Fréttablaðið - 22.11.2006, Side 29

Danir eru farnir að fækka föt-
um til að draga úr ofsahraða.
Fregnir berast nú úr Danaríki af
hópi ungra kvenna sem tína af sér
spjarirnar til að stemma stigu við
ofsaakstri.
Hópnum, sem kallar sig því
langa heiti „hraðastjórnunar
bíkíni stigamennirnir“, er svo
umhugað að draga úr ofsahraða að
hann stendur fáklæddur í vega-
köntum þjóðvega með hraðaskilti
á lofti.
Uppátækið svínvirkar þar sem
ökumenn hafa dregið töluvert úr
hraðanum. Bílstjórarnir hafa
reyndar minnkað hraðann svo
mikið til að horfa á þokkagyðjurn-
ar, að umferðateppur hafa mynd-
ast á mörgum stöðum.
Að vonum eru því ekki allir
sannfærðir um ágæti átaksins og
ef að líkum lætur verður því bráð-
um hætt.
Umdeilt umferðarátak
Fyrirtækjasamsteypurnar
Nissan og Microsoft hafa gert
samstarfs- og auglýsingasamn-
ing.
Samningurinn felur í sér aðgang
Nissan að bæði miðlum Microsoft,
eins og Xbox Live, MSN, og Wind-
ows Mobile, sem og tækniþekk-
ingu og mannauði fyrirtækisins.
Ekki er loku skotið fyrir að Mic-
rosoft muni hanna tölvukerfi í
Nissan bíla.
Með þessu segjast forsvarsmenn
Nissan vera að laga sig að breyttum
aðstæðum á fjölmiðlamarkaði. Fólk
er farið að velja í auknum mæli
hvað það skoðar og hvenær og notar
til þess tölvumiðla. Fyrirtækið
þvertekur fyrir að vera að yfirgefa
hefðbundna miðla og segir að þetta
sé einungis eðlileg þróun og bendir
á að áður hafi fyrirtækið samið við
bæði Google og Yahoo á svipuðum
nótum.
Ekki er gefið upp hvers virði
samningurinn er en ljóst er að
þarna eru engir smáaurar á ferð. Á
síðasta ári eyddi Nissan um 140
milljörðum í auglýsingar en það er
á við tæplega hálf fjárlög íslenska
ríkisins.
Nissan semur við
Microsoft
Dekkjasokkarnir hjá FÍB
renna út enda færðin ekki góð.
Sokkarnir eiga að gefa jafn
gott grip og keðjur.
Sokkarnir er norsk uppfinning og
kallast AutoSock á frummálinu.
Að baki þeim liggur margra ára
þróun sem, eins undarlega og það
hljómar, er nátengd tæknifram-
förum norska skíðalandsliðsins.
Þar var tæknin fyrir hendi um
hvernig átti að minnka viðnám
skíða niður í nánast ekki neitt.
Þessu var algjörlega snúið við og
búið var til kevlar-efni með miklu
gripi og ótrúlega endingu. Efnið
er mjög svipað því kevlar-efni sem
notað er í mótorhjólagalla.
Sokkarnir eru einfaldir í notk-
un. Þeim er komið fyrir á drif-
dekkjum með lítilli fyrirhöfn áður
en keyrt er af stað. Drifið verður
nánast eins og ef keðjur væru
undir bílnum og samkvæmt þeim
upplýsingum sem fengust hjá
söluaðila eru sokkarnir jafnvel
slitsterkari en keðjurnar. Sokk-
arnir hitna ennfremur lítið við
núning.
Sokkarnir hafa selst gríðarlega
vel og nú er svo komið að milljón
slíkra eru í umferð. Toyota hefur
valið að láta þá fylgja öllum nýjum
bílum á Alpasvæðinu í Evrópu og
þær stofnanir og fjölmiðlar sem
hafa prófað þá gefa þeim hæstu
einkunn.
Sokkarnir fást hjá FÍB og kost-
ar parið 8.800 krónur. Félagsmenn
FÍB fá 10 prósent afslátt og kosta
sokkarnir þá 7.920 krónur.
Dekkjasokkar jafnvel
sterkari en keðjur
Fyrsta afkvæmi samstarfs
Toyota og Isuzu verður dísil
hybrid-bíll.
Isuzu þykir afar framarlega í
þróun kraftmikilla díselvéla. Þetta
ætlar Toyota að nýta sér en fyrir
skemmstu var tilkynnt um fyrir-
hugað samstarf fyrirtækjanna
tveggja.
Dísel hybrid-vélin mun koma á
markað árið 2010 og er ætlað að
draga fram það besta beggja
tækniheima. Ef vel tekst til mun
vélin vera einhver sú alsparneytn-
asta á markaðnum.
Tilkynningin kom nokkuð á
óvart en Isuzu hefur um skeið séð
GM fyrir díselvélum í GMT-800
jeppana sem þykja langtum fremri
öðrum GM díselvélum.
Dísel hybrid-bíll 2010