Fréttablaðið - 27.04.2007, Qupperneq 38

BLS. 6 | sirkus | 27. APRÍL 2007
MARÍA SIGRÚN HILMARSDÓTTIR FRÉTTAMAÐUR ER ALLTAF GLÆSILEG TIL FARA
Pils og hælaskór gera
veröldina fallegri
BIKINI „Bikiníið er úr
H&M og er með
flottar pallíettur. Þetta
verður vonandi mikið
á sundlaugarbakkan-
um í sumar.“
UPPÁHALDS
BUXURNAR
„Buxurnar eru
frá FCUK. Ég á
nokkrar svona,
mismunandi að
lit. Ég er svo
ánægð með
sniðið.“
SUMARKJÓLL Kjólinn
keypti María fyrir
brúðkaup. „Ég vona að ég
fái fleiri tækifæri til að
klæðast honum.“
SLAUFUKJÓLL
„Þessi er úr
Karen Millen.
Smekkmaður
valdi og hitti
beint í mark.“
MEÐ SKÓDELLU „Skórnir eru
héðan og þaðan og frá flestum
heimshornum í raun. Ég er með
meðvitaða skódellu eins og svo
margar stúlkur.“
GULLVESKI
„Úr TopShop
minnir mig.
Komið nokkuð
til ára sinna.
Fínt í
kokteilboð.“
MYNDIR VILHELM
Ég hef mátulega mikinn áhuga á tísku en finnst ég hafa dregist svolítið aftur úr upp á
síðkastið. Er ekki alveg „up to date“
eins og sagt er,“ segir María Sigrún
Hilmarsdóttir, fréttamaður á
Sjónvarpinu, sem vakið hefur
athygli fyrir glæsileika á skjánum.
„Ég hef samt áhuga á fallegum
fötum en ekki endilega tískufötum.
Stundum finnst mér ég eiga tvo
fulla skápa af engu til að fara í,“
segir María og tekur undir að
smekkur hennar hafi breyst með
aldrinum. „Já og sem betur fer.
Annars ætti ég yfir höfði mér sektir
frá umhverfisráði fyrir sjónmengun.
Ég er orðin miklu praktískari en ég
var þegar ég vel mér föt og læt
skynsemina ráða för.“
Þegar María Sigrún er beðin um
að lýsa fatasmekk sínum segir hún
hann heldur einfaldan. „Með vott af
væmni kannski. Ég á mikið af
pastellituðu. Mér finnst gaman af
kvenlegum dragtarjökkum úr ull í
anda sjötta áratugarins og klæðist
þeim gjarnan við gallabuxur þegar
ég er í vinnunni. Í frístundum ráða
þægindin ferðinni og stundum
klæðist ég nokkurs skonar náttbux-
um heilu dagana og bol við ef ég
kemst upp með það.“
María segir Íslendinga framarlega
í tískunni en vildi að sumar konur
myndu leggja gallabuxunum og
flíspeysunni. „Og draga heldur fram
pilsin og hælaskóna. Þá yrði
veröldin enn fegurri en hún er,“ segir
hún brosandi og bætir við að hún
hlakki til sumarsins. „Þetta er í
fyrsta sinn sem ég á rétt á sumarfríi.
Ég hef alltaf verið í skóla og unnið á
sumrin. Ég ætla að taka nokkrar
vikur í endalausri dagsbirtu í júní og
svo restina í haust. Þá hyggst ég
brjóta upp skammdegið með
sólarlandaferð,“ segir hún en bætir
við að útilegur séu ekki fyrir hana.
„Það fer mér ekkert sértaklega vel
að vera í tjaldi. Ég er meira fyrir
fellihýsi og sumarbústaði.“
indiana@frettabladid.is