Fréttablaðið - 25.10.2006, Qupperneq 43

MARKAÐURINN 13MIÐVIKUDAGUR 25. OKTÓBER 2006
Ég er búinn að stafla upp í Glitni
að undanförnu með góðum
árangri. Bankinn hefur verið að
taka við sér undanfarin misseri,
eftir að forstjórinn gat farið að
einbeita sér að öðru en að passa
bakið á sér. Glitnir hefur verið á
mikilli siglingu að undanförnu.
Tekið stærstu dílanna og nýtur
kjölfestuhluthafa í stórum verk-
efnum.
Fyrirtækjasviðið hefur verið
að koma í ljós og svo virðist
þetta offshore dæmi sem enginn
skilur, einmitt hafa þann kost að
enginn skilur það og þeir þurfa
því ekki að vera að atast í jafn
mikilli samkeppni á því svæði
fyrir vikið. Sniðugt hjá þeim.
Hitt sem ég er að veðja á
er að stórir hluthafar bankans
sitja á óleystu vandamáli sem
er eignin í Straumi - Burðaráss.
Flestir á markaði eru á því að
til einhvers konar uppgjörs
muni koma. Líklegast verði upp-
skipti á eignum og Straumur
sigli inn í FL Group, Glitni og
Landsbankann. Aðrir segja að
Kalli Werners muni taka hlut
í Straumi. Þar leggja menn til
grundvallar að Karl hefur unnið
með Björgólfi Thor í Actavis og
getur hugsanlega leyst hluti með
Björgólfi sem hinir geta ekki.
Hinn möguleikinn er að Karl
kaupi ásamt fleirum Björgólf
út úr Straumi og þar með verði
eignarhaldið svipað og á Glitni.
Kannski að nýtt fjárfestingar-
félag undir stjórn fyrrverandi
forstjóra Straums kæmi aftur
að málum. Hver veit!
Ég skal ekki segja hver verð-
ur niðurstaðan. Mér finnst ein-
hvers konar uppgjör óumflýj-
anlegt, en það skiptir ekki öllu
máli. Líklegt er að spenna muni
skapast um fyrirtækið og það
hefur áhrif á gengi bréfa. Mér
finnst því góður möguleiki á
að maður geti hagnast á þessu
svæði vegna átaka og spennu.
Mér er í sjálfu sér sama hver er
ástæða þess að ég græði.
Annars hef ég varann á mér.
Ég er ekki viss um að markaður-
inn eigi mikið inni í bili. Krónan
er orðinn sterkari en innistæða
er fyrir til lengdar og eignir í
útlöndum gefa ágætlega af sér.
Ég hef verið að bæta verulega
við erlenda stöðu síðan í fyrra.
Gerði smá hlé þegar krónan
féll. Gamla reglan um eggin og
körfuna er í fullu gildi og ég
ætla ekki að fara á skjálfta-
vaktina þótt krónan falli. Þegar
grynnkar í einum vasanum, þá
er gott að hafa annan sem fyllist
hraðar en maður hefur tök á að
tæma.
Þannig er það nú með mann
eins og mig sem alltaf er á floti
þótt aðrir sökkvi.
Spákaupmaðurinn á horninu
S P Á K A U P M A Ð U R I N N
Alltaf á floti
Laun landsmanna hækkuðu
um hálft prósent í september,
samkvæmt útreikningum
Hagstofunnar, sem birtir voru
á mánudag. Greiningardeild
Kaupþings benti á það í
Hálffimmfréttum sínum og
Hagstofan síðar sama dag, að ef
litið sé til síðustu 12 mánuða þá
hafi laun hækkað að meðaltali
um 10,8 prósent á sama tíma og
almennt verðlag samkvæmt vísi-
tölu neysluverðs hafi hækkað um
7,6 prósent. Kaupmáttur lands-
manna hafi því aukist um rúm 3
prósent á tímabilinu.
„Þar sem vísitala neysluverðs
tekur mið af hækkun fasteigna-
verðs gefur það líklega réttari
mynd að mæla kaupmátt út frá
hækkun vísitölu neysluverðs án
húsnæðis. Á síðustu 12 mánuð-
um hefur kaupmáttur samkvæmt
þeirri mælingu aukist um tæp 5
prósent. Það vekur óneitanlega
athygli að þrátt fyrir yfirstand-
andi verðbólguskot þá hefur 12
mánaða breyting í kaupmætti
haldist jákvæð á síðustu mánuð-
um. Ljóst er að mikil þensla er
til staðar á vinnumarkaði eins og
fjallað var um í Hálffimmfréttum
á föstudaginn sem eykur enn
frekar á launaþrýsting í hagkerf-
inu.
Laun á almennum vinnumark-
aði hækkuðu um tæp 4 prósent
á þriðja ársfjórðungi miðað við
um 1,7 prósent hækkun launa
hjá opinberum starfsmönnum og
bankamönnum. Þá hækkun má
aðallega rekja til nýgerðra kjara-
samninga ASÍ og SA sem tóku
gildi í byrjun fjórðungsins.
Fyrir þá breytingu höfðu laun
opinberra starfsmanna og banka-
manna hækkað talsvert meira
og ef litið er á fyrri helming
ársins hækkuðu þau um 6,7 pró-
sent miðað við um 5,5 prósent
á almennum markaði.“ Að sögn
greiningardeildarinnar, sem gerir
ráð fyrir því að verðbólga muni
ganga niður fremur hratt í byrjun
næsta árs og að verðbólgumark-
miði Seðlabanka Íslands verði
náð á seinni helmingi ársins.
Aukinn kaupmáttur á Íslandi