Patrekur Jóhannes-
son, Arnar Pétursson og mulningsvélin
eins og hún lagði sig,“ segir Óskar Bjarni
meðal annars í pistli sínum og bætir
við: „Ég vil taka fram að þetta eru góðir
leikmenn og ég lít upp til þeirra.“
Fréttablaðið leitaði til Óskars Bjarna
og spurði hann virkilega hvort íþróttin
væri ekki komin á hálan ís ef það þyrfti
virkilega að vera nánast ofbeldismaður
til að ná árangri í varnarleik. „Það
er nú bara þannig að handbolti er
ekkert „elsku mamma“. Það þarf
að geta barið frá sér og menn þurfa
að vera verulega fastir fyrir,“ sagði
Óskar Bjarni og stóð fast á sínu. „Það
er þessi fína lína sem dómararnir
hafa sem leikmenn þurfa að
komast eins nálægt og kostur
er. Þú átt að spila eins fast og
dómarinn leyfir. Og ég neita
því ekki að ég vil fá meiri
baráttu í mína menn,“ segir
hann.
Óskar Bjarni segir einnig
að dómarar séu á reiki með
hvenær eigi að gefa rautt spjald og
hvenær ekki. „Ég tel mig ekki hafa svona
fastan leikmann í mínu liði en samt
höfum við fengið þrjú rauð spjöld
í vetur. Á sama tíma hafa okkar
leikmenn verið kýldir viljandi niður
og aðeins brottvísun gefin fyrir. Að
þessu leyti þyrftu dómarar að vera
búnir að skoða þá leikmenn
sem eru hvað grófastir,
t.d. á myndbandi og sjá
hvernig þeir spila. Það
eru leikmenn sem brjóta
illa af sér viljandi og svo
eru leikmenn sem gera
það ekki viljandi. Og oftar
en ekki eru það þeir sem
brjóta viljandi af sér sem
sleppa með refsinguna.“
ÓSKAR BJARNI ÓSKARSSON, ÞJÁLFARI VALS: SEGIR LÆRISVEINA SÍNA ÞURFA AÐ VERA FASTARI FYRIR
Leikmenn þurfa að hafa illmennskublóð
FÓTBOLTI Í dag hleypir Fréttablaðið
og Vísir.is af stokkunum nýjum lið
sem heitir „Lesendur spyrja“. Les-
endur Fréttablaðsins og Vísi geta í
þessari fyrstu lotu spurt íþrótta-
mann ársins, Eið Smára Guðjohn-
sen, spjörunum úr en ætlunin er
að vera með slíkt viðtal á tveggja
vikna fresti.
Með því að fara inn á Vísi.is er
hægt að senda inn spurningu á Eið
Smára og svör landsliðsfyrirlið-
ans munu birtast í Fréttablaðinu
og á Vísi.is 19. mars næstkomandi.
Frestur til að skila inn spurning-
um rennur út á miðnætti miðviku-
daginn 15. mars. ■
Eiður Smári Guðjohnsen:
Svarar spurn-
ingum lesenda
EIÐUR SMÁRI GUÐJOHNSEN Mun svara
spurningum lesenda Fréttablaðsins og
Vísis. FRÉTTABLAÐIÐ/GETTY IMAGES
HANDBOLTI Það er svo gott sem frá-
gengið að Alfreð Gíslason verði
næsti landsliðsþjálfari Íslands í
handknattleik og taki við starfinu
af Viggó Sigurðssyni sem sagði
starfinu lausu um jólin. Eftir að
ljóst varð að Viggó myndi ekki
halda áfram með liðið ákvað stjórn
HSÍ að freista þess að fá Alfreð í
starfið og þeim virðist ætla að
verða að ósk sinni.
Alfreð er á milli starfa þessa
dagana en hann var rekinn frá
Magdeburg undir lok síðasta árs
en var áður búinn að semja við
Gummersbach um að taka við
þjálfun liðsins sumarið 2007.
Alfreð gekk frá starfslokasamn-
ingi við Magdeburg í gær eftir
langa mæðu og honum er því
frjálst að taka við íslenska lands-
liðinu og stýra því næsta eina og
hálfa árið.
Það vakti athygli að þýski net-
miðillinn Handball World skyldi
lýsa því yfir í gær að í dag yrði
haldinn blaðamannafundur þar
sem Alfreð yrði kynntur sem
næsti landsliðsþjálfari Íslands.
Guðmundur Ingvarsson, formað-
ur HSÍ, vildi ekki staðfesta þær
fréttir og varðist allra frétta.
Spurður um hvort Alfreð væri að
taka við liðinu sagði Guðmundur
einfaldlega „no comment“ og sagð-
ist myndu svara spurningum í
dag.
Fréttablaðið náði sambandi við
Alfreð um kvöldmatarleytið í gær
og það var létt yfir honum. „Það er
ágætt að þetta er frágengið. Þetta
er fín lausn og gott að geta horft
fram á veginn,“ sagði Alfreð en
hann vildi ekkert ræða um hvern-
ig starfslokum hans við Magde-
burg væri háttað. Það lá því næst
beinast við að spyrja hvort hann
væri að taka við íslenska landslið-
inu?
„Hvað heldur þú?“ sagði Alfreð
og hló dátt. Hann neitaði í kjölfar-
ið algjörlega að tjá sig um málið
en hló mikið og var greinilega
mjög kátur með lendinguna í mál-
inu. Hann staðfesti þó við blaða-
mann að hann væri á leið til
Íslands í dag. Um ástæður farar-
innar vildi hann ekki tjá sig en
heimildir Fréttablaðsins herma að
það sé formsatriði að ganga frá
samningnum og verður að öllum
líkindum boðað til blaðamanna-
fundar seinni partinn í dag þar
sem tilkynnt verður um ráðningu
Alfreðs. henry@frettabladid.is
Ekkert því til fyrirstöðu að
Alfreð taki við landsliðinu
Alfreð Gíslason mun að öllum líkindum verða ráðinn sem landsliðsþjálfari í
handknattleik í dag. Alfreð gekk frá starfslokasamningi við Magdeburg í gær.
NÝR LANDSLIÐSÞJÁLFARI? Alfreð Gíslason sést hér gefa fyrrverandi lærisveinum sínum hjá
Magdeburg góð ráð. Hann verður væntanlega ráðinn landsliðsþjálfari í dag.
FRÉTTABLAÐIÐ/PJETUR
Þórhallur í Þrótt
Þórhallur Hinriksson hefur ákveðið að
leika með Þrótturum í 1. deildinni á
komandi sumri. Þórhallur er þrítugur
miðjumaður sem kemur frá Val en hann
hefur leikið fimm landsleiki fyrir Íslands
hönd. Þá hefur Þorsteinn Gíslason skipt
yfir í Þrótt frá ÍA en hann hefur aðallega
vermt varamannabekkinn hjá Skaga-
mönnum á undanförnum árum.
> Heiðar Davíð úr leik
Kylfingurinn Heiðar Davíð Bragason náði
sér ekki á strik á Opna spænska áhuga-
mannameistaramótinu í gær frekar en á
fyrsta keppnisdegi og lék á 74 höggum,
eða tveimur höggum yfir pari. Heiðar
Davíð lék á sjö höggum yfir pari í fyrra-
dag og er úr leik, en
þeir keppendur sem
höfnuðu í 32 efstu
sætunum halda
áfram og keppa í
holukeppni í úrslit-
um. Heiðar Davíð
varð í 52.--63. sæti
en þess má geta
að hann vann
þetta mót fyrir
tveimur árum
síðan.
Hefur
sé› DV
í dag?
flú
Vill kaupa
íbúð í
Reykjavík
SEAN LENNON ELSKAR ÍSLAND
2x10 - lesið 2.3.2006 21:07 Page 1