Fréttablaðið - 27.04.2007, Blaðsíða 74

Yfirmenn í breska hernum eru nú sagðir
íhuga það alvarlega að halda Harry prins sem
lengst frá vígvellinum vegna ótta um að nær-
vera prinsins kunni að stefna lífi og limum
félaga hans í hættu. Breska blaðið The Sun
greindi frá þessu í gær og hafði eftir heim-
ildarmönnum sínum að töluverðrar ólgu væri
farið að gæta innan breska hersins vegna
yfirvofandi ferðar Harrys og herdeildar hans
til Íraks. „Viljum við virkilega vinna eitthvað
ímyndarstríð og hafa fjölda mannslífa á sam-
viskunni?“ sagði heimildarmaður The Sun en
leiðir jafnframt að því líkur að fari Harry
verði það mikill álitshnekkir fyrir stríðsrekst-
urinn í Írak.
The Sun hefur eftir háttsettum aðilum innan
hersins að hryðjuverkahópar séu þegar farnir
að dreifa myndum til sinna manna og að ein-
hverjir hafi hótað að ræna prinsinum til að
skera af honum eyrun. Harry vill hins vegar
sjálfur ólmur komast á vígvöllinn enda þjálf-
aður til að stjórna ellefu manna skriðdreka-
deild. Ef honum yrði hins vegar skellt fyrir
aftan skrifborð í Bagdad yrði það mikið áfall
fyrir hann og feril prinsins innan hersins.
Það vakti mikla athygli á sínum tíma þegar
greint var frá því að Harry myndi halda til
Íraks. Hann yrði þá fyrsti konungborni ein-
staklingurinn sem tæki virkan þátt í land-
hernaði en Andrew prins flaug herþotum í
Falklandseyjastríðinu. Talsmaður breska
hersins vildi lítið láta hafa eftir sér vegna
málsins og sagði: „Við erum alltaf að skoða
ferð Harrys prins.“
Harry ekki með skotleyfi í Írak
Kyrrahafsstemning ríkti
á Nordica á miðvikudags-
kvöldið þegar B&L kynnti
nýjan BMW X5 lúxusjeppa
fyrir viðskiptavinum sínum
og öðrum boðsgestum. Mál-
verk Pauls Gauguin, pálma-
blöð og úrvals tónlistarfólk
lögðust á eitt til að skapa
blómstrandi stemningu,
eins og myndirnar sýna.
Leikarinn Hugh Grant hefur verið
handtekinn fyrir að hafa ráðist á
ljósmyndara skammt frá heim-
ili sínu í London og kastað í hann
dós með bökuðum baunum. Grant,
sem er 46 ára, var sleppt eftir að
hann greiddi lausnarfé.
Að sögn ljósmyndarans spark-
aði Grant í hann áður en hann
kastaði matnum í hann og kallaði
hann og börnin hans öllum illum
nöfnum. Grant gaf sig fram við
lögregluna í Notting Hill þar sem
hann var handtekinn og yfirheyrð-
ur. Hann þarf að mæta aftur í yfir-
heyrslur eftir mánuð.
Grant, sem virðist vera orðinn
leiður á ágangi ljósmyndara, var
á sínum tíma handtekinn fyrir
viðskipti sín við vændiskonuna
Divine Brown í Hollywood árið
1995.
Hugh Grant
handtekinn