Fréttablaðið - 20.11.2006, Side 60
Í ágúst á þessu ári dó hin 22 ára
gamla fyrirsæta Luisel Ramos
eftir að hafa fallið í yfirlið á tísku-
sýningu. Ramos þjáðist af átrösk-
un og var víst búin að vera matar-
laus í nokkra daga áður en hún dó
vegna hjartabilunar. Ramos var
frá Úrúgvæ en í Suður-Ameríku
fer tíðni átröskunar hækkandi.
Dauðsfall hennar varð upphaf-
ið að umræðunni og brugðust
margir við. Stjórnvöld í Madríd
bönnuðu of mjóar fyrirsætur á
sýningarvikunni þar og mörg stór
nöfn í tískubransanum hafa lýst
yfir stuðningi sínum við þetta
uppátæki.
Nú fyrir stuttu dó svo hin 21
árs gamla Carolina Reston frá
Brasilíu en hún þjáðist af anorex-
íu. Reston var á leiðinni til Parísar
í viðtal við tískuhús Giorgio Arm-
ani og því á mikilli uppleið í brans-
anum. Þremur dögum fyrir við-
talið lést Reston á sjúkrahúsi í Sao
Paulo og hafa hennar nánustu sagt
að matarvenjur Reston hafi ein-
kennst af tómötum og eplum
einum saman. Reston hóf fyrir-
sætustörf aðeins 13 ára gömul.
Hinn margrómaði tískukóngur
Giorgio Armani hefur einnig lýst
yfir stuðningi sínum við baráttuna
gegn átröskunarsjúkdómum og
segist bara vilja kvenlega vaxnar
fyrirsætur í sýningar sínar. „Fyr-
irsætur hafa stundum verið taldar
aðeins gangandi herðatré en hið
ofurgranna útlit er nú dottið úr
tísku og heilbrigðið tekið við,“
segir Armani.
Þetta er umdeilt mál og spurn-
ing hvernig fólk ber sig að til að
sporna við dauðsföllum af þessu
tagi. En svo mikið er víst að eitt-
hvað verður að gera því fyrirsæt-
ur í dag eru jú fyrirmyndir kvenna
á öllum aldri.
Leikkonan
Gwyneth Palt-
row mun að
öllum líkindum
fara með aðal-
hlutverkið í
rómantísku
gamanmynd-
inni The Seven
Day Itch á móti
Ben Stiller.
Leikstjórar
myndarinnar eru Farelly-bræður
sem hafa sent frá sér vinsældar
myndir á borð við Dumb and
Dumber og There´s Something
About Mary. Er myndin lausleg
endurgerð á The Heartbreak Kid
frá árinu 1972. „Ben heldur að
hann sér kvæntur konu drauma
sinna. Hún er falleg en í brúð-
kaupsferðinni kemst hann að því
að hún er klikkuð,“ sagði Bobby
Farrelly.
Leikur á
móti Stiller
Kevin Federline, fráfarandi eigin-
maður poppstjörnunnar Britney
Spears, hefur farið fram á fullt
forræði yfir sonum þeirra tveim
og ber við að Britney sé ekki fær
um að annast þá.
Eldri drengurinn er rúmlega
ársgamall og sá yngri ekki nema
tveggja mánaða. Federline, eða K-
Fed eins og hann kallar sig, fór
fram á forræðið yfir þeim degi
eftir að Britney sótti um skilnað
fyrr í mánuðinum. Fjölmiðlar
hafa fjallað um nokkur afglöp
Britney í móðurhlutverki og þykir
líklegt að Kevin muni færa sér
það í nyt. Fyrr á árinu sást til
dæmis til hennar undir stýri með
eldri son sinn í fanginu auk þess
sem myndir náðust af henni þar
sem bílstóll barnsins sneri í öfuga
átt.
Sumir segja að Kevin hafi það
eitt í huga að komast í buddu söng-
konunnar en lögmaður hans segir
það af og frá. „Þetta snýst aðeins
um velferð barnanna og Kevin er
tilbúinn að ganga alla leið til að hún
verði tryggð,“ segir hann.
Fyrir á Kevin tvö börn og að
sögn barnsmóður hans greiðir hann
ekkert meðlag fyrir utan skóla-
gjöld í einkaskóla. Afi Britney,
June Austin Spears, hefur tjáð sig
um málið í fjölmiðla og segir að
Kevin sé rekinn áfram af græðgi.
„Af hverju sóttist hann ekki eftir
forræði yfir hinum börnunum? Það
er bara vegna þess að ólíkt Britney
er móðir þeirra ekki rík.“
K-Fed heimtar fullt forræði
365 hf., kt. 600898-2059, Skaftahlíð 24, 105 Reykjavík, birtir í dag, mánudaginn 20.
nóvember 2006, lýsingu á ensku undir heitinu Prospectus. Lýsingin er gefin út rafrænt
á heimasíðu 365 hf., www.365.is og á heimasíðu umsjónaraðila, Landsbanka Íslands hf.,
www.landsbanki.is. Lýsingin er jafnframt birt í fréttakerfi Kauphallar Íslands hf.,
http://news.icex.is. Fjárfestar geta nálgast eða óskað eftir innbundnum eintökum af
lýsingunni hjá 365 hf., Skaftahlíð 24, 105 Reykjavík, næstu 12 mánuði.
Heildarfjöldi hluta í 365 hf. eru 3.286.671.824 hlutir. Allir útgefnir hlutir í 365 hf.
eru skráðir á aðallista Kauphallar Íslands hf. Lýsingin er gefin út vegna breytinga á
starfsemi 365 hf. (áður Dagsbrúnar hf.).
365 hf. - Birting lýsingar
20. nóvember 2006
Umræðan um of mjóar fyrirsætur fer hátt um þessar
mundir en átröskunarsjúkdómar og svelti hafa löngum
verið tengd tískuheiminum. Nú hafa tvær frægar fyrirsæt-
ur dáið úr átröskunarsjúkdómnum með stuttu millibili og
þær fréttir skekja nú tískuheiminn.