Fréttablaðið - 24.03.2007, Page 58

hús&heimili
1. Kaffibaunir prýða þessa bolla eftir Ingu Elínu sem
hefur hlotið viðurkenningar fyrir verk sín í Noregi, Dan-
mörku og á Íslandi. 1997 var hún útnefnd bæjarlistamað-
ur Mosfellsbæjar og frá 2001 hefur hún hannað verðlauna-
grip Íslensku tónlistarverðlaunanna. Tónlistarmaðurinn
Elton John keypti meðal annars tvö glerlistarverk eftir
Ingu Elínu.
2. Hvítir bollar með rauðu mynstri eftir Ragnheiði Ing-
unni Ágústsdóttur. „Bollana mína vinn ég út frá munstrum
og teikningum sem ég hef teiknað í gegnum tíðina og jafn-
vel notað við gerð annarra verka. Formin eru því einföld
og í raun rammi teikningarinnar.“
3. Doppóttur bolli á svörtum
grunni eftir Áslaugu Höskuldsdótur. „Í
vinnu minni í leirnum er ég ánægðust þegar
samspil forms, áferðar og litar mynda heild og öðlast sitt
eigið líf í því verki sem ég vinn hverju sinni.“
4. Fallegir bollar eftir Kristbjörgu Guðmundsdóttur. „Í
verkum mínum legg ég mikið upp úr góðu handbragði og
fallegum formum. Bolli þarf að passa í stærð og lögun fyrir
þann drykk sem úr honum skal drekka. Hann þarf að fara
vel í hendi, brún hans þarf að vera góð viðkomu og hankinn
að vera þægilegur. Glerungur bollans þarf að vera mjúkur
og þola vel hitabreytingar og uppþvottavél. Síðast en ekki
síst þarf bollinn að vera fallegur bæði í lit og formi.“
5. Hvítir bollar sem minna helst á broddgelti eða risaeðl-
ur eftir Erlu Huld Sigurðardóttur, fomann Leirlistarfélags
Íslands. „Það sem heillar mig mest er að þróa ný form og
glerunga og upplifa nýja liti og finna út samspilið á milli
litanna og formsins. Mesti spenningurinn er að opna ofn-
inn og sjá hvað kemur út úr honum.“
Handgerðir bollar
Félagar úr Leirlistarfélagi Íslands verða með sýningu á handgerðum bollum í
Kringlunni hjá kaffihúsinu Kaffitári frá 24. mars til 30. apríl. Tilgangur sýningar-
innar er að vekja eftirtekt á fjölbreytileika og sköpunargleði á þessum nytjahlut.
26 félagar úr Leirlistarfélaginu sýna verk sín en hér má sjá bolla fimm þeirra.
4
3
5
1 2
24. MARS 2007 LAUGARDAGUR14