Fréttablaðið - 14.04.2007, Side 37

Pétur Óli Pétursson hefur búið
í Pétursborg í Rússlandi í tíu
ár. Hann hefur leitt margan
Íslendinginn um menningar-
heima borgarinnar og segir
sífellt fleiri landa sækja hana
heim.
Upphaflega flutti Pétur Óli Pét-
ursson leiðsögumaður til Péturs-
borgar í Rússlandi til að starfa
fyrir vestrænt fyrirtæki. Honum
líkaði dvölin vel og býr þar enn tíu
árum síðar.
„Ég byrjaði sem leiðsögumað-
ur fyrir tilviljun stuttu eftir að ég
flutti til borgarinnar. Í fyrstu voru
þetta vinir og kunningjar sem
komu, en síðan hefur þetta undið
upp á sig og er mitt aðalstarf,“
segir Pétur.
Hann tekur á móti fjölda hópa
ár hvert sem bæði koma á eigin
vegum og í gegnum skipulagðar
ferðir. Til dæmis með Icelandair
og Bændaferðum.
„Þetta er mikið af kórum og öðru
listelsku fólki sem hefur áhuga á
menningunni.
Hér er mikil hefð fyrir sígildri
tónlist og mörg falleg óperu- og
leikhús. Það er af miklu að taka,“
segir Pétur.
Borgin er sú fjórða stærsta í
Evrópu og er að sögn Péturs aðal-
menningarborg Rússlands. Meðal
þess sem Pétur býður upp á er
saga borgarinnar og Rómanovætt-
arinnar. Skoðunarferð að Vetrar-
höllinni og Hermites-safninu frá
tímum Katrínar miklu og ferð á
fornar víkingaslóðir.
Leiðsögnin er sniðin að óskum
og dvalarlengd hópanna sem flest-
ir koma á vorin eða haustin.
„Þetta er kannski ekki borg-
in fyrir fólk í verslunarferð eða
þá sem vilja fara á strönd. Þess
vegna er ágætt að koma meðan
veðrið er milt því sumrin geta
verið mjög heit og veturnir kald-
ir,“ segir Pétur.
Ferðaþjónustan er í miklum
blóma í Rússlandi og Pétur segir
borgina mjög örugga fyrir ferða-
menn. „Ferðamenn þurfa að sjálf-
sögðu að fara varlega eins og í
öllum stórborgum, en við höfum
aldrei lent í neinum óþægindum
og hér eru Íslendingar alltaf mjög
vel liðnir,“ segir Pétur.
Áhugasamir geta haft samband
við Pétur Óla Pétursson með tölvu-
pósti. peturo@online.ru
Menningin í
Pétursborg
Ferðafélag Íslands
www.fi.is s. 568-2533
sferðir FÍ
Jónsmessa og jóga
á Hornströndum
Sæludagar í Hlöðuvík
Látrabjarg og Rauðisandur
Kjalvegur hinn forni
Með eilífðinni á
Arnarvatnsheiði.
Gönguferðir í Skotlandi
Býð upp á 4 - 7 daga gönguferðir fyrir hressar konur
á öllum aldri um hina frægu West Highland Way.
Gengið er með fram hinu rómaða Loch Lomond vatni og
upp í hálöndin. Tilvalin ferð fyrir vinkonur, mæðgur,
vinnu og gönguhópa.
Allar nánari upplýsingar eru að finna á vefsíðunni minni
www.skotganga.co.uk og hjá Ingu fararstjóra
í síma 897-8841.
F
í
t
o
n
/
S
Í
A