Fréttablaðið - 05.12.2006, Blaðsíða 44

10
„Við mæðgurnar ákváðum að láta
þann draum rætast að setja á fót
antíkbúð nú í sumar. Ég var að flytja
frá Danmörku og gat ekki hugs-
að mér lífið án þess að hafa ein-
hverja antík í kringum mig. Danir
halda svo mikið upp á þetta gamla
og kunna líka einhvern veginn að
vinna svo huggulega úr því,“ segir
Helga Salbjörg Guðmundsdóttir og
bætir við hlæjandi. „Þannig að nú
erum við maddömumæðgur,“ og á
þar við sig og móður sína Jósef-
ínu Friðriksdóttur. Þær eru báðar
kennarar og segjast ekki hafa þorað
annað en vera í kennslu með versl-
unarrekstrinum ef hann skyldi nú
ekki ganga. Þess vegna er lokað í
Maddömunum á mánudögum og
þriðjudögum.
Þær segja verslunina hafa farið
mjög vel af stað. „Mér finnst allir
Sunnlendingar koma að versla hjá
okkur auk Reykvíkinga og fólks
héðan og þaðan af landinu,“ segir
Helga glaðlega og bætir við að
heimasíðan maddomurnar.com geri
það að verkum að fólk geti skoðað
vöruúrvalið og pantað.
„Þetta er dálítið bland í poka,
sem við erum með,“ segja þær og
benda í kringum sig. Þar er allt frá
fínum mublum, postulíni og silfri til
málaðra almúgahúsgagna og emel-
eraðra koppa. „Okkur skilst að við
séum í lægri kantinum með verðið
en það er bévíti dýrt að flytja inn.
Flutningskostnaður og tollur er
hvort tveggja svínslega hár en svo
höfum við líka verið að taka við
hlutum hér heima og selja áfram.
Það finnst okkur frábært í stað
þess að fólk sé að henda eigulegum
munum.
Hvað skyldi vera vinsælast?
„Mublurnar seljast vel, bæði þær
fínni og hrárri. Líka dúkar og púðar.
Svo seljum við heilmikið silfur,”
segir Helga og bendir á að óþarft sé
að loka silfur niðri í skúffum nema á
stórhátíðum heldur sé um að gera að
nota það. „Hitaveituvatnið er ekkert
vandamál ef fólk á uppþvottavélar
því þær taka inn á sig kalt vatn svo
það fellur ekki á silfrið þess vegna.
Bara að passa að setja ekki of mikið
af hreinsiefni,“ eru hennar heilræði.
Þær mæðgur segja áberandi að
fólk sé farið að sækja í gamla muni
og finnist hlutirnir hjá ömmu og afa
„huggó“. „Nú er minimalisminn á
undanhaldi og rómantíkin á innleið
aftur,“ segir Helga. „Enda eigum við
ekki að hafa heimilin hörð.“
gun@frettabladid.is
Rómantíkin á innleið aftur
Dönsk antíkvara og annað góss fæst í verslun á Selfossi sem ber nafnið Maddömurnar.
{ suðurland }