Fréttablaðið - 27.04.2007, Blaðsíða 46

fréttablaðið fákar og fólk 27. APRÍL 2007 FÖSTUDAGUR6
Feðginin Þórir og Sonja
stunda bæði nám við
hestadeild Hólaskóla, hann
á þriðja ári og hún á fyrsta.
Þórir Ísólfsson er aldursfor-
setinn í hrossadeild Hólaskóla.
„Mér skilst á kunnugum að ég
sé sá elsti sem hef innritast í
þetta nám,“ segir Þórir glað-
lega. Þótt þetta sé hans fyrsta
ár í skólanum stundar hann
nám með nemum á þriðja ári.
„Tamningamenn með mikla
reynslu komast beint á þriðja
ár að undangengnum inntöku-
prófum,“ útskýrir Þórir sem
fór í prófin í haust og byrjaði
í skólanum eftir áramót. „Svo
klára ég í vor ef guð lofar,“
segir hann glettinn.
Þórir hefur starfað við
hestamennsku í árafjöld og
temur, þjálfar og ræktar hesta
á bæ sínum Lækjamóti í Víði-
dal í Húnavatnssýslu. Þrátt
fyrir mikla reynslu fannst
honum kominn tími á að læra
meira. „Hestamennskan er á
engan hátt ólík öðrum grein-
um. Mikil þróun hefur átt
sér stað og full þörf á endur-
menntun.“
Þórir segir fullt starf að
vera í skólanum enda um
krefjandi nám á háskólastigi
að ræða. Því býr hann á meðan
á Hólum hjá dóttur sinni
Sonju og kærastanum henn-
ar, en Sonja er sjálf á fyrsta
ári á hrossabraut Hólaskóla.
„Mér finnst indælt að vera í
sama skóla og Sonja. Við erum
nú ekki í sama bekk en í mjög
tengdu námi,“ segir Þórir en
námið og hestamennskan eru
mikið rædd á heimili þeirra
feðgina. „Ég bý vel að því að
eiga þau að enda þarf ég hjálp
við ýmislegt eftir svona langa
fjarveru frá skólabekk,“ segir
Þórir og hlær.
Þórir telur sig hafa lært
ótrúlega mikið á þeim tíma
sem hann hefur dvalið í skól-
anum og margt hafi komið sér
á óvart. „Hér byggist þjálf-
un hestanna upp á hugmynda-
fræði sem snýst að forsendum
hestsins og það hefur komið
mér á óvart hvað það virk-
ar gríðarlega vel. Þar sannast
máltækið „Betur vinnur vit en
strit,“ segir Þórir.
Honum þykir námið vel
skipulagt og kennararnir á
hrossaræktarbraut frábærir á
sínu sviði. „Það eru forréttindi
fyrir hestamenn, á hvaða aldri
sem þeir eru, að vera í þessu
námi.“ solveig@frettabladid.is
Feðginin saman
á skólabekk
Feðgin á Hólum. Þórir situr hér hryssu úr sinni ræktun, Rán frá Lækjamóti,
og Sonja situr Dagrós frá Stangarholti. FRÉTTABLAÐIÐ/SÓLRÚN HARÐARDÓTTIR
Hestafræði heitir ný sameiginleg námslína Landbún-
aðarháskólans á Hvanneyri og Háskólans á Hólum og
hefst kennsla í haust. „Námið brýtur blað í íslenskri
háskólasögu því þetta er í fyrsta sinn sem tveir há-
skólar bjóða upp á sameiginlega námsbraut þar sem
nemendur útskrifast með sameiginlega prófgráðu,“
segir Þorvaldur Kristjánsson, kennari á Hvanneyri.
Hann segir að undirbúningur hafi staðið yfir síðast-
liðið ár.
Námið er á BS-stigi og tekur þrjú ár. Fyrstu tvö
árin eru tekin á Hvanneyri og það síðasta á Hólum.
„Á Hvanneyri er námsefnið að mestu bóklegt og
byggist á raungreinum. Þar er grunnurinn lagður,“
útskýrir Þorvaldur sem sjálfur kennir hrossarækt og
kynbótafræði. Fyrsta árið byggist að mestu á búvís-
indabraut sem hefur verið við lýði í skólanum í ára-
raðir. „Þá eru einnig sérfög um búvísindi og bútækni,
fóðurverkun og kynbótafræði,“ segir Þorvaldur.
Eftir fyrstu vorönnina er haldið mánaðarnámskeið á
Hólum í reiðmennsku og sögu hestsins. Verður það
kennt á ensku og boðið sem valáfangi fyrir nemend-
ur erlendra skóla. Að öðru leyti verður lögð megin-
áherslan á sérhæfðar hestafræði-
greinar og reiðmennsku á þriðja
ári sem fram fer á Hólum.
Inntökuskilyrði í námið eru stúd-
entspróf og einnig þarf að þreyta
stöðupróf í reiðmennsku sem Þor-
valdur segir ekki mjög stíft. „Fólk
verður þó að hafa kynnst hestin-
um og hafa jafnvægið nokkurn
veginn í lagi. Við getum ekki tekið
fólk í þetta nám sem aldrei hefur
komið á hestbak.“
Ástæðan fyrir því að boðið er
upp á þetta nám er margþætt að
sögn Þorvaldar. „Í fyrsta lagi vild-
um við sameina krafta beggja stofnana og í öðru lagi
hefur áhuginn á íslenska hestinum aukist mikið bæði
hér á landi og erlendis,“ segir Þorvaldur. Búist er við
erlendum nemendum strax í haust. Þorvaldur segir
mikinn áhuga vera á náminu og hafi þó nokkrir sótt
um. Umsóknarfrestur rennur þó ekki út fyrr en í
byrjun júní.
BS-nám í hestafræðum
Þorvaldur Kristj-
ánsson, kennari á
Hvanneyri, segir
mikinn áhuga á
námi í hestafræð-
um.
Nemendur útskrifast með sam-
eiginlega gráðu frá Landbúnað-
arháskólanum á Hvanneyri og
Háskólanum á Hólum.
HNAKKAHÖNNUN verð-
ur til umræðu á fræðslufundi sem
haldinn verður hjá hestamanna-
félaginu Sörla í Hafnarfirði í kvöld
klukkan 19.00. Fyrirlesari er Kari Anne
frá Noregi sem er lærður hnakka-
formfræðingur frá Bretlandi. Hún
veit því hvernig hanna þarf hnakk
miðað við byggingu hestsins.
Allir eru velkomnir en að-
gangseyrir er 1.000 krónur.