Fréttablaðið - 05.12.2006, Blaðsíða 55

[Hlutabréf]
Stjórnendur House of Fraser,
bresku verslanakeðjunnar sem er
var yfirtekin af Baugi, FL Group
og fleiri fjárfestum í síðasta mán-
uði, hafa krafist þess að fá níutíu
daga greiðslufrest gagnvart birgj-
um. Þar að auki er farið fram á að
veittur verði fimm prósenta
afsláttur af innkaupum eftir fyrsta
janúar næstkomandi.
Þetta hefur fallið í grýttan jarð-
veg hjá heildsölum sem telja að
hér sé um fáheyrða kröfu að ræða
á breskum smásölumarkaði, að
sögn Scotsman. Forsvarsmenn
heildsölukeðjunnar Ted Baker,
sem selur vörur til HoF, munu
vera æfir yfir þessari kröfu sam-
kvæmt heimildum blaðsins.
HoF krefst níutíu
daga greiðslufrests
Bandaríska verslanakeðjan Wal-
Mart hefur landað samningi um
byggingu verslana á Indlandi í
samstarfi við indversku samstæð-
una Bharti Enterprises, sem meðal
annars rekur stærsta fjarskipta-
fyrirtæki á Indlandi.
Stærstu verslanakeðjur á Vest-
urlöndum hafa lengi horft til þess
að komast inn á indverska markað-
inn. En stjórvöld hafa fram til þessa
sett þeim stólinn fyrir dyrnar.
Verslanakeðjur á borð við hina
þýsku Metro og frönsku Carrefour
hafa báðar rætt við Bharti Enterp-
rises um verslanarekstur á Ind-
landi án árangurs. Dyrnar opnuð-
ust fyrir Wal-Mart þegar slitnaði
uppúr viðræðum bresku verslana-
keðjunnar Tesco við indverska fjar-
skiptarisann skömmu fyrir síðustu
helgi.
Í sameiginlegri tilkynningu frá
Wal-Mart og Bharti Enterprises
segir, að verslanirnar verði í eigu
Bharti Enterprises en undir merkj-
um bandarísku verslanakeðjunnar.
Indverski auðkýfingurinn Sunil
Mittal, stjórnarformaður Bharti
Enterprises, segir stefnuna að opna
allt að 250 verslanir fyrir lok næsta
árs og bjóða á lægsta vöruverð í
landinu.
Samvinna Wal-Mart og Bharti
Enterprises er geysistórt verkefni.
Breska dagblaðið The Guardian
reiknar með að stofnkostnaður
hlaupi á um 100 milljónum punda
eða 14 milljörðum íslenskra króna.
Ef vel reynist muni það skila sér
því búist er við að velta í smásölu-
verslun á Indlandi muni aukast um
fjórðung á næstu fjórum árum.
Veltan nemur nú um 155 milljörð-
um punda eða 21.000 milljörðum
íslenskra króna. -
Wal-Mart nemur
land á Indlandi
FASTEIGNALÁN
Í MYNTKÖRFU
Nánari upplýsingar veita lánafulltrúar Frjálsa og á www.frjalsi.is
3,4%
Miðað við myntkörfu 3, Libor vextir 21.09.2006
FYRSTUR MEÐ
FRÉTTIRNAR
www.visir.is
Fríverslunarviðræður milli Kína og Íslands munu hefj-
ast í upphafi ársins 2007. Á fundi í Peking í gær undir-
rituðu þau Valgerður Sverrisdóttir utanríkisráðherra
og Yu Guangzhou, aðstoðarutanríkisráðherra Kína,
viljayfirlýsingu um upphaf viðræðnanna.
Með tilkomu fríverslunarsamnings gætu ýmsir
möguleikar opnast fyrir Ísland. Líkur eru á að vörur
yrðu í auknum mæli fluttar beint inn til landsins í stað
þess að notast væri við milliliði eins sem algengt er. Þá
gætu skapast hagstæð skilyrði fyrir að Ísland verði
milliliður fyrir viðskipti milli Kína og Evrópu, þar sem
enginn fríverslunarsamningur er í gildi milli Kína og
annarra Evrópulanda. Einnig gæti verið hagkvæmt að
flytja vörur frá Kína til Íslands, vinna þær frekar hér
og fá á þær íslenskt upprunavottorð og selja þær áfram
til annarra Evrópulanda.
Á fundinum ræddu ráðherrarnir tvíhliða samskipti
Íslands og Kína og aukin umsvif íslenskra fyrirtækja í
Kína á undanförnum misserum. Að honum loknum var
utanríkisráðherra gestgjafi í mótttöku í tilefni af 35 ára
stjórnmálasambandi Íslands og Kína. Síðar um daginn
fór Valgerður til Shanghai þar sem hún setti ráðstefnu
nýstofnaðs samráðsvettvangs íslenskra fyrirtækja í
Kína. Var hún þar að auki vistödd opnun nýrrar skrif-
stofu Glitnis en bankinn er fyrsta íslenska fjármála-
fyritækið sem opnar skrifstofu í Kína.
Fríverslunarviðræður að hefjast