Fréttablaðið - 25.10.2006, Page 65

MIÐVIKUDAGUR 25. október 2006 25
Félagarnir Stefán Hilmars-
son og Eyjólfur Kristjáns-
son hafa gefið út sína fyrstu
plötu saman sem ber heitið
Nokkrar notalegar ábreiður.
Freyr Bjarnason hitti þá
að máli og ræddi við þá um
farsælt fimmtán ára sam-
starf, fótbolta og golf.
Blaðamaður mætir fyrstur á stað-
inn. Skömmu síðar birtist Eyjólf-
ur. Við tökumst í hendur og tveir
kaffibollar eru pantaðir, einn
venjulegur fyrir blaðamann og
cappuchino fyrir Eyfa. „Hann
Stebbi tafðist eitthvað í umferð-
inni, einhver umferðarteppa í
Kópavogi,“ segir Eyfi og kveikir
sér í sígarettu.
Þegar Stefán mætir á svæðið
biðst hann afsökunar á biðinni,
pantar sér tebolla og viðtalið getur
hafist. „Hann drekkur aldrei
kaffi,“ segir Eyfi og virðist ekkert
skilja í þessari sérvisku kollega
síns. Stebbi glottir aftur á móti við
tönn og sýpur af tebollanum, sátt-
ur við sitt.
Í fótspor frægra manna
„Við ákváðum að setja okkur þetta
markmið að klára þessa plötu á
þessu ári. Við höfum oftar en ekki
verið komnir á fremsta hlunn með
að gera plötu en svo hefur alltaf
eitthvað komið upp á,“ segir
Stebbi. „Við fórum til útlanda í
sumar og lokuðum okkur þar af í
góða viku og tókum upp lungann
úr plötunni þar.“
Upptökurnar fóru fram á Jót-
landi, á sama stað og Stebbi ásamt
Sálinni hans Jóns míns tók upp
sína síðustu plötu. Þekktir tónlist-
armenn á borð við George Michael
og Elton John hafa einnig tekið
upp plötur á þessum stað, og því
má segja andinn á staðnum hafi
veitt þeim Stebba og Eyfa mikla
andagift.
Bandarísk tónlist
Eftir töluverða umhugsun var
lendingin sú að þeir völdu á plöt-
una allmörg bandarísk lög frá átt-
unda áratugnum, lög sem hafa
ekki endilega notið mikilla vin-
sælda hér á landi.
„Eyfi er mikill „seventís“-
maður. Hans tónlistarlega uppeldi
liggur í amerískri „seventís“-
músík. Hann fór að kynna mig
fyrir ýmsum „seventís“-jöfrum
sem hafa kannski ekki beinlínis
náð hérna yfir en þetta er samt
frábær músík,“ segir Stebbi
ákveðinn á svip og fær sér sopa.
Eyjólfur vildi Nínu
Tvö lög á plötunni hafa áður verið
sungin af íslenskum flytjendum.
B.G. og Ingibjörg gerðu Góða ferð
vinsælt á áttunda áratugnum og
Björgin Halldórsson söng lagið
Fiðrildi árið 1979.
Auk þess er aðalslagara Stebba
og Eyfa, Nínu sem sló í gegn í Eur-
ovision 1991, að finna á plötunni í
nýrri útgáfu. „Eyjólfi fannst mikið
kappsmál að hafa það á plötunni af
þeim sökum að honum fannst
ómögulegt að plata með okkur
innihéldi ekki þetta lag,“ segir
Stebbi og Eyfi bætir við: „Það má
segja að Nína hafi haldið uppi
okkar merki og hefur gert það í
ótrúlega langan tíma, það er alveg
með ólíkindum. Þetta er ekki eitt
af mínum uppáhaldslögum, en ég
er mjög stoltur af laginu.“
Sorglegasta stuðlag allra tíma
Stebbi undrast líka vinsældirnar
því lagið segir hann verulega sorg-
legt. „Þetta er um konu sem vitjar
manns í draumi en samt er þetta
svona svakalegt stuðlag. Landinn
fer í hvílíkt stuð þegar þetta
hljómar. Ég hef stundum sagt að
þetta sé sorglegasta stuðlag allra
tíma,“ segir hann og hlær.
Þeim sem vilja kynnast lögum
nýju plötunnar betur er bent á
heimasíðuna www.ftt.is/stebbiog-
eyfi. Útgáfutónleikar þeirra félaga
verða síðan haldnir í Borgarleik-
húsinu þann 30. nóvember.
Slappað af á Spáni
Stebbi og Eyfi hafa allt tíð verið
mjög góðir félagar og hefur þeim
sjaldan eða aldrei orðið sundur-
orða, að eigin sögn. Auk þess að
spila saman tónlist eru þeir einnig
miklir golffélagar og eru t.a.m.
nýkomnir frá Spáni þar sem þeir
spiluðu golf og slöppuðu af eftir
erfiða upptökutörn og til að hvíla
sig fyrir komandi átök.
Línuvörðurinn flaggaði
Þegar talið berst að fótbolta eru
þeir aftur á móti ekki eins miklir
félagar. Eru þeir á öndverðum meiði
bæði í íslenska boltanum og þeim
enska.
Reyndar segist Stebbi lítið fylgj-
ast með íslenska boltanum en þeim
mun meira með þeim enska þar sem
Arsenal sé í uppáhaldi. Bera þrjár
ferðir á Higbury, fyrrum heimavöll
félagsins, vott um það.
Eyfi fylgist aftur á móti betur
með íslenska boltanum, enda tróð
hann nýverið upp með hljómsveit
sinni á lokahófi KSÍ klæddur
Þróttarabúningi. Ólst hann upp í
Vogunum ásamt félögum sínum í
sveitinni og ákváðu þeir að bregða á
leik með eftirminnilegum árangri.
Eftir að fótboltafrasar á borð
við: „Hann var alveg metra „onside“,
„línuvörðurinn flaggaði“, og
„algjört rugl“ höfðu fengið að fljóta
var komið að lokum viðtalsins og
blaðamaður kvaddi með Drauminn
um Nínu í farteskinu, pikkfastan í
heilabúinu.
Fimmtán ára farsælt samstarf ber loks ávöxt
STEFÁN HILMARSSON OG EYJÓLFUR KRISTJÁNSSON Félagarnir Stebbi og Eyfi eru að gefa út sína fyrstu plötu saman, Nokkrar
notalegar ábreiður. FRÉTTABLAÐIÐ/ANTON BRINK
Aðstandendur tónlistarhátíðarinn-
ar Iceland Airwaves eru hæst-
ánægðir með hvernig til tókst og
telja hátíðina þá bestu til þessa.
Hátíðin var mikið gagnrýnd á
síðasta ári vegna langra biðraða
sem mynduðust fyrir utan tón-
leikastaði en í ár voru biðraðirnar
í lágmarki. Segja aðstandendurnir
að þær biðraðir sem mynduðust
hafi verið fljótar að hverfa.
„Því miður hefur því verið
varpað fram í 2–3 dagblaðsdálkum
að raðir hafi sett svip á hátíðina og
því jafnvel haldið fram að ekki
hafi verið pláss fyrir alla tónleika-
gesti. Ástæða þessa bulls er
eflaust sú að höfundar dálkanna
hafi annað hvort ekki sótt hátíðina
eða verið með blaðamannapassa
og því ekki farið í röð í þeim fáu
tilvikum þar sem þær mynduðust
– því þá hefðu þeir gert sér grein
fyrir að þessar fáu raðir sem
mynduðust tóku í flestum tilvik-
um 5–10 mínútur,“ segir í fréttatil-
kynningu Hr. Örlygs.
Miðasala á næstu hátíð, sem
fer fram 17. til 21. október á næsta
ári, hefst í þessari viku erlendis,
fyrr en nokkru sinni áður vegna
mikillar eftirspurnar.
Biðraðir í lágmarki
TILLY AND THE WALLS Hljómsveitin Tilly and the Walls spilaði í Listasafni Reykjavíkur
við ágætar undirtektir. FRÉTTABLAÐIÐ/HEIÐA