Fréttablaðið - 27.04.2007, Blaðsíða 40
BLS. 8 | sirkus | 27. APRÍL 2007
Þorgerður Katrín Gunnars-
dóttir menntamálaráðherra er
41 árs gömul. Hún er gift
handboltahetjunni og banka-
manninum Kristjáni Arasyni.
Saman eiga þau hjónin þrjú
börn, Gunnar Ara 11 ára,
Gísla Þorgeir 7 ára og Katrínu
Erlu sem verður 4 ára í júlí.
Þrátt fyrir afar erilsamt starf
nær Þorgerður Katrín að
sameina það fjölskyldulífinu
þótt hún kysi oft að hafa meiri
tíma, bæði fyrir börnin og
eiginmanninn.
Þ að er hjá okkur eins og flestum öðrum nútímafjöl-skyldum að lífið er endalaust
en skemmtilegt púsluspil. Til dæmis
á milli fimm og átta eins og margir
þekkja og líka á kvöldin. Það þarf að
redda barnapíu ef við erum að vinna
fram eftir því maðurinn minn er líka í
mjög krefjandi vinnu hjá Kaupþingi
og er mikið erlendis. Það þarf að
púsla þessu öllu og það hefur gengið
vel. Mér finnst líka mikilvægt að ég
sýni að þetta sé hægt því við viljum
hafa konur á öllum aldri í stjórnmál-
um, konur sem eiga ung börn sem og
barnlausar konur. Við verðum að
sýna að þetta er gerlegt þótt þetta sé
stundum ansi mikið,“ segir mennta-
málaráðherrann Þorgerður Katrín
Gunnarsdóttir um galdurinn við að
sameina krefjandi vinnu og stórt
heimili.
Tímaleysið háir mér mest
„Ég hef sagt það áður í viðtölum að
það er tímaleysið sem háir mér mest.
Ég myndi vilja hafa meiri tíma,
sérstaklega tíma með fjölskyldunni.
Það er þetta stanslausa stríð við
samviskubitið sem ég hef glímt við en
ég er eiginlega komin yfir það. Í það
minnsta stundum. Ég horfi á börnin
mín og þeim líður vel. Við knúsumst
alltaf, náum að fíflast og tala saman.
Það eru glöð og sátt.
Ég reyni að leggja áherslu á það
um helgar að ef ég er einhvers staðar
að vinna annan daginn þá er ég laus
hinn daginn. Og er orðin nokkuð
grimm á föstudagskvöldin. Ef það eru
frumsýningar eða eitthvað annað þá
afþakka ég boð á slíkt. Þetta eru
svona fjölskyldukvöld. Það eru allir
saman og kannski pöntuð pitsa. Við
reynum að hafa þetta svona. Það er
auðvitað oft þannig í mínu starfi að
þegar ég vakna á morgana þá veit ég
ekki hvernig dagurinn verður. Það
eru auðvitað fastir punktar en síðan
er ýmislegt sem kemur upp sem þarf
að bregðast eða verða við. Ég er
stundum komin heim klukkan sex,
stundum átta og einstaka sinnum
enn seinna. Þá reynir á skipulagning-
una.“
En hver eldar?
„Ég elda. Ég ætla að vona það að ég
sé betri kokkur en Kristján. Hann er
þó einn allra besti grillari sem ég hef
kynnst. Honum fer reyndar mjög
fram í eldhúsinu en sumarið er
kannski hans tími. Mér finnst nú
reyndar þessi grillmennska stundum
ofmetin því það er ekki síður mikil
vinna að búa til allt í kringum
blessaðan grillmatinn. En hann hefur
oft sagt mér að þetta snúist um
tilfinninguna, að halda safanum inni
í kjötinu,“ segir Þorgerður Katrín og
hlær dátt.
Lítill tími í lærdóm
Það verður ekki undan því vikist að
spyrja sjálfan ráðherra menntamála
hvort hún hafi mikinn tíma til að
læra með börnum sínum?
„Ég er ekki nógu dugleg. Það er
eiginlega syndsamlega lítill tími sem
ég get eytt með strákunum við
lærdóm. Kristján hefur verið með
það á sínum herðum. Ég geri eins og
ég get þegar ég er heima en strákarn-
ir eiga að læra um leið og þeir koma
heim úr skólanum og þá er ég yfirleitt
ekki komin heim. Síðan reyni ég að
hlýða þeim yfir námsefnið og fylgjast
vel með en ég myndi gjarnan vilja
hafa meiri tíma fyrir lærdóminn
þeirra. Ég reyni að lesa mikið fyrir
þau. Það skiptir miklu máli að lesið
sé fyrir börnin.
Þeir finna það að ef ég verð ekki í
ríkisstjórn næst þá hef ég meiri tíma
þannig að þetta er bara tækifæri fyrir
mig hvernig sem kosningarnar fara.
Það væri virkilega gaman ef
kosningarnar ganga vel og við
sjálfstæðismenn verðum áfram í
ríkisstjórn. Ef ekki þá opnast ný
tækifæri og þótt ég telji mig vita að
það sé mikil vinna að vera í stjórnar-
andstöðu þá er ekki loku fyrir það
skotið að ég fái meiri tíma með
fjölskyldunni,“ segir Þorgerður
Katrín.
Tölum saman og þegjum saman
Þorgerður Katrín og Kristján hafa
verið saman frá því að þau voru
unglingar en hvernig fara þau að því
að viðhalda neistanum í hjónaband-
inu eftir öll þessi ár?
„Við reynum að eyða sem mestum
tíma saman. Við eldum mat saman
og förum í sveitina. Það besta er að
hafa stundum ekkert fyrir stafni, vera
bara tvö ein með börnin. Það er
eiginlega best og það verður ákveðin
endurnýjun í kyrrðinni í sveitinni.
Síðan reynum við að nota tækifærið
og skella okkur utan saman þótt það
sé ekki nema í tvo daga kannski. Það
er alveg ómetanlegt því þótt börnin
séu yndisleg þá er það með okkur
eins og önnur hjón að við þurfum
okkar svigrúm, aðeins andrými frá
þessu fjölskylduálagi og ábyrgð, og
tíma ein saman. Það er afskaplega
gefandi að vera tvö ein, tala saman
og þegja saman. Mér finnst gott að
vera í þögninni og lesa. Síðan erum
við með hesta þótt það það sé nú
meira í orði þessa dagana því ég hef
varla náð að komast í hesthúsið í
vetur. Hestarnir eru yndislegir og ein
bestu ferðalögin sem við förum í eru
hestaferðir,“ segir Þorgerður.
Verðum að lifa eðlilegu lífi
Hún segist hafa vitað af því að hún
myndi fá gagnrýni á sig fyrir að fara
til Kaupmannahafnar á tónleika
Sálarinnar og Stuðmanna í síðustu
viku í stað þess að standa vaktina
heima í kosningabaráttunni.
„Ég var búin að ákveða þessa ferð
til Kaupmannahafnar fyrir löngu. Við
hjónin erum í vinahópi sem
samanstendur af gömlum leikmönn-
um úr FH í handboltanum og
eiginkonum þeirra og við vorum
alltaf að tala um það að við yrðum að
fara að hittast. Hópurinn var ekki
búinn að hittast lengi vegna
tímaskorts þannig að við konurnar
tókum okkur til og gáfum öllum
mönnunum okkar þessa ferð í
jólagjöf. Ég vissi að kosningabaráttan
yrði byrjuð en ákvað bara að
hagræða því. Auðvitað er leiðinlegt
að hafa misst af þættinum á Stöð 2
en þar er verið að gera frábæra hluti
en ég hef alltaf verið talsmaður þess
að sýna breiddina. Bjarni er
náttúrlega mjög öflugur og stóð sig
frábærlega. Þar fyrir utan hefði ég
aldrei verið reiðubúin til að gefa
þetta eftir. Þetta var ferð með vinum
og mínum manni og þótt ég vissi að
ég myndi fá gagnrýni á mig út af því
þá var ég ákveðin í því að brynja mig
gegn slíku. Það er líka svo merkilegt
að einn poppari sem var þarna úti
spurði hvað hefði verið sagt ef ég
hefði verið að fylgja Sinfóníuhljóm-
sveitinni? En af því að þetta voru
Sálin og Stuðmenn þá þótti það ekki
nægilega fínt. Þessi ferð var hluti af
því lífi sem við Kristján eigum saman
og verðum að passa upp á.“
Og Kristján fær aldrei nóg af
krefjandi starfi konu sinnar?
„Nei, Kristján er keppnismaður og
nýtur þess að sjá mig í þessari
baráttu. Öll hvatningin sem ég fæ frá
honum er ómetanleg. Hann er líka
minn besti ráðgjafi. Hann stendur
eins og klettur við bakið á mér og
hefur gefið mér ómetanleg ráð í erfið-
um málum. Síðan er hann maðurinn
sem er svo gott að halda í höndina á
þegar eitthvað hefur ekki farið eins
og maður vonaðist til,“ segir
Þorgerður Katrín.
Kennaraverkfallið erfiðast
Og talandi um erfiða tíma. Hvað er
það erfiðasta sem Þorgerður Katrín
hefur staðið frammi fyrir í starfi sínu
sem menntamálaráðherra?
„Kennaraverkfallið haustið 2004
var erfiður tími fyrir allt samfélagið.
Mér fannst óskaplega sárt að horfa
ÞORGERÐUR KATRÍN GUNNARSDÓTTIR ER MAMMA, EIGINKONA OG MENNTAMÁLARÁÐHERRA
LÍFIÐ ER SKEMMTILEGT PÚSLUSPIL
TÍMALEYSI Þorgerður Katrín vildi gjarnan hafa meiri tíma með dóttur sinni Katrínu Önnu og strákunum sínum tveimur, Gunnari Ara og Gísla Þorgeiri. SIRKUSMYND/VALLI
FRAMHALD Á SÍÐU 10 >>
NÝJA HEIMILIÐ Fjölskyldan mun flytja í þetta glæsilega hús í Mávahrauni í haust. Öll börnin fá þá sérherbergi.OF ÞRÖNGT Þótt fjölskyldunni líði vel á Tjarnarbrautinni þá er of þröngt um hana þar.
„ÞAÐ ER ÞETTA STANSLAUSA STRÍÐ VIÐ SAMVISKU-
BITIÐ SEM ÉG HEF GLÍMT VIÐ EN ÉG ER EIGINLEGA
KOMIN YFIR ÞAÐ.“