Fréttablaðið - 04.10.2006, Blaðsíða 38

MARKAÐURINN 4. OKTÓBER 2006 MIÐVIKUDAGUR8
F R É T T A S K Ý R I N G
PENINGAMARKAÐSSJÓÐURINN
14,0%
ávöxtun
Markmið Peningamarkaðssjóðsins er að skila jafnri ávöxtun með
fjárfestingum í skammtímaverðbréfum. Aðallega er fjárfest í innlánum,
skuldabréfum og víxlum skráðum í Kauphöll Íslands. Meðaltími sjóðsins
er mjög stuttur, innan við ár og því er ekki að vænta mikilla sveiflna á
gengi sjóðsins. Peningamarkaðssjóðurinn skilaði 14,0% nafnávöxtun á
ársgrundvelli frá 1. september–2. október 2006. Hafðu samband við
ráðgjafa okkar í síma 575 4400 eða kíktu á vefsíðuna okkar www.vsp.is.
Engin kaup- eða söluþóknun
Peningamarkaðssjóðurinn er rekinn af Rekstrarfélagi Sparisjóðanna hf. Verðbréfaþjónusta Sparisjóðanna hf. er
vörsluaðili sjóðsins. Peningamarkaðssjóðurinn er fjárfestingarsjóður sem starfar skv. lögum nr. 30/2003 um
verðbréfasjóði og fjárfestingarsjóði. Fjárfestingarsjóður telst vera áhættusamari fjárfesting en verðbréfasjóður skv.
lögunum. Meiri áhætta fjárfestingarsjóðs er m.a. fólgin í rýmri fjárfestingarheimildum sem geta leitt til minni
áhættudreifingar en í verðbréfasjóði. Frekari upplýsingar um sjóðinn má finna í útboðslýsingu og útdrætti
útboðslýsingar sem hægt er að nálgast á www.vsp.is
F
í
t
o
n
/
S
Í
A
Snemma í febrúar ákvað stjórn FL Group
að óska eftir skráningu Icelandair Group
í Kauphöll Íslands og skyldi stefnt að
því að skrá félagið á öðrum fjórðungi
þessa árs. „Stjórn FL Group vill koma
Icelandair Group í dreifða eignaraðild og
gefa almenningi og fagfjárfestum þannig
kost á að eignast beint hlut í félögum
tengdum flugrekstri,“ sagði í tilkynningu
til Kauphallar. Jafnframt ætlaði FL Group
að halda utan um kjölfestuhlut í félaginu
að lokinni skráningu.
Fallið var frá þessum áformum þegar
aðstæður á fjármálamörkuðum versnuðu
til muna á vordögum en þráðurinn tekinn
upp að nýju nú í haust, með viðræðum við
fjárfesta sem myndu kaupa allt félagið.
Þær viðræður strönduðu þannig að lend-
ingin var sú að skrá Icelandair Group
í Kauphöll fyrir árslok í samvinnu við
Glitni banka sem mun sölutryggja rúman
helming hlutafjár.
SNÚA SÉR AÐ ÖÐRUM VERKEFNUM
En hvað er það sem veldur því að FL
Group vill selja Icelandair sem hefur
verið nefnt fjöregg þjóðarinnar? „Það má
segja að þróun FL Group hafi verið í þá
átt að gera félagið að fjárfestingarfélagi.
Áhugi stjórnenda liggur í fjárfestingar-
verkefnum. Töluvert fjármagn er bundið
í Icelandair og nú virðist sem félagið sé í
öruggum og góðum rekstri,“ segir Grétar
Már Axelsson, sérfræðingur hjá Glitni
banka. Svo virðist sem áhugi stjórnenda
FL Group standi til að hámarka söluhagn-
að af Icelandair og koma því félagi í hend-
ur rekstrarmanna sem geta gert enn betri
hluti með flugreksturinn og ferðaþjónust-
una. Grétar bendir á að FL Group muni
innleysa verulega fjármuni við söluna sem
mun gefa félaginu enn meiri slagkraft til
að vinna að fjárfestingarverkefnum sem
hafa meiri vaxtarmöguleika en Icelandair
Group.
Heildarvirði Icelandair við upphaf
skráningarferils er metið á 43 milljarða
króna. Þetta þýðir að kaupendur eru að
greiða fyrir áttfaldan árlegan rekstrar-
hagnað fyrir afskriftir (EBITDA) miðað
við áætlanir Icelandair fyrir þetta ár. Í til-
kynningu frá FL Group segir að áætlaður
söluhagnaður nemi 26 milljörðum króna
miðað við heildarvirði hlutafjár.
Em salan á Icelandair verður ekki skoð-
uð án þess að rifja upp sögu Flugleiða og
FL Group á liðnum árum.
BREYTINGAR Á EIGNARHALDI
Það hefur mikið vatn runnið til sjávar hjá
FL og forvera þess Flugleiðum frá því
að Landsbankinn, Íslandsbanki, Straumur,
Samson Global Holdings, Sjóvá, Burðarás
og Otec Investment áttu með sér viðskipti
sem gjörbreyttu landslaginu í íslensku
viðskiptalífi fyrir þremur árum. Þessi
gríðarlegu viðskipti, sem kölluðust því
hógværa nafni „Samkomulag um verð-
bréfaviðskipti“, voru í níu liðum og mörk-
uðu endalok Kolkrabbans.
Í þessum viðskiptum keypti Straumur
meðal annars um 32 prósenta eignar-
hlut Eimskipafélagsins í Flugleiðum og
fjórum mánuðum síðar voru bréfin kom-
inn í hendur Oddaflugs, sem var þá í
eigu Fjárfestingarfélagsins Prímusar og
Straumborgar. Prímus var í eigu Hannesar
Smárasonar, núverandi forstjóra FL
Group, en Straumborg félag Jóns Helga
Guðmundssonar í BYKO.
O d d a f l u g
keypti einnig bréf
í Flugleiðum af
Sjóvá-Almennum
og Íslandsbanka
og var því komið
með rúm 38 pró-
sent hlutafjár.
Í tilkynningu til
Kauphallar sögð-
ust kaupendur líta
á þátttöku sína í r e k s t r i
Flugleiða sem langtímafjárfestingu.
„Kaupin á umræddum hlut nú eru liður í
því að koma festu á eignarhald Flugleiða
og í framhaldinu verður aðkoma ann-
arra fjárfesta skoðuð.“ Jón Helgi staldr-
aði hins vegar ekki lengi við í herbúðum
Flugleiða því hann og Hannes slitu sam-
starfi sínu haustið 2004 af viðskiptalegum
og persónulegum ástæðum eins og það
var orðað. Hannes keypti þá helmingshlut
Jóns Helga í Oddaflugi á genginu 9,6 en
talið er að sá síðarnefndi hafi hagnast um
einn milljarð.
GRUNNURINN LAGÐUR
Stuttu eftir að Jón Helgi yfirgaf Flugleiðir
urðu verulegar breytingar á stefnu félags-
ins í átt til útrásar og fjárfestinga í þeim
greinum þar sem sérþekking félagsins
lá. Hlutafé Flugleiða var aukið og félagið
hóf að kaupa í breska lággjaldaflugfé-
laginu easyJet haustið 2004, fyrst um 8,5
prósent en hluturinn stækkaði jafnt og
þétt langt fram á næsta ár. Kaupin þóttu
alldjörf, enda hafði markaðsverðmæti
easyJet fallið um 70 prósent á tveimur
árum. En íslensku
fjárfestarnir veðj-
uðu á réttan hest og
gengi easyJet tók að
hækka hratt og fór
upp um 120 prósent
á einu ári. Hækkunin
var meðal ann-
ars skýrð með því
að fjárfestar töldu
að Íslendingarnir
myndu reyna að taka
félagið yfir. Ekkert varð af því en FL seldi
sautján prósenta hlut í easyJet fyrr á
þessu á þessu ári fyrir 29 milljarða króna
og nam söluhagnaður af fjárfestingunni
þrettán milljörðum króna.
Í ljósi þeirrar breytinga sem urðu á
stefnu félagsins í átt til fjárfestinga var sú
ákvörðun tekin á aðalfundi Flugleiða árið
2005 að breyta nafni félagsins í FL Group
sem hefði þann tilgang að „ ... ávaxta fé
sem hluthafar hafa bundið í starfseminni
með rekstri í félaginu og fjárfestingum í
dóttur- og hlutdeildarfélögum sem einkum
starfa á vettvangi flugrekstrar, ferðaþjón-
ustu og flutningastarfsemi.“
Jafnframt sýndi ársuppgjör félagsins
verulegan viðsnúning á milli áranna 2003
og 2004 en reksturinn byggðist þá að miklu
leyti á flugrekstri og ferðaþjónustu og
kaupum og leigu á flugvélum. Hagnaður
ársins 2004 var 3,4 milljarðar sem var
þrefalt hærri upphæð en árið 2003. Þar má
segja að aðgerðir sem ráðist var í haustið
2001, undir forystu Sigurðar Helgasonar
forstjóra, þegar flugfélög um allan heim
mættu nýrri heimsmynd, hafi verið farn-
ar að skila sér með ágætum árangri og
aukið þar með verðmæti Icelandair. Aðrir
stjórnendur Icelandair, eins og Jón Karl
Ólafsson, hafa svo haldið áfram á sömu
braut og stækkað Icelandair og bætt arð-
semi rekstursins þrátt fyrir að markaðs-
aðstæður í flugrekstri hafi síður en svo
verið auðveldar á undanförnum árum.
SÖGULEGT ÁR
Gengi hlutabréfa í Flugleiðum hækkaði
um meira en helming árið 2004 og meira
en tvöfaldaðist árið 2005 þrátt fyrir að
árið hefði reynst hinu „nýja“ félagi þraut-
in þyngri. Sögusagnir um átök óeðlileg-
ar millifærslur, afsögn þriggja stjórnar-
manna um mitt ár og umdeild kaup FL á
norrænna lággjaldaflugfélaginu vöktu að
vonum mikla athygli í samfélaginu og átti
stjórnarformaðurinn Hannes Smárason
undir högg að sækja. Næststærsti hluthaf-
inn Saxbygg seldi 27 prósenta eignarhlut
sinn um mitt ár, eftir að Baugur, Katla
Investments og Oddaflug gerðu honum
tilboð sem var nokkuð yfir þáverandi
markaðsgengi.
Innkoma Baugs var til marks um
frekari sókn FL í fjárfestingastarfsemi.
Hlutafé félagsins var aukið um 44 millj-
arða króna í nóvember 2005, þar af keyptu
stærstu hluthafarnir fyrir 28 milljarða.
Hluthöfum bauðst að greiða fyrir nýju
bréfin með hlutabréfum í öðrum félögum.
Jókst markaðsverðmæti FL úr 35 milljörð-
um í 80 eftir útboðið.
Fjárfestingar miðuðust ekki einung-
is við stöðutökur í markaðsverðbréfum
heldur einnig á sviði flugvélaviðskipta en
félagið hafði aðkomu að kaupum og sölu
á flugvélum fyrir rúma sextíu milljarða
króna í fyrra.
Á þessu ári hefur verðmæti FL vaxið
enn frekar eftir að félagið keypti fjórð-
ungshlut í Straumi-Burðarási af Kristni
Björnssyni og Magnúsi Kristinssyni og
greiddi fyrir hlutinn með nýjum bréfum
í FL. Markaðsverðmæti félagsins stend-
ur nú í rúmum 180 milljörðum króna
og hefur aukist um 164 milljarða króna
eftir að Hannes Smárason kom fyrst inn
í hluthafahóp Flugleiða og gengið hækkað
úr sjö krónum á hlut í 23. Sá sem keypti
í Flugleiðum á sama tíma og Oddaflug
keypti hlut Straums hefur því fengið 228
prósenta nafnávöxtun á bréf sín.
HANNES SMÁRASON, FORSTJÓRI FL GROUP, OG JÓN KARL ÓLAFSSON, FORSTJÓRI ICELANDAIR
GROUP Á þremur árum hefur markaðsverðmæti FL Group, áður Flugleiða, ellefufaldast. Félagið er nú orðið fjárfest-
ingarfélag sem hefur hagnast verulega á uppgangi hlutabréfamarkaða en einnig hefur rekstur Icelandair batnað.
Icelandair aftur í almenningseigu
Samkomulag um verðbréfaviðskipti fyrir þremur árum mörkuðu ekki einungis endalok Kolkrabbans heldur einnig upphaf
gríðarlegrar verðmætaaukningar fyrir hluthafa Flugleiða. Félagið hefur farið úr því að vera flugfélag og ferðaþjónustufyrirtæki
yfir í alhliða fjárfestingarfélag. Eggert Þór Aðalsteinsson lítur yfir farinn veg.