Fréttablaðið - 16.06.2007, Page 40

hús&heimili
Stofnendur Muuto, þeir Peter
Bonnén og Kristian Byrge, eru
metnaðarfullir menn. Þeir ákváðu
að til þess að hefja nýjan kafla í
skandinavískri hönnun þyrftu þeir
að fá björtustu vonir hönnunar á
Norðurlöndunum til liðs við sig.
Þeir völdu því hönnuði frá Svíþjóð,
Noregi, Finnlandi og Danmörku
og gáfu þeim frelsi og innblástur
til að tjá sig í gegnum hönnun sína.
Með þessu fær Muuto mikla fjöl-
breytni í fyrirtækið.
Ein af megináherslum Muuto er
að hanna venjulega hluti sem eru
svo gerðir sérstakir með nýjum
og ferskum sjónarmiðum. Finnska
orðið Muutos, sem nafn fyrirtæk-
isins er dregið af, þýðir einmitt
nýtt sjónarmið á íslensku.
Bonnén og Byrge hafa lagt
mikið á sig til þess að fá hönnun
fyrirtækisins selda í bestu hönn-
unarverslunum heims. Fyrstu
hlutirnir komu í búðir árið 2006
og var það hönnun frá Norway
Says, Claesson Koivisto Rune,
Harri Koskinen og Louise Camp-
bell. Um þessar mundir starfa ell-
efu hönnuðir og hönnunarteymi
hjá Muuto.
thorunn@frettabladid.is
Ný og fersk hönnun
Muuto er danskt hönnunarfyrirtæki með aðsetur í Kaupmannahöfn sem hefur það mark-
mið að skapa nýja gullöld í skandinavískri hönnun.
Skál eftir Ole
Jensen. Hægt
er að skipta
henni í þrennt
og aðskilja
til dæmis
grænmeti frá
ávöxtum.
Hilla eftir Pil Brehdal. Hægt er að taka þessa skemmtilegu hillu í sundur og raða
hringjunum hverjum inn í annan.
Blómavasi eftir Matti Klenell sem getur
einnig staðið sem skúlptúr án blóma.
Mjög sérstök karafla frá Norway Says.
KASPER SALTO er hönnuður Ice-línunnar. Hann út-
skrifaðist árið 1994 úr Danska hönnunarskólanum í Kaup-
mannahöfn.
Verk Salto bera keim af hefðbundinni skandínavískri
hönnun í bland við alþjóðlega iðnhönnun. Í Ice-seríu
Salto má fá borð, hliðarborð, barstóla, stóla og lítið borð
sem hann kallar Litla vin, eða Little Friend, en það hentar
vel fyrir fartölvur.
www.fritzhansen.com
hönnuður
16. JÚNÍ 2007 LAUGARDAGUR4