Fréttablaðið - 25.10.2006, Qupperneq 6

6 25. október 2006 MIÐVIKUDAGUR
KJÖRKASSINN
Er skóladagur barna of langur?
Já 59,4%
Nei 40,6%
SPURNING DAGSINS Í DAG
Viltu aðskilnað ríkis og kirkju?
Segðu skoðun þína á visir.is
SJÁVARÚTVEGUR Góð síldveiði kætir
Eyjamenn þessa dagana. Vinnslu-
stöðin hefur verið með bátana Gull-
berg og Sighvat Bjarnason úti í eina
átta daga og hafa þeir landað um
2000 tonnum. Ísfélagið byrjaði að
flokka um 300 tonn í gærmorgun úr
sinni fyrstu ferð á miðin. Síldin er
„hefðbundin Suðurlandssíld“ um
200–240 grömm og megnið, eða þrír
fjórðu aflans, er ætlað til manneldis.
Ætla má að milli hundrað og hundr-
að og fimmtíu manns hafi atvinnu
af síldinni þessa dagana í Eyjum.
Síldin heldur sig austur og suður
með eyjunum og svo skammt undan
að annað eins hefur ekki sést lengi.
Þór Vilhjálmsson starfsmannastjóri
Vinnslustöðvarinnar segir muna
geysilega miklu að geta sótt síldina
á hálftíma- til klukkutíma stími, en
norðaustan bræla hefur hamlað
veiðum á Austurmiðum. „Við höfum
þurft að sækja þetta austur á land
síðustu ár, en það er mjög gott að
hafa þetta hérna við bæjardyrnar.
Það er stanslaus veiði.“
Eyjamenn bíða þó enn færis að
komast austur í stærri síld, því
eftirspurn eftir millisíld er tregari
en hún var í fyrra. Aukið framboð á
síld frá Noregi hefur þrýst verðlagi
á millisíld niður og er það áhyggju-
efni margra. Einn sölumaður gekk
svo langt í samtali við Fréttablaðið
að kalla sölusamningana í ár „ósam-
bærilega“ við þá sem fengust í
fyrra.
En það er enginn barlómur í
Teiti Gylfasyni, forstöðumanni hjá
Iceland Seafood. Hann telur að
markaðirnir séu nægilega stórir til
að taka við auknu framboði. „Það er
ljóst að aukin samkeppni er fram-
undan. Verðið í haust hefur verið
ágætt, þótt það sé aðeins lægra en í
fyrra. En það er engin ástæða til að
vera með hrakspár í upphafi ver-
tíðar. Menn verða bara að taka
þetta frá degi til dags. Við gefum
okkur aldrei að verð lækki fyrir-
fram.“ Björn Brimar, framleiðslu-
stjóri Ísfélagsins, telur einnig lík-
legt að síldin seljist þokkalega,
enda komi síldin sem nú veiðist í
Eyjum afar fersk á markað.
klemens@frettablaðið.is
Stanslaus síldveiði
við Vestmannaeyjar
Mokveiði er af millisíld við Vestmannaeyjar. Tæpt klukkutíma stím á miðin.
Vinnslustöðin landaði 2000 tonnum á átta dögum. Sölusamningar eru hins vegar
ekki sambærilegir við þá sem voru í fyrra, vegna framboðs frá Noregi.
ANTARES KOMINN Í HÖFN Skip Ísfélagsins kom með þrjú hundruð tonn að landi í gærmorgun. Tvö skip frá Vinnslustöðinni hafa
einnig verið á síldarveiðum og veitt vel. FRÉTTABLAÐIÐ/ÓSKAR P. FRIÐRIKSSON
BAUGSMÁL Íslensk lögregluyfir-
völd eru sögð hafa óskað eftir
aðstoð hjá lögregluyfirvöldum í
Lúxemborg á fölskum forsendum
við rannsókn Baugsmálsins. Þetta
kemur fram í bréfi sem Jón Ásgeir
Jóhannesson, forstjóri Baugs
Group hf., lagði fram við yfir-
heyrslu hjá Ríkislögreglustjóra í
gær.
Embætti ríkislögreglustjóra
óskaði eftir aðstoð við rannsókn á
meintum brotum Jóns Ásgeirs
Jóhannessonar og Tryggva Jóns-
sonar. Í beiðni Ríkislögreglustjóra
til lögregluyfirvalda í Lúxemborg
voru þeir sagðir grunaðir um fjár-
drátt, fjársvik,
innherjasvik og
peningþvætti í
tengslum við við-
skipti við Kaup-
thing Luxem-
bourg. Í bréfi Jóns
Ásgeirs, sem stíl-
að er á Jón H. B.
Snorrason, yfir-
mann efnahags-
brotadeildar Ríkislögreglustjóra,
er látið að því liggja að lögreglu-
yfirvöld í Lúxemborg hafi aðeins
heimilað afhendingu tiltekinna
gagna á þeim forsendum að þau
tengdust rannsókn á brotum sem
tiltekin voru í beiðni Ríkislög-
reglustjóra. Gögnin hafi síðan, á
seinni stigum málsins, verið notuð
í öðrum tilgangi en heimildir
lögregluyfirvalda í Lúxemborg
gáfu tilefni til.
Jón Ásgeir var í gær yfirheyrð-
ur vegna rannsóknar á meintum
skattalagabrotum er tengjast
Fjárfestingafélaginu Gaumi ehf.
og Baugi Group hf. en rannsóknin
byggir á kæru sem barst frá skatt-
rannsóknarstjóra til Ríkislög-
reglustjóra í nóvember 2004.
Ekki náðist í Jón H. B. Snorra-
son í gær þrátt fyrir ítrekaðar
tilraunir. - mh
Jón Ásgeir Jóhannesson, forstjóri Baugs, var yfirheyrður hjá Ríkislögreglustjóra:
Aðstoð á fölskum forsendum
JÓN ÁSGEIR
JÓHANNESSON
MENNTAMÁL Steingrímur Sigurgeirsson,
aðstoðarmaður menntamálaráðherra, segir að
allir geti verið sammála um að spurningar um
skilgreiningu á því hvað sé hófdrykkja og
hvað ekki og aðrar spurningar sem tengist
áfengisneyslu eigi ekki erindi inn í próf hjá
níu ára börnum.
„Mér vitandi hafa engar kvartanir borist
ráðuneytinu,“ segir hann, „en ráðherra hefur
haft frumkvæði að því að þetta mál verði
tekið upp við Námsmatsstofnun og fengnar
skýringar á því.“
Fréttablaðið greinir frá því á forsíðu í dag
að á samræmdu prófi fjórðubekkinga í
íslensku sé saga um hagamús sem fer í
jólaboð til húsamúsar, drekkur þar áfengt
jólaöl og verður „kát og fjörug“ og fer að
„hoppa og dansa“ og tísta.
Á prófinu eru börnin spurð
að því hvað það merki að
drekka hóflega, hvort það
þýði að drekka heldur mikið,
drekka mátulega mikið eða
drekka næstum ekki neitt.
Ólafur Loftsson, formaður
Félags grunnskólakennara,
segir það hljóma afar
undarlega að börn séu látin
lesa um fyllerí músa í
samræmdu prófunum og síðan spurð að því
hvað það merki að drekka hóflega. „Þetta
hljómar afar sérkennilega,“ segir hann.
Sagan um húsamúsina og hagamúsina
heitir Heimboð músanna og er frá árinu 1972.
Hún er úr bókinni Sólhvörf - bók handa
börnum eftir Oddnýju Guðmundsdóttur. - ghs
Aðstoðarmaður menntamálaráðherra um „hóflega“ drykkju á prófi hjá börnum:
Ráðuneytið fær skýringar
MÝS DREKKA ÁFENGT JÓLAÖL Á íslenskuprófi fyrir fjórðu-
bekkinga er saga um mýs sem drekka áfengt jólaöl og
verður önnur þeirra „kát og fjörug“ þegar hún finnur fyrir
áhrifunum. Á prófinu, sem gengur út á lesskilning, eru
börnin spurð hvað það þýðir að drekka hóflega.
550 5600
Hringdu ef blaðið berst ekki
- mest lesið
„Gott að hafa þetta
hérna við bæjardyrnar.“
ÞÓR VILHJÁLMSSON
HJÁ VINNSLUSTÖÐINNI.
STEINGRÍMUR
SIGURGEIRSSON