Fréttablaðið - 27.03.2006, Síða 82

6 9. apríl 2006 SUNNUDAGUR
VIÐSKIPTI Á þriðja tug erlendra
blaðamanna mætti á kynningar-
fund Glitnis í íslenska sendiráð-
inu í Kaupmannahöfn í vikunni.
Er það til marks um þann mikla
áhuga sem danskir fjölmiðlar
hafa sýnt íslenskum efnahagsmál-
um þessi misserin. Á fundinum
kynntu forsvarsmenn bankans
starfsemi hans og þróun efna-
hagsmála auk þess sem Þórður
Friðjónsson, forstjóri Kauphallar-
innar, ræddi um íslenska verð-
bréfamarkaðinn.
Að sögn Péturs Þ. Óskarssonar,
forstöðumanns hjá Glitni, er það ný
staða fyrir íslensk fyrirtæki að
þurfa að kynna sig með þessum
hætti. Hann telur mikilvægt fyrir
íslensk fyrirtæki að sinna sam-
skiptum við erlenda fjölmiðla betur
en þau hafa gert enda sé nauðsyn-
legt að koma réttum upplýsingum á
framfæri. Forráðamenn íslensku
bankanna hafa gagnrýnt umfjöllun
danskra fjölmiðla og fjármálastofn-
ana um þá og íslenskt efnahagslíf
og sagt hana einkennast af of lítilli
þekkingu.
„Það er okkar hlutverk að koma
réttum upplýsingum á framfæri og
með þessum kynningarfundi erum
við að ná til danskra fjölmiðla.“
Berlingske tidende hefur fjall-
aði ítarlega um lækkun hluta-
bréfaverðs í íslensku bönkunum
þar sem meðal annars kom fram
að virði þeirra hefði lækkað um
allt að fjórðung síðan í febrúar. - ks
Glitnir hélt kynningarfund í sendiráðinu í Kaupmannahöfn:
Tugir blaðamanna upplýstir
MENNTAMÁL Háskóli Íslands og
Landssamband íslenskra útvegs-
manna hafa skrifað undir samning
um kostun starfs sérfræðings til
rannsókna í auðlindarétti við Laga-
stofnun Háskóla Íslands. Markmið
samningsins er að efla rannsóknir á
sviði auðlindaréttar.
Ráðinn verður starfsmaður í fullt
starf til þriggja ára, sem mun hafa
rannsóknir í auðlindarétti á sviði
fiskveiðiréttinda og fiskveiðistjórn-
unar að aðalstarfi.
Að sögn Páls Hreinssonar, for-
seta lagadeildar, er undirritun samn-
ingsins liður í sérstöku átaki á sviði
auðlindaréttar hjá lagadeild en í
mars var gerður sams konar samn-
ingur við Samorku um kostun rann-
sóknarstöðu í auðlindarétti á sviði
orkurannsókna.
Framlag Landssambands
íslenskra útvegsmanna gerir kleift
að hefja víðtækar rannsóknir á
íslenska fiskveiðistjórnunarkerfinu.
Fullveldisréttur Íslands í fiskimál-
um verður meðal annars skoðaður
sem og lagagrundvöllur fiskveiði-
stjórnunarkerfisins, eignaumráð
fiskiauðlinda, reglur um fiskveiði-
stjórnun, veiðigjald og fleira. - sdg
UNDIRSKRIFT SAMNINGSINS Fulltrúar
Háskóla Íslands og Landssambands
íslenskra útvegsmanna skrifa undir sam-
starfssamning.
Háskóli Íslands og Landssamband íslenskra útvegsmanna gera samning:
Rannsóknir í auðlindarétti styrktar
FÉLAGSMÁL Óvirkur spilafíkill fékk
ekki að fara inn í Gullnámuna við
Ingólfstorg í gær til að komast á
salerni nema með því skilyrði að
hann færi í kassann til að spila.
Spilafíkillinn, Hermann Ólason,
sem kveðst hafa eytt aleigunni í
spilakassa áður en hann hætti,
segir þessa framkomu starfs-
manns Gullnámunnar forkastan-
lega.
„Ég er lærður áfengis- og vímu-
efnaráðgjafi,“ segir Hermann.
„Þrátt fyrir það eyðilagði ég þrett-
án ára edrúmennsku mína á
spilafíkn í kringum 1999-2000.
„Þegar allt var farið, bæði móður-
arfur minn og það sem ég hafði
eignast, auk lána og yfirdrátta,
náði ég mér út úr þessu. Það var 1.
febrúar 2004. Ég náði einnig að
borga niður skuldirnar. Líklega
hef ég farið með 4-5 milljónir í
spilakassana.“
Í gærmorgun var Hermann svo
á gangi í miðborginni, þegar hann
þurfti að bregða sér á salerni til að
kasta af sér vatni. Honum datt í
hug að fara inn á Gullnámuna, en
þar fékk hann þau svör að hann
færi ekki á sal-
ernið nema hann
væri í viðskipt-
um.
„Ég spurði
starfsmanninn
hvort ekki væri
nóg að taka af
mér rúmlega
aleiguna einu
sinni og hvað það kostaði eigin-
lega að fá að pissa inni í Gullnám-
unni,“ segir Hermann, sem kveðst
hafa horfið frá að því búnu.
Starfsmaður
Gullnámunnar,
sem ekki vildi
láta nafns síns getið, sagði að stað-
urinn hefði verið lokaður þegar
Hermann bar þar að. Auk þess
væru salernin alltaf læst, því borið
hefði á því að fólk utan af götunni
vildi komast inn á þau ýmissa
erinda. Loks hefði framkoma Her-
manns ekki gefið tilefni til þess að
undantekning yrði gerð á reglunni
um að einungis viðskiptavinir not-
uðu salernin. - jss
GULLNÁMAN Óvirkur spilafíkill fékk ekki að nota salernið nema
hann spilaði líka, þótt hann gerði grein fyrir aðstæðum sínum.
Varð að spila til að
fá að nota salerni
Hermann Ólason, sem hefur verið óvirkur spilafíkill í rúm tvö ár, fékk ekki að
nota salerni í Gullnámunni nema að spila líka. Hann tapaði meira en aleigunni
á sínum tíma. Hann telur framkomu starfsmanns Gullnámunnar óverjandi.
DÓMSMÁL Ökumaður bíls og
Vátryggingafélag Íslands hf. töp-
uðu í gær máli gegn stefnanda
vegna greiðslna á dráttarvöxtum á
skaðabótum sem hann fékk dæmd-
ar eftir umferðarslys.
Stefnandi var farþegi í aftursæti
bílsins sumarið 1996 þegar ökumað-
urinn missti stjórn á honum og fór
bifreiðin út af veginum og valt eina
veltu. Við það lentu lausir hlutir á
höfði stefnanda. Hann hefur eftir
slysið þjáðst af höfuðverk og verk í
hálsi, herðum og baki. Tveir læknar
mátu meiðslin. Annar þeirra taldi
að stefnandi hefði þjáðst í þrjá mán-
uði og að varanleg örorka væri
fimm prósent. Hinn áleit að slysið
hefði ekki haft neinar afleiðingar á
heilsu hans. Bæturnar námu rúmum
fimm milljónum auk vaxta. - gag
Farþegi fékk í sig lausahluti:
Fær 5 milljónir
í skaðabætur
MENNTAMÁL Menntamálaráðuneyt-
ið hefur birt drög að aðalnámskrá
í listdansi á heimasíðu sinni og er
um að ræða fyrstu heildstæðu
námskrána í þessari listgrein.
Námskráin er tvískipt, annars
vegar fyrir grunnnám og hins
vegar fyrir framhaldsskólastig.
Lýst er uppbyggingu námsins,
markmiðum og inntaki ásamt til-
högun náms og kennslu.
Hagsmunaaðilum og almenn-
ingi gefst kostur á að senda inn
athugasemdir og ábendingar um
námskrárdrögin og einstaka
þætti fram til 24. apríl. - sdg
Fyrsta heildstæða námskráin:
Námskrár í list-
dansi kynntar
LETTLAND, AP Forsætisráðherra
Lettlands, Aigars Kalvitis, hefur
stokkað upp í stjórn landsins, til að
fylla í ráðherrasæti eftir að stærsti
stjórnmálaflokkurinn dró sig úr
samsteypustjórninni.
Sex ráðherrar flokksins Nýir
tímar sögðu af sér í gær, eða varn-
armála-, dómsmála-, félagsmála-,
vísinda- og menntamála-, fjármála-
og upplýsingatækniráðherrarnir. Í
kjölfarið skipaði Kalvitis eftirsitj-
andi ráðherrum að taka yfir skyld-
ur þeirra, en hann mun sjálfur sjá
um störf fjármálaráðherrans.
Kosningar verða haldnar í landinu
í október. - smk
Ríkisstjórn Lettlands:
Ráðherrar
segja af sér
Uppstokkun stjórnar Forsætis-
ráðherra Spánar, Jose Louis Rodriguez
Zapatero, tilkynnti á föstudag um
uppstokkun innan stjórnarinnar og
skipti um varnarmála-, innanríkis- og
menntamálaráðherra landsins.
SPÁNN
KJÖRKASSINN
Á nýja Idol-stjarnan eftir að
verða vinsæll söngvari?
Já 56%
Nei 44%
SPURNING DAGSINS Í DAG
Skilaðir þú skattframtalinu á
réttum tíma?
Segðu þína skoðun á visir.is
SJÁVARÚTVEGUR Einar K. Guðfinn-
son sjávarútvegsráðherra sagði í
ræðu sinni á Fiskiþingi á föstu-
dag umhverfismerkingar og rekj-
anleika vöru
eflaust verða
hluta af alþjóð-
legum fiskvið-
skiptum í fram-
tíðinni.
Einokun á
umhverfismerk-
ingum og við-
miðum kunni
hins vegar ekki
góðri lukku að
stýra og hags-
munatengsl
bjóði hættunni heim. Ráðherra
telur að stefnumótun eigi að vera
á vettvangi greinarinnar og þar
sé eðlilegast að Fiskifélagið sé í
lykilhlutverki.
Ráðherra talaði jafnframt um
bjartari tíma fram undan með
breytingum á gengi krónunnar og
að sjávarútvegsfyrirtæki myndu
uppskera ríkulega í kjölfar
þeirra.
- sdg
Þing um sjávarútveg:
Merkingar á
sjávarafurðum
EINAR K.
GUÐFINNSON
FORSTJÓRI KAUPHALLARINNAR
Þórður Friðjónsson ræddi um
íslenska verðbréfamarkaðinn á
kynningarfundinum í íslenska
sendiráðinu.