Fréttablaðið - 20.11.2006, Page 12

Til stendur að reisa
fjórar sautján hæða íbúðablokkir
við Laugarnesið í Reykjavík. Þar
við hliðina og austur með Klepps-
veginum er áætlað að byggja sex
skrifstofuhús sem verða allt að
fjórtán hæðir.
Frumtillögur GP-arkitekta um
þetta hafa verið til skoðunar í
borgarkerfinu frá í haust. Sam-
kvæmt þeim á að rífa vöruskemm-
urnar sem fyrir eru á svæðinu og
byggja 84 þúsund fermetra af
atvinnuhúsnæði og 40 þúsund fer-
metra af íbúðarhúsnæði „í háum
gæðaflokki“.
Neðstu hæðir atvinnuhúsanna
verða tengdar og á þar að vera
ýmis þjónusta á borð við verslanir
og veitingastaði. Brú yrði yfir
Kleppsveginn fyrir fótgangandi.
„Ef það gengur eftir að það
komi göngubrú til að tengja Laug-
arneshverfið við þetta svæði þá
bætir það mjög mikið alla þjón-
ustu í hverfinu,“ segir Sigrún Hlín
Sigurðardóttir, formaður húsfé-
lagsins á Kleppsvegi 2-6 og Laug-
arnesvegar 116-118.
Sigrún segir að háhýsabyggðin
hafi enn ekki verið rædd á vett-
vangi húsfélagsins. Sjálf sér hún
ýmsa kosti. „Ég held að flestir séu
sammála um að það verði gott að
losna við allt þetta verksmiðju-
fargan og fá frekar blandaða
íbúða- og þjónustubyggð. Við
mundum til dæmis losna við
Hringrás sem hefur verið alger
þyrnir í okkar augum frá því
kviknaði þar í og við þurftum öll
að flytja burtu í sólarhring,“ segir
Sigrún.
Að sögn GP-arkitekta verður
leitast við að skerða útsýni núver-
andi íbúa sem minnst. Og Sigrún
telur að ekki muni mikið útsýni
tapast:
„Þeir sem eru vestanmegin í
mínum stigagangi og á númer 4 og
númer 2 missa í rauninni ekkert af
þessu fallega vesturútsýni af því
að Laugarnestanginn verður alltaf
friðaður. Húsin blokkera Esjuna
þegar litið er til austurs en eins og
þetta er sett upp þá sér maður á
milli þessara turna.“
Sigrún hefur þó áhyggjur af
umferðarmálunum og áhrifum
háhýsanna á vindafar. Magnús
Jónsson veðurstofustjóri hafi bent
á að hærri hús tækju niður sterk-
an vind í alls kyns hvirflum.
„Það eru ofboðslegir vind-
strengir sem koma með Esjunni.
Við húsið hjá okkur er stundum
ekki stætt í stífri norðanátt.“
Lóðirnar og fasteignirnar á
þeim eru í eigu Faxaflóahafna og
félags í eigu Bygg hf.
Háhýsi í Laugarnesi
Formaður húsfélagsins á Kleppsvegi 2-8 sér marga kosti við fyrirhugað háhýsa-
hverfi við Kleppsveginn. Hugmyndin er sú að reisa fjórar sautján hæða blokkir
næst Laugarnesinu og sex allt að fjórtán hæða hús upp með Kleppsveginum.
Alþjóðlegu náttúru-
verndarsamtökin World Conserv-
ation Trust hafa lýst yfir stuðningi
við sjálfbærar hvalveiðar Íslend-
inga. Samtökin hafa höfuðstöðvar í
Sviss og beita sér fyrir „sjálfbærri
nýtingu villtra auðlinda náttúrunn-
ar til sjós og lands sem leiðar til
náttúruverndar“, eins og segir í
fréttatilkynningu.
„Íslendingar hyggjast veiða svo
örfáa hvali að eingöngu þeir sem
eru blindaðir af eigin órum geta
haldið því fram að veiðarnar gætu
haft einhver neikvæð langtíma-
áhrif á hvalastofna. Veiðarnar eru
augljóslega sjálfbærar og fyllilega
réttmætar,“ segir Eugene Lapointe,
forseti samtakanna, en hann var
um árabil framkvæmdastjóri
CITES, alþjóðasamningsins um
alþjóðaviðskipti með villt dýr og
plöntur í útrýmingarhættu.
Lapointe bendir á að fordæm-
ingarupphróp stjórnmálamanna
og talsmanna dýraverndarsam-
taka séu byggð á innantómum
rökum. Í raun sé gremju þeirra
fyrst og fremst að rekja til þeirra
eigin getuleysis. „Þeir hafa hvorki
vald né tæki til að hindra Íslend-
inga, Norðmenn og Japani í að
veiða hvali. Þeir hafa eyðilagt eina
tækið sem þeir gætu beitt til áhrifa
á stjórn hvalveiða, [Alþjóðahval-
veiðiráðið], og eina ráð þeirra er
því að grípa til þess að lesa yfir og
móðga hvalveiðiþjóðir í kastljósi
eigin fjölmiðla. Sannleikanum er
hver sárreiðastur,“ skrifar
Lapointe í forystugrein á heima-
síðu samtakanna, www.iwmc.org.
Réttmætar sjálfbærar veiðar
Reykvískum karlmanni á
þrítugsaldri hafa verið dæmdar
miskabætur í Héraðsdómi
Reykjavíkur vegna þess að hann
sætti gæsluvarðhaldi lengur en efni
voru talin til. Upphæð bótanna
nemur 250 þúsund krónum.
Gjafsóknarkostnaður, þar með talin
þóknun til lögmanns mannsins að
upphæð 400 þúsund krónur,
greiðist úr ríkissjóði.
Maðurinn hafði verið ákærður
fyrir að hafa reynt að flytja
amfetamín inn í landið, auk þess að
hafa tæp 17 grömm af amfetamíni í
fórum sínum. Hann var sýknaður
af tilraun til innflutnings, en dæmd-
ur vegna fíkniefnavörslu.
Miskabætur
vegna gæslu