Fréttablaðið - 27.04.2007, Blaðsíða 82

KR-ingurinn Brynjar
Þór Björnsson vann um síðustu
helgi sinn sjöunda stóra titil í
drengjaflokki á fjórum árum
þegar hann og félagar hans unnu
Keflavík 109-100 í úrslitaleik.
Leikmenn eru aðeins tvö ár í
flokknum en Brynjar spilaði tvö
ár í drengjaflokki áður en hann
gekk formlega upp í hann.
Það eru örugglega fáir búnir að
gleyma því þegar þriggja stiga
karfa Brynjars tryggði KR-ingum
framlengingu í oddaleik gegn
Snæfelli í undanúrslitunum Ice-
land Express-deildar karla. KR
vann leikinn og varð síðan Íslands-
meistari.
Í úrslitaleik drengjaflokks voru
það enn á ný hetjutilburðir Brynj-
ars sem sáu til þess að KR-ingar
urðu Íslandsmeistarar. Brynjar
hreinlega skaut sína menn aftur
inn í leikinn þegar leikurinn var
að flestra mati tapaður. Þegar að-
eins fimm mínútur voru eftir af
leiknum var KR-liðið komið 11
stigum undir, 88-77. Brynjar var
ekki á því að gefast upp og skoraði
fjóra þrista og alls 20 stig á síðustu
fimm mínútunum. Síðasta þriggja
stiga karfan kom rétt innan miðju
og tryggði KR framlengingu sem
liðið vann 13-4. Brynjar endaði
leikinn með 44 stig, 10 fráköst og
10 stoðsendingar.
Brynjar er því Íslandsmeistari
í bæði meistaraflokki og drengja-
flokki og í báðum tilfellum komu
KR-ingar á óvart og unnu titilinn á
lokasprettinum eftir að hafa verið
undir megnið af leiknum.
Brynjar er á sínu síðasta ári í
drengjaflokknum en hefur orðið
fjórum sinnum Íslandsmeistari og
þrisvar sinnum bikarmeistari. KR
vann alla sjö úrslitaleikina sem
hann spilaði í flokknum og í þeim
var þessi mikla skytta með 27,4
stig að meðtali auk þess að taka
10,1 fráköst, eiga 5,1 stoðsendingu
og stela 4,1 bolta í leik.
Ingi Þór Steinþórsson, þjálf-
ari KR-liðsins, var þarna að vinna
sinn fimmta titil með flokknum á
undanförnum sex árum.
Skoraði 20 stig á síðustu fimm mínútunum
Úrslitakeppni NBA-
deildarinnar í körfubolta er komin
á fullt og líkt og í fyrra hafa verið
óvænt úrslit í fyrstu leikjunum.
Fimm stjörnuleikmenn deildar-
innar eru mættir meðal annarra
í úrslitakeppnina til þess að sýna
það og sanna að þeirra tími geti
einnið runnið upp í maí og júní.
Þeir Steve Nash, Chris Webb-
er, Tracy McGrady, Yao Ming og
Vince Carter eiga allir það sam-
eiginlegt að vera í hópi stærstu
stjarna NBA-deildarinnar undan-
farin ár en enginn þeirra hefur
spilað leik í lokaúrslitum um tit-
ilinn.
Menn eins og Dirk Nowitzki,
Jason Kidd og Allen Iverson
standa þeim aðeins framar því
þótt þeir eigi engan meistarahring
hafa þeir spilað á stóra sviðinu,
Nowitzki með Dallas í fyrra, Kidd
tvisvar með New Jersey og Iver-
son með Philadelphia 2001.
Steve Nash hjá Phoenix hefur
kosinn besti leikmaður NBA-
deildarinnar undanfarin tvö ár.
Hann hefur þrisvar sinnum kom-
ist í úrslit vesturdeildarinnar, síð-
ustu tvö tímabil með Phoenix og
síðan vorið 2003 með Dallas, en
hann hefur aldrei fengið tækifæri
til þess að spila um meistaratitil-
inn. Suns-liðið hefur aldrei komið
sterkara til leiks en einmitt nú og
byrjunin á einvíginu gegn Lakers
gefur góð fyrirheit um að titil-
draumur Nash gæti ræst í ár.
Chris Webber, sem nú spilar
með Detroit, hefur líkt og Nash
setið eftir með sárt ennið í úrslit-
um Vesturdeildar. Webber komst
næst því að spila um titilinn vorið
2002 þegar Sacramento Kings
tapaði í sjöunda leik á móti La-
kers í úrslitaeinvígi vesturdeild-
ar. Lakers vann síðan úrslitaein-
vígið 4-0 á móti New Jersey Nets.
Webber hefur spilað 64 leiki í úr-
slitakeppninni með Golden State,
Washington, Sacramento og Phila-
delphia. Webber er nú kominn til
Detroit Pistons, sem hefur besta
árangurinn í Austurdeildinni og
er líklegt til að fara alla leið í úr-
slitin.
Tracy McGrady og Yao Ming
hefur mistekist að koma Houston
Rockets upp úr fyrstu umferð úr-
slitakeppninnar undanfarin ár og
tími þeirra saman hefur einkennst
af meiðslum á meiðsl ofan. Nú
líta málin vel út fyrir þá félaga,
Houston vann tvo fyrstu leikina
gegn Utah og það stefnir í að eytt
öflugasta tvíeyki deildarinnar fari
loksins að skila einhverjum ár-
angri í úrslitakeppninni.
Það er enginn einbeittari í að slá
út Toronto en einmitt Vince Carter
hjá New Jersey Nets. Carter stakk
af frá Toronto þar sem hann vildi
komast til liðs sem ætti mögu-
leika á að vinna eitthvað. Dvöl
hans í New Jersey hefur skilað
litlu og það væri sárt fyrir hann
að horfa upp á sitt fyrra lið enda
enn einn úrslitakeppnisdrauminn.
Það hafa aðeins fjórir leikmenn
skorað fleiri stig að meðaltali í
úrslitakeppninni (27,3) en hann
á enn eftir að komast lengra en í
gegnum fyrstu umferð. Nets-liðið
stal heimavallarréttinum í fyrstu
tveimur leikjunum í Kanada og
hefur alla möguleika til þess að
komast áfram.
Allir þessir leikmenn eru komn-
ir á seinni hluta sína ferils, þeir
hafa sannað sig sem leikmenn
en eiga eftir að sanna sig sem
sigurvegarar. Það er löngu sann-
að að leikmenn komast aldrei í
heldri manna tölu í NBA-deildinni
fyrr en þeir fara alla leið í úrslita-
keppninni.
Margar stórstjörnur NBA-deildinnar spila oft mjög fáa leiki á sínum ferli í maí- og júnímánuði. Fimm af
þeim dreymir nú um að bæta úr því í úrslitakeppni NBA-deildarinnar í ár og byrjunin lofar góðu.
Helgi Már Magnússon
og félagar hans í BC Boncourt
eru komnir í undanúrslitin í bar-
áttunni um svissneska meistara-
titilinn.
Helgi Már átti sinn besta leik
í seríunni þegar Boncourt vann
BBC Monthey 77-60 í oddaleik um
sæti í undanúrslitunum gegn Ben-
etton Fribourg Olympic. Helgi
Már skoraði alls 16 stig í leikn-
um sem er tvöfalt meira en hann
skoraði að meðaltali í fyrstu fjór-
um leikjunum, og var því sannar-
lega bestur þegar mest á reyndi.
Mótherjar Helga og félaga í
undanúrslitunum eru gríðarlega
sterkir. Þeir eru handhafar allra
titla í svissneska boltanum og
hafa aðeins tapað tveimur leikj-
um á öllu tímabilinu.
Helgi og félagar
í undanúrslit
Niðurstaða vetrarins er
söguleg fyrir körfuboltann í höf-
uðborginni því í fyrsta sinn síðan
úrslitakeppnin var tekin upp eru
bæði Íslands- og bikarmeistaratit-
ilinn í höndum félaga úr borginni.
Samfeld sigurganga Suðurnesja-
liða er enn fremur á enda.
Vilhjálmur Þ. Vilhjálmsson
borgarstjóri bauð til móttöku í
Höfða í gær til að fagna Íslands-
meisturum KR og bikarmeisturum
ÍR. Báðir stóru titlarnir í körfunni
eru í höfuðborginni í fyrsta sinn
í 24 ár. Það gerðist síðast vetur-
inn 1982 til 1983 þegar Valsmenn
unnu tvöfalt. Það er enn lengra
síðan bikararnir voru í höndum
tveggja höfuðborgarfélaga því
árið 1978 vann KR Íslandsmeist-
aratitilinn og ÍS tók bikarmeist-
aratitilinn. Í millitíðinni höfðu
Valsmenn (1980) og KR-ingar
(1979) unnið tvöfalt.
KR og ÍR eru tvö af sigursæl-
ustu félögum í sögu íslenska
körfuboltans en stærsti hluti titla
félaganna kom á sjöunda og átt-
unda áratugnum. ÍR-ingar hafa
unnið flesta Íslandsmeistaratitla
allra félaga eða fimmtán og ekk-
ert félag hefur orðið bikarmeist-
ari oftar en KR en Vesturbæingar
hafa tekið bikarinn ellefu sinnum.
Suðurnesin hafa verið Mekka
körfuboltans undanfarin ár en
að þessu sinni fór enginn stór
titil þangað, hvorki í karla- né
kvennaflokki. Það gerðist síð-
ast árið 1983, þannig að um leið
og höfuðborgarliðin enda langa
bið eru þetta ákveðin kaflaskipti
fyrir lið Njarðvíkur, Keflavíkur
og Grindavíkur.
Sögulegur vetur hjá Reykjavíkurliðunum
Monta Ellis, bakvörð-
ur Golden State, er sá leikmaður
sem bætti sig mest í NBA-deild-
inni. Ellis fékk þremur atkvæð-
um fleira en Kevin Martin hjá
Sacramento og er þetta jafnasta
kosning sögunnar.
Ellis skoraði 16,5 stig (6,8
í fyrra), gaf 4,1 stoðsendingu
(1,6) og tók 3,2 fráköst (2,1) að
meðaltali í vetur. Martin bætti
stigaskor sitt frá 10,8 stigum í
fyrra upp í 20,2 stig í vetur. Ellis
er á sínu öðru ári í deildinni en
hann sleppti því að fara í háskóla
og var valinn númer 40 í nýliða-
valinu 2005.
Monta Ellis
bætti sig mest
Björn Ingi Hrafnsson,
formaður borgarráðs og ÍTR, til-
kynnti það í boði borgarstjórnar
Reykjavíkur fyrir Íslandsmeist-
ara KR og bikarmeistara ÍR í
gær, að borgin ætlaði að byggja
nokkra nýja útikörfuboltavelli á
höfuðborgarsvæðinu. Þetta verða
svipaðir vellir og þeir sem eru við
Holtaskóla í Reykjanesbæ.
Björn Ingi sagði að mikill áhugi
væri fyrir körfuknattleik í land-
inu um þessar mundir og að
Reykjavíkurborg fyndi fyrir mik-
illi uppsveiflu íþróttarinnar.
Í boðinu kom einnig fram að
parkett yrði sett í DHL-höll KR-
inga í sumar og að í framtíðinni
myndu ný íþróttahús sem borg-
in byggir verða með parkettgólfi.
Til stendur að byggja nýtt og
glæsilegt íþróttahús í Mjóddinni
sem ÍR-ingar munu hafa afnot
af og þar hefur verið ákveðið að
hafa parkett.
Nýir útivellir