Fréttablaðið - 27.04.2007, Blaðsíða 12

Talsverðar skemmdir urðu á sorp-
brennslustöð Húsvíkinga þegar eldur kom þar
upp á þriðjudagskvöld. Svo virðist sem kvikn-
að hafi í út frá fitu sem lak frá brennsluofni
þegar verið var að brenna sorp.
Jón Ásberg Salómonsson, slökkviliðsstjóri á
Húsavík, segir að greiðlega hafi gengið að
slökkva eldinn. „Það var ekki mikill eldur í
húsinu en það var þéttur og mikill reykur þar
inni,“ segir Jón. Tólf slökkviliðsmenn unnu
við að ráða niðurlögum eldsins.
Sorpbrennslustöðin tók til starfa fyrir um
ári síðan svo þar er allur búnaður nýr og í
góðu lagi. Stefán Sigtryggsson sorpbrennslu-
stjóri segir að ekki hafi hvarflað að starfs-
mönnum stöðvarinnar að kviknað gæti í með
þessum hætti. „Það hefur eitthvað gefið sig
svo fitan lekur niður á gólf, annaðhvort hefur
síðan komist neisti í hana eða þá að hún hefur
hitnað svo mikið að hún fer að brenna,“ segir
Stefán.
Talsverðar skemmdir urðu á búnaði sorp-
brennslunnar og Stefán á ekki von á að þar
verði brennt sorp á næstu dögum. „Það virðist
sem allar rafmagnslagnir í þessu rými séu
ónýtar og eitthvað hefur skemmst af öðrum
búnaði þótt ekki sé búið að kanna það til hlítar.
Ég vona að starfsemi geti hafist á ný eftir
hálfan mánuð,“ segir Stefán. Litlar skemmdir
urðu á húsinu sjálfu.
Kviknaði í fitu sem lak frá brennsluofni
Rúmlega tvítugur maður
hefur verið ákærður fyrir að
smygla fíkniefnum inn á Litla-
Hraun, svo og peningaþvætti á
þeim tíma sem hann starfaði sem
fangavörður þar. Mikael Már Páls-
son, refsifangi á Litla-Hrauni,
hefur einnig verið ákærður í sama
máli fyrir skipulagningu fíkni-
efnasmyglsins.
Fangaverðinum fyrrverandi er
gefið að sök að hafa í ágúst á síð-
asta ári misnotað stöðu sína og
smyglað 33,66 grömmum af amf-
etamíni og 241,15 grömmum af
kannabis inn í fangelsið. Fíkniefnin
fékk hann afhent daginn áður hjá
ónafngreindum manni í Reykja-
vík. Þau ætlaði fangavörðurinn að
skilja eftir í fangaklefa Mikaels
Más, en áður en til þess kom fram-
vísaði hann efnunum við yfirmann
sinn.
Þá er sami maður ákærður fyrir
peningaþvætti í opinberu starfi
með því að hafa tveim dögum fyrir
smygltilraunina tekið á móti
umslagi frá Mikael Má sem inni-
hélt hundrað þúsund krónur í
reiðufé. Var fangaverðinum ljóst
að um var að ræða söluandvirði
fíkniefna, að því er segir í
ákærunni. Hann smyglaði pening-
unum út úr fangelsinu og afhenti
þá tilteknum manni.
Mikael Már er ákærður fyrir
skipulagningu smyglsins eins og
áður sagði. Hafi hann fengið
fangavörðinn til að notfæra sér
stöðu sína til að smygla efnunum
inn í fangelsið í þeim tilgangi að
Mikael Már gæti tekið við þeim og
afhent þau eða selt þar.
Mikael Már afplánar nú fjögurra
ára fangelsisdóm á Litla-Hrauni.
Þann dóm hlaut hann fyrir stór-
felld fíkniefnabrot og fleiri afbrot.
Hann hafði gert út þrjá menn um
tvítugt til að kaupa fíkniefni í
Amsterdam í Hollandi. Við komuna
til landsins voru þeir stöðvaðir og
reyndust vera með tæplega hálft
kíló af mjög sterku kókaíni, auk
minna magns af marijúana.
Skömmu síðar fór Mikael Már
sjálfur til fíkniefnakaupa.
Við heimkomu frá Frakklandi
var hann stöðvaður og reyndist þá
hafa falið rúm 3,7 kíló af nær
hreinu amfetamíni í duftformi í
baki ferðatösku sinnar.
Fyrrverandi
fangavörður
ákærður
Fyrrverandi fangavörður á Litla-Hrauni hefur verið
ákærður fyrir að smygla fíkniefnum inn í fangelsið, á
þeim tíma sem hann starfaði þar, og peningaþvætti.
„Skýrt er kveðið á
um það í lögum að ekki er hægt að
eiga viðskipti við börn sem kalla á
að þau skuldsetji sig. Þess vegna
bjóða bankarnir börnum bara upp
á síhringikortin til að það sé alltaf
tryggt að það sé til innistæða fyrir
því sem þau eiga í viðskiptum
með,“ segir Ingibjörg Rafnar,
umboðsmaður barna.
Ef kortin hringja ekki er skýrt
samkvæmt lögum hver ber
ábyrgðina á því. „Banki, verslun
eða vídeóleiga getur ekki átt í við-
skiptum við börn ef þeim viðskipt-
um fylgir skuldsetning. Ég held að
bankarnir hljóti að bera ábyrgð á
því að síhringikortin virki sem
slík. Auðvitað geta alltaf orðið slys
en þá er það eitthvað sem
bankarnir verða að reikna með í
sínum rekstri, tel ég, út frá þessu
laga-ákvæði. Og „FIT“-kostnaður-
inn þess heldur.“
Fréttablaðið greindi nýlega frá
því að Neytendasamtökin fengju
stundum fyrirspurnir vegna
síhringikorta barna þar sem börn
hefðu farið yfir á reikningum
sínum þar sem kortin virtust ekki
hringja inn. „Bankarnir mega ekki
setja í hendurnar á börnum annars
konar kort en kort sem bjóða upp á
staðgreiðsluviðskipti.“
Ábyrgðin bankanna
Í síðustu viku
undirrituðu í New York þeir
Hjálmar W. Hannesson, sendi-
herra Íslands, og Collin Beck,
sendiherra
Salómonseyja,
samning um að
stofna formlegt
stjórnmálasam-
band milli
landanna.
Í framhaldi af
því sá stjórn
Salómonseyja
sig knúna til að
gefa út yfirlýs-
ingu um að þetta
nýstofnaða samband tengdist
ekkert hvalveiðum. Eini tilgangur-
inn væri að styrkja tengsl við
Ísland með samvinnu á sviði
fiskveiða og orkumála í huga.
Frá þessu er skýrt á vefsíðu
útvarpsins á Nýja-Sjálandi.
Tengist ekkert
hvalveiðum
Bakkavör Group skilaði 1,2 milljarða króna hagnaði á fyrsta
fjórðungi þessa árs. Afkoman á fjórðungnum er í takt við spár grein-
ingardeilda bankanna.
Velta Bakkavarar nam 45,1 milljarði króna á tímabilinu og var
rekstrarhagnaður fyrir skatta og gjöld 4,5 milljarðar króna. Það
jafngildir 28 prósenta aukningu frá síðasta ári.
Ágústi Guðmundsson, forstjóri Bakkavarar, segir í fréttatilkynningu
að fjórðungurinn lofi góðu. Búist sé við að markaður með ferskar
matvörur vaxi um allt að 30 prósent í Kína og Evrópu á næstu fjórum
árum.
TÖLUM SAMAN
Kosningarnar snúast um þitt val. Við viljum heyra þín sjónarmið og kynna okkar
áherslur. Fáðu frambjóðendur Sjálfstæðisflokksins í heimsókn á þinn vinnustað.
Hafðu samband í síma 515 1777 eða á xd@xd.is
Einnig er hægt að senda inn spurningu til Geirs og Þorgerðar á www.xd.is
Nýir tímar - á traustum grunni