Fréttablaðið - 20.11.2006, Side 67
Arjen Robben hefur
hótað að yfirgefa Chelsea ef
félagið kaupir franska kantmann-
inn Florent Malouda frá Lyon.
Chelsea er sagt hafa áhuga á að
kaupa Malouda á 15 milljónir
punda.
Þrátt fyrir að vera einn
skæðasti leikmaður Chelsea
hefur Robben ekki alltaf átt upp á
pallborðið hjá José Mourinho,
stjóra félagsins. Robben hefur
varað Mourinho við að hann gæti
vel hugsað sér að yfirgefa
Chelsea ef hann fær ekki að spila
meira en hann gerir. Robben
hefur líka látið leikmenn sem lítið
spila hjá Chelsea heyra það,
leikmenn eins og Geremi og Carlo
Cudicini.
„Ef ég er ekki í liðinu þá mun
ég íhuga mína stöðu. Það eru
margir leikmenn hjá þessu félagi
sem fá mikið borgað fyrir að gera
ekki neitt, en ég er ekki einn af
þeim. Ég er of ungur fyrir
svoleiðis lagað,“ sagði Robben í
viðtali við News of the World á
dögunum.
Malouda er einn besti ungi
leikmaður Frakka og hefur leikið
26 landsleiki fyrir þjóðina.
Arjen Robben
hótar að fara
Teymi hf., kt. 571106-0940, Skútuvogi 2, 104 Reykjavík, birtir í dag, mánudaginn
20. nóvember 2006, lýsingu á ensku undir heitinu Prospectus. Lýsingin er gefin út
rafrænt á heimasíðu Teymis hf., www.teymi.is og á heimasíðu umsjónaraðila,
Landsbanka Íslands hf., www.landsbanki.is. Lýsingin er jafnframt birt í fréttakerfi
Kauphallar Íslands hf., http://news.icex.is. Fjárfestar geta nálgast eða óskað eftir
innbundnum eintökum af lýsingunni hjá Teymi hf., Skútuvogi 2, 104 í Reykjavík,
næstu 12 mánuði.
Heildarfjöldi hluta í Teymi hf. eru 2.728.200.000. Lýsingin er gefin út vegna
skráningar allra útgefinna hluta í Teymi hf., á aðallista Kauphallar Íslands hf. þann
20. nóvember 2006.
Teymi hf. - Birting lýsingar
20. nóvember 2006
ÍS
L
E
N
S
K
A
/S
IA
.I
S
/T
E
Y
3
49
50
1
1/
06
Teymi | Skútuvogi 2 | 104 Reyk jav ík | S ími 595 5000 | www.teymi . is
Það stefnir allt í að tékk-
neski sóknarmaðurinn Milan
Baros muni yfirgefa Aston Villa
en Baros er búinn að missa sæti
sitt í liðinu í hendur Chris Sutton
sem félagið fékk til sín fyrr á
leiktíðinni.
Baros var á bekknum allan
leikinn gegn Everton um síðustu
helgi og Martin O‘Neill, fram-
kvæmdastjóri Aston Villa, hefur
gefið í skyn að Baros gæti farið
frá félaginu í janúar.
„Ég hélt að ég myndi standa
mig betur á þessari leiktíð en ég
hef lítið fengið að spreyta mig og
frammistaðan hefur ekki verið
eins góð og vonir stóðu til. Ef
staðan hjá mér breytist ekkert þá
mun ég hugsa mér til hreyfings,“
sagði Baros í viðtali við breska
blaðið News of the World.
Baros hefur aðeins skorað átta
mörk fyrir Aston Villa frá því að
hann gekk í raðir félagsins frá
Liverpool árið 2005.
Baros að yfir-
gefa Villa Park?
Tveir leikir fóru fram í
ensku úrvalsdeildinni í knatt-
spyrnu í gær. Wigan og Aston Villa
gerðu markalaust jafntefli á heima-
velli Wigan, og Blackburn og Tot-
tenham gerðu 1-1 jafntefli þar sem
allt ætlaði að sjóða upp úr í lokin.
Tugay kom Blackburn yfir með
glæsilegu marki á 22. mínútu og
staðan var 1-0 í hálfleik. Það var
svo á 60. mínútu sem Jermain
Defoe jafnaði metin með marki úr
vítaspyrnu eftir að Tugay braut á
Aaron Lennon innan teigs, en
Tugay fékk að líta rauða spjaldið
fyrir vikið.
1-1 urðu lokatölur leiksins en
undir lokin fékk Hossam Gahly að
líta rauða spjaldið og Martin Jol,
stjóri Tottenham, fékk sömu með-
ferð fyrir að mótmæla rauða
spjaldinu sem Gahly fékk.
„Þetta var tilfinningaþrunginn
leikur og dómarinn var ekki skyn-
samur. Ég var bara að verja minn
leikmann. Vonandi endurskoðar
dómarinn ákvörðun sína,“ sagði
Martin Jol eftir leikinn og bætti
við að Ghaly hefði verið ranglega
rekinn af velli. „Ghaly gerði þetta
ekki viljandi og þetta var harður
dómur.“
Leikur Wigan og Aston Villa fer
seint í sögubækurnar fyrir gæði
því lítið sást af fallegri knatt-
spyrnu í honum og fá færi litu
dagsins ljós. Besta færi leiksins
kom á fyrstu mínútu leiksins þegar
Henri Camara, sóknarmaður
Wigan, átti góðan skalla sem Thom-
as Sörensen varði vel í marki
Aston Villa og Martin O‘Neill,
stjóri Aston Villa, sagði að þessi
markvarsla hefði skipt sköpum í
leiknum.
„Þetta var frábær markvarsla
og hún kom okkur af stað. Ef bolt-
inn hefði farið í netið þá hefði þetta
orðið allt öðruvísi leikur. Mér
fannst Wigan spila betur en við í
fyrri hálfleik en við lékum vel í
þeim síðari og vorum stanslaust að
ógna þeim. Það tók okkur tíma að
komast af stað í dag en við lékum
ágætlega,“ sagði Martin O‘Neill
eftir leikinn.
Þrjú rauð spjöld hjá
Blackburn og Tottenham
Íslandsmeistaramótinu í
sundi lauk um helgina með glæsi-
brag. Alls voru tólf ný Íslandsmet
sett á mótinu og níu unglingamet.
Það er því óhætt að segja að það
hafi sannkallað metaregn verið á
mótinu sem fram fór í Laugardals-
lauginni.
Fyrsta úrslitasundið í gær var
200 metra fjórsund kvenna þar
sem Erla Dögg Haraldsdóttir úr
ÍRB fór með sigur af hólmi og
setti nýtt Íslandsmet þegar hún
synti á 2:16,94. Gamla metið átti
Lára Hrund Bjargardóttir frá
árinu 2001.
Ragnheiður Ragnarsdóttir úr
KR sigraði í 50 metra skriðsundi í
gær og setti nýtt Íslandsmet í
greininni, 25,55 sekúndur.
Kolbrún Ýr Kristjánsdóttir úr
sundfélaginu Ægi setti sitt annað
Íslandsmet á mótinu þegar hún
vann 100 metra flugsund á tíman-
um 1:01,24. Þar með sló Kolbrún Ýr sitt eigið met í greininni sem
hún setti árið 2003.
Örn Arnarson setti Íslandsmet
í 100 metra flugsundi þegar hann
synti vegalengdina á 52,67 sek-
úndum og bætti þar með fyrra
metið um u.þ.b. hálfa sekúndu.
Hrafn Traustason úr ÍA setti
sitt þriðja drengjamet á mótinu
þegar hann synti 200 metra fjór-
sund á tímanum 2:16,84 en áður
hafði Trausti sett met í 400 metra
fjórsundi og 200 metra bringu-
sundi.
Svandís Þóra Sæmundsdóttir,
Jóna Helena Bjarnadóttir, Elfa
Ingvarsdóttir og Soffía Klemenz-
dóttir skipuðu telpnasveit ÍRB
sem setti nýtt telpnamet í fjórum
sinnum 100 metra skriðsundi en
þær syntu á tímanum 4:12,27.
Kvennasveit Ægis átti svo loka-
orðið á mótinu þegar þær bættu
Íslandsmetið í fjórum sinnum 100
metra skriðsundi. Þær syntu vega-
lengdina á 3:55,95 og bættu gamla
metið um tæpar þrjár sekúndur.
Sveitina skipuðu þær Auður Sif
Jónsdóttir, Ásbjörg Gústafsdóttir,
Anja Ríkey Jakobsdóttir og Kol-
brún Ýr Kristjánsdóttir.
Íslandsmeistaramótinu í sundi lauk í gær en alls voru tólf ný Íslandsmet sett á
mótinu. Auk þess voru níu unglingamet sett á mótinu og því óhætt að segja að
sannkallað metaregn hafi verið í Laugardalnum um helgina.