Fréttablaðið - 23.02.2007, Blaðsíða 40

23. FEBRÚAR 2007 FÖSTUDAGUR2 fréttablaðið sumarferðir
„Við erum búin að bæta við enn
fleiri áfangastöðum,“ segir Sigríð-
ur Helga Stefánsdóttir, verkefna-
stjóri í markaðsdeild Iceland
Express. „Það eru fimm nýir núna
þannig að áfangastaðirnir eru
orðnir þrettán talsins. Þeir nýj-
ustu eru Basel í Sviss, Eindhoven í
Hollandi, Billund í Danmörku,
París og Osló en að auki erum við
með alla sömu áfangastaði og í
fyrra.“
Sigríður segir síðasta ár hafa
gengið rosalega vel og að Berlín
hafi slegið í gegn hjá félaginu.
„Express ferðir, ferðaskrifstofa
Iceland Express, er að setja saman
ýmiss konar ferðir til Berlínar,
London og Kaupmannahafnar en
auðvitað erum við líka með golf-
ferðir, fótboltaferðir, tónleikaferð-
ir, skíðaferðir og margar fleiri
sérferðir,“ segir Sigríður og bætir
því við að mikið sé að gerast í ferð-
unum þetta árið.
„Ég myndi segja að Berlín væri
vinsælasti áfangastaðurinn okkar
en við byrjuðum með ferðir þang-
að í fyrra og það virðist ekki ætla
að vera neitt síður vinsælt þetta
árið. Það hefur líka verið mjög
vinsælt að taka bílaleigubíl á
einum stað og skilja hann eftir
annars staðar og fljúga þaðan
heim.“
Iceland Express býður líka upp
á sumarhús úti um alla Evrópu en
þá er valið á vefsíðunni land og
jafnvel hérað. „Það hefur verið
mjög vinsælt meðal fjölskyldna
sem vilja dvelja um lengri tíma á
sama stað.“ - sig
Þrettán áfangastaðir
Það er sígilt að skella sér til Kaupmannahafnar og hér skartar Litla hafmeyjan sínu
fegursta í blíðskaparveðri.
Berlínarferðir hafa verið einstaklega
vinsælar meðal farþega Iceland Express
og stefnir í að enn fleiri ferðist þangað á
vegum félagsins í sumar.
Tyrkland og Tene-
rife vinsæl í sumar
Ferðaskrifstofan Úrval Útsýn
flýgur í fyrsta sinn til Rómar
yfir sumartímann.
„Tyrkland og Tenerife hafa verið
hástökkvararnir í ár,“ segir Þor-
steinn Guðjónsson framkvæmda-
stjóri Úrvals Útsýnar. Ferðaskrif-
stofan kynnti þessa tvo
sólarlandastaði til sögunnar í
fyrra og urðu þeir báðir strax vin-
sælir. Sömu sögu er að segja þetta
árið en þeir hafa selst mjög hratt.
Af öðrum nýjungum Úrvals
Útsýnar má nefna Róm en þetta er
í fyrsta skiptið sem flogið verður
beint þangað yfir sumartímann.
„Ferðirnar til Rómar hafa fengið
mjög góðar viðtökur. Þar býðst
fólki ólíkir kostir og sjáum við
fyrir okkur fjóra markhópa; þeir
sem taka bara flugið og redda
sjálfir afganginum, þeir sem fá
bæði flug og gistingu og þeir sem
panta sér flug og bíl. Þar að auki
bjóðum við upp á gistingar á
strönd rétt við Róm svo við verð-
um einnig með sólarlandavinkil á
þessu.“
Þorsteinn segir gríðarlega
breytingu hafa orðið á vali á gist-
ingu síðustu ár. „Fyrir fjórum árum
síðan voru um fimm prósent við-
skiptavina okkar á hótelum en rest-
in dvaldi í íbúðum. Í dag velur um
helmingur fólks að gista á hótelum.
Það hefur því orðið vaxandi eftir-
spurn eftir betri gistingu,“ segir
Þorsteinn en Úrval Útsýn svarar
þeirri eftirspurn meðal annars með
fimm stjörnu svítum á Portúgal
sem hafa verið mjög vinsælar.
Tyrkland er orðinn vinsæll sólarlandastaður.
Saga Tyrklands er löng og merkileg.
Einstök fegurð Alpanna heillar alla sem sækja Austurríki heim.
Þessi notalega ferð um sveitir landsins hefst með flugi til
Frankfurt, en þaðan er ekið til Ingolstadt fyrrum hertogadæmis.
Næst er haldið að Mondsee, sem er draumastaður austan við
Salzburg í Austurríki. Skoðunarferðir til tónlistarborgarinnar
Salzburg, Wolfgangsee og Hallstatt, sem er ein af perlum
Salzkammergut. Ferðin endar í Nürnberg, þar sem farið er í
skoðunarferð um borgina og tími verður til að kanna mannlífið.
Fararstjóri: Steingrímur Gunnarsson
Verð: 99.800 kr.
Vor 2
Salzkammergut
5. - 12. apríl
Sp
ör
-
R
ag
nh
ei
ðu
r
In
gu
nn
Á
gú
st
sd
ót
tir
Salzburg -
s: 570 2790 www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
Miklar breytingar hafa verið
gerðar á Fríhöfninni að undan-
förnu samhliða öðrum breyt-
ingum í Flugstöð Leifs Eiríks-
sonar. Fríhöfnin er nú orðin
rýmri og þægilegri að sögn
Rúnars B. Guðlaugssonar, inn-
kaupastjóra verslunarinnar.
„Flugstöðin er að stækka og
því verið að breyta öllu frí-
hafnarsvæðinu,“ segir Rúnar,
spurður út í breytingarnar á
brottfararverslun Fríhafnar-
innar. „Það eru nýir rekstrar-
aðilar að koma inn og má þar
nefna Elko og Senu sem munu
taka við tækja- og marg-
miðlunarvörum af Fríhöfn-
inni,“ bætir Rúnar við en
heildarbreytingarnar á Flug-
stöðinni eru gerðar vegna auk-
ins fjölda farþega þar í gegn.
„Fríhöfnin hefur stækkað
frá því að vera 650 fermetrar í
1.150 fermetra. Við erum ekki
að auka mikið vöruúrvalið held-
ur hefur rýmið fyrir viðskipta-
vinina aukist töluvert. Fríhöfn-
in er í dag bjartari, opnari,
breiðari og mun líflegri en áður
var,“ segir Rúnar og bætir því
við að lýsingin sé einnig mun
betri en áður.
„Flugstöð Leifs Eiríkssonar
er náttúrlega stærsti ferða-
mannastaður landsins og þess
vegna hefur Fríhöfnin lagt
aukna áherslu á íslenska fram-
leiðslu svo sem sælgæti og
áfengi. Þá erum við með minja-
gripahorn í versluninni. Það er
ný og flott deild þar sem við
ætlum að reyna að höfða meira
til ferðamanna með íslenskum
vörum,“ segir Rúnar.
sigridurh@frettabladid.is
Breytt, betri og
bjartari Fríhöfn
Fríhöfnin hefur nú fengið stílhreint og fallegt yfirbragð eftir gagngerar breyt-
ingar. MYND/ODDGEIR KARLSSON