Fréttablaðið - 26.09.2006, Síða 28

■■■■ { jeppar } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■■2
Forsíðan
Litladeild Ferðaklúbbsins 4x4 gegn-
ir því hlutverki að fara með óbreytta
og lítið breytta jeppa á fjöll að vetr-
arlagi. Deildin stendur fyrir einni
ferð í mánuði yfir vetrartímann
og eru allir velkomnir með óháð
dekkjastærð bíla. Deildin fer bæði
í dagsferðir og helgarferðir þar sem
gist er í fjallaskálum. Ekki þarf að
vera skráður félagsmaður til að fara
með í ferðir Litludeildar. Hægt er að
fylgjast með ferðum Ferðaklúbbsins
4x4 á heimasíðunni www.f4x4.is.
Fyrsta ferð haustsins var farin
síðastliðna helgi en þá var haldið í
Setrið sem er skáli Ferðaklúbbsins
4x4 og stendur við rætur Hofsjök-
uls. Hópurinn safnaðist saman við
Select á Vesturlandsvegi upp úr kl.
8 og voru saman komnir átta bílar
á 31” til 38” dekkjum. Kl. 8.30 var
lagt af stað og þjóðvegurinn ekinn
að Geysi þar sem fyllt var á tanka
og fengið sér kaffi. Eftir kaffipásu á
Geysi var ekið áfram í átt að Kjal-
vegi. Þegar malbikaðir vegir voru
á enda stoppaði hópurinn til að
minnka loftþrýstinginn í hjólbörð-
unum sem gerir bílana mun mýkri
í akstri á malarvegum og drifbetri.
Nú var stefnan tekin á Kjalveg en
fljótlega eftir að haldið var á stað
aftur fréttist af hóp sem hafði farið
úr bænum kvöldið áður og hafði
ákveðið að slást í för með okkur.
Næsta stopp hjá hópnum var við
grjóthrúguna á Bláfellshálsi þar sem
beðið var eftir fjölskyldu sem hafði
skráð sig með hópnum og kom úr
sumarbústað á Suðurlandi.
Eftir kaffisopa og spjall var
stefnan tekin norður Kjalveg og
síðan beygt inn Kerlingarfjallaleið. Í
Kerlingarfjöllum var tekinn hádeg-
ismatur og svæðið skoðað.
Frá Kerlingarfjöllum var ekið
norður fyrir Loðmund og yfir Illa-
hraun í Setur. Þegar þangað var
komið hafði fjölgað í hópnum og
voru bílarnir nú orðnir fjórtán og
voru í hópnum bílar á dekkjastærð-
um frá 31” og upp í 49”.
EFtir að fólk hafði komið sér
fyrir í skálanum var farinn bíltúr og
helsta nágrenni við skálann kann-
að. Veðrið var eins og best verður
á kosið og útsýnið stórkostlegt til
allra átta. Farinn var góður könn-
unarleiðangur um svæðið og haldið
aftur í Setrið þar sem kveikt var upp
í grillinu. Eftir mjög góðan mat var
haldin kvöldvaka að fjallamanna-
sið.
Gengið var frá skálanum á
sunnudagsmorgni og haldið af stað
suður Klakksleið. Hópurinn ákvað
að fara og skoða Kisugljúfur en áin
Kisa var auðveld yfirferðar og fær
öllum bílum hópsins. Þegar haldið
var áfram tóku við miserfiðar sand-
brekkur þar sem reyndi á drifgetu
bílanna og aksturshæfni ökumanna.
Þaðan lá leiðin að Klakksskála sem
stendur undir fjallinu Klakk sem
leiðin dregur nafn sitt af. Þvínæst
var haldið að Leppistunguskála og
var tekið matarstopp þar sem ferða-
langarnir voru orðnir svangir.
Góður tími var tekinn í mat og
spjall áður en haldið var að Svín-
árnesskála og þaðan stefnan tekin
suður að og niður Tungufellsdal.
Stoppað var við bæinn Tungufell
þar sem lofti var bætt í dekkin til
að gera jeppana klára fyrir akstur
á malbiki.
Komið var í Reykjavík um kl. 8
á sunnudagskvöld og voru ferða-
langarnir þreyttir en ánægðir eftir
tvo góða daga á fjöllum í frábæru
veðri.
Útsýni til allra átta
Hjónin Hrafnhildur G. Stefánsdóttir og Ólafur Gunnarsson eru meðal félagsmanna í Litludeild Ferðaklúbbsins 4x4. Deildin fór um síðustu helgi í
skála félagsins undir Hofsjökli og þau hjónin skráðu ferðina í máli og myndum.
Stoppað til að pumpa í dekkin og undirbúa jeppana undir akstur á malbiki.
Um síðustu helgi fór Litladeild 4x4 að skála félagsins við Hofsjökul. Ferðin reyndist hin skemmtilegasta og var ekið um grýttan veg, svo jepparnir og
ökumennirnir fengu aðeins að reyna á sig.
Veðursæld var mikil í þessari tveggja daga ferð.
���
��
��
���������
www.minnsirkus.is/sirkustv
TOYOTA HILUX 1982
Forsíðuna prýðir Jón Ásgeir Þorláksson á Toyota hilox árgerð 1982
í fallegri náttúru Mývatnssveitar. Bíllinn er í eigu Þorláks Jónssonar
föður hans. Forsíðumynd: Örlygur Hnefill