Fréttablaðið - 20.11.2006, Blaðsíða 11
Ástandið í Mið-Austur-
löndum var helsta umræðuefni
Þýskalandsforseta, Horst
Koehler, og Benedikts páfa XVI
þegar þeir hittust í Vatíkaninu á
laugardag.
Ræddu páfi og Þýskalandsfor-
seti nauðsyn þess að ólík trúfélög
ættu í friðsamlegum samskiptum.
Lýstu mennirnir jafnframt yfir
eindregnum áhuga til að styrkja
samskipti við meginland Afríku.
Mikilvægi menntunar barst
einnig í tal.
Vel fór á með þeim kumpánum
og bauð þýskalandsforseti páfa
meðal annars í heimsókn til
Þýskalands. Sagðist sá síðar-
nefndi ætla að íhuga tilboðið, en
hann kom síðast til föðurlandsins
árið 2005.
Páfi ræddi um
Mið-Austurlönd
Göran Persson, fyrrver-
andi forsætisráðherra Svíþjóðar,
smeygði sér fremst á tuttugu ára
biðlista eftir leiguíbúð í miðborg
Stokkhólms með einu símtali
nýlega. Persson og eiginkona
hans, Anitra Steen, fá því
leiguíbúðina afhenta í byrjun
næsta árs. Langt á undan öllum
öðrum. „Óþolandi,“ segir
formaður leigusamtakanna,
Barbro Engman, við sænska
dagblaðið Aftonbladet.
Eiginkona Persson hringdi
nýlega í fasteignafélagið sem á
leiguíbúðina og spurði hvort hann
gæti töfrað fram íbúð. „Við erum
að breyta skrifstofuhúsnæði í
tvær íbúðir. Persson og Steen
höfðu áhuga á annarri íbúðinni,“
segir Mathias Aronsson Metzner,
framkvæmdastjóri félagsins.
Aðrir sem hafa áhuga á svona
íbúð þurfa að bíða í tuttugu ár.
Smeygði sér
fremst á biðlista
Ljósmyndastofur utan Reykjavíkur-
svæðisins eru óðum að hætta störfum og ljós-
myndaiðn gæti lagst þar af, fari sýslumanns-
embættin ekki eftir samkeppnislögum og láti
af myndatökum fyrir vegabréf, segir Gunnar
Leifur Jónasson, formaður Ljósmyndarafélags
Íslands, en með nýju fyrirkomulagi vegabréfa-
útgáfu fóru sýslumenn að bjóða fólki upp á
ókeypis myndatökur.
Félagið hefur stefnt Birni Bjarnasyni dóms-
málaráðherra fyrir brot á ákvæði samkeppnis-
laga, sem fjallar um lögverndun iðngreina.
„Sýslumenn landsins eru í raun að reka eigin
ljósmyndastofur. Tekjutapið er 50 til 60 millj-
ónir,“ segir Gunnar.
Kristján L. Möller, Samfylkingunni, spurði
dómsmálaráðherra út í málið á þingi í gær.
Sagði Björn að þetta fyrirkomulag hefði verið
rætt við ljósmyndara á sínum tíma að viðstödd-
um fulltrúa Samtaka iðnaðarins. Svo virtist
sem ljósmyndarar hefðu nú skipt um skoðun.
„Ég tel að þetta sé þjónusta við neytendur og
það eru á þriðja tug þúsunda manna sem hafa
nýtt sér hana,“ sagði Björn.
Gunnar Leifur er á öndverðri skoðun. „Það
var ákveðið að gera þetta án þess að tala við
okkur, við fréttum af þessu fyrirkomulagi
erlendis frá. Þá fengum við fund með ráðherra
og á honum var okkur sagt að það sem fram
færi hjá sýslumönnum yrði sjálfsafgreiðsla.
Annað kom á daginn.”
Ríkissaksóknari hefur
gefið út ákæru gegn sautján ára
karlmanni fyrir að hafa slegið
mann með glerglasi í höfuðið á
skemmtistaðnum Traffic við
Hafnargötu í Keflavík í desember
síðastliðnum. Við höggið hlaut
fórnarlamb árásarinnar nokkra
djúpa skurði vinstra megin á höfði
og á gagnauga og fór slagæð í
sundur. Fórnarlambið missti einn
og hálfan til tvo lítra af blóði.
Málið verður tekið fyrir í
Héraðsdómi Reykjaness. Ríkissak-
sóknari krefst að ákærði verði
dæmdur til refsingar auk þess sem
fórnarlambið krefst skaðabóta.
Sérlega alvarleg
líkamsárás