Fréttablaðið - 13.07.2007, Page 49

Kl. 19.00
Sýningaropnun á Korpúlfsstöðum.
Verkefnið „Alien Structure in Urban
Landscape” er samvinnuverkefni níu
listamanna frá Reykjavík, Hamborg
og Prag sem staðið hefur síðastliðin
þrjú ár. Útkoman er fjölbreytt,
innsetning ljósmynda, kvikmynda,
teikninga, málverka og rýmisverka
sem miða að því að varpa ljósi á hið
ókunna og sérkennilega í menningu
borgarinnar. Þeim sem leið eiga fram
hjá Korpúlfsstöðum er því boðið á
fjölbreytta og nýstarlega sýn á
menningu og umhverfi Reykjavíkur,
Prag og Hamborgar um helgina.
Árlega djasshátíðin Jazz
undir fjöllum fer fram í
fjórða skiptið á Skógum á
morgun. Sigurður Flosason,
listrænn stjórnandi hátíð-
arinnar frá upphafi, segir
hana hafa fengið afar góðar
viðtökur á liðnum árum.
„Jazz undir fjöllum er skemmti-
legur menningarviðburður í fal-
legu umhverfi. Það er ekkert allt
of mikið af tónlistarhátíðum á Suð-
urlandi, svo hún er kærkomin við-
bót í flóruna,“ sagði Sigurður, sem
vonast til að fá gesti sem víðast að.
„Fólk sem á leið um þjóðveginn
kíkir væntanlega inn yfir daginn,
og svo koma einhverjir sem
staldra yfir nótt. Veðurspáin fyrir
svæðið er góð, það skemmir ekki.
En við viljum líka sjá fólk úr nær-
liggjandi sveitum og sýslum. Við
viljum ekki síður skemmta því,“
sagði hann.
Í ár fer hátíðin fram á einum degi,
þegar fimmtán tónlistarmenn
koma fram á sex tónleikum.
„Formið á þessu hefur nú reyndar
aldrei verið eins. Við höfum bæði
haft tveggja og þriggja daga pró-
gramm, en ætlum að prófa að hafa
þetta á einum degi í ár. Við verð-
um með tónleika frá eitt um dag-
inn og nánast til miðnættis, að
undanskildu smá kvöldverðar-
hléi,“ útskýrði Sigurður.
Fyrir kvöldverðarhlé leika ungir
og efnilegir tónlistarmenn tónlist
sína í kaffiteríu Byggðasafnsins á
Skógum. Á kvöldtónleikunum stíg-
ur svo Tríó Björns Thoroddsens á
stokk ásamt gestunum Andreu
Gylfadóttur og Halldóri Braga-
syni. „Þetta er mjög breiður hópur
listamanna. Yfir daginn er þetta
yngra fólk og upprennandi, þeir
yngstu eru að ljúka námi við FÍH á
næstunni og aðrir eru tiltölulega
nýkomnir heim úr námi úti,“ sagði
Sigurður.
Ívar Guðmundsson og hljómsveit
halda minningartónleika um
trompetleikarann Viðar Alfreðs-
son klukkan 15. „Viðar, sem var
frábær trompetleikari, átti ættir
að rekja til Eyjafjalla og hljóðfæri
hans eru geymd þarna á safninu.
Við vorum með minningartónleika
á fyrstu hátíðinni og datt núna í
hug að gera þetta að árlegum við-
burði,“ útskýrði Sigurður.
Hátíðin hefst klukkan 13 á morg-
un og lýkur um miðnætti. Inn á
kvöldtónleikana er aðgangseyrir
1.500 krónur.
Í gær opnaði Magnús Páls-
son athyglisverða sýningu í
Galleríinu i8 á Klapparstíg
33. Sýningin mun standa til
18. ágúst næstkomandi og
ber yfirskriftina Minning
Þórarins Nefjólfssonar.
„Frá unga aldri hefur setið
í mér sagan af Þórarni og
viðskiptum hans við Nor-
egskonung,“ segir Magnús.
„Fyrr á árum gerði ég iðu-
lega myndlistarverk í minn-
ingu persóna, atburða og
fyrirbæra. Þar á meðal eru
t.d. Minning Njálsbrennu,
Minning Írafells-Móra og
Minning fjallaþokunnar.
Ég leyfi mér nú að bæta
enn einni minningunni við,
nefnilega Minningu Þórar-
ins Nefjólfssonar.“
Á sýningunni sýnir Magnús
skúlptúra og myndbönd. „Nýlega
var ég spurður hvers vegna
menningararfinn bæri svo oft
fyrir í verkum mínum. Ég mun
hafa svarað því sem svo að þetta
væri ekki með ráðum gert held-
ur sé þessi arfur svo ríkur þátt-
ur í allri minni tilvist og vitund-
arlífi að hann þrengi sér óboðinn
inn í verk mín og framkvæmdir.
Þessa skýringu endurtek ég
gjarnan nú.“
Samtímis sýningu Magnúsar
mun Unnur Mjöll S. Leifsdóttir
sýna verk sitt Með hundshaus
undir stiganum. Unnur stundaði
nám í myndlist við Hunter Coll-
ege í New York og Listaháskóla
Íslands en þaðan útskrifaðist
hún árið 2005 með BA-gráðu frá
myndlistardeild. Unnur Mjöll
hefur skapað sér og list sinni
vettvang bæði í New York og
Seoul. Hún hefur einnig sýnt
reglulega á Íslandi m.a. í Nýlista-
safninu, Gallery Kling og Bang
og Gallery Suð Suð Vestur.
Gallerí i8 er opið þriðjudaga-
föstudaga frá kl. 11-17 og á laug-
ardögum frá kl. 13-17.
Tónlistarkonan Kira Kira heldur
tónleika í 12 tónum í dag en hún
er nýkomin úr löngu tónleika-
ferðalagi. Túrinn hófst í Helsinki
þar sem Kira Kira tók upp plöt-
una Our Map to the Monster
Olympics í hljóðveri Samuli Kos-
minen á eynni Suomenlinna.
Hljómsveitin hélt nokkra tón-
leika í Helsinki og eina í Stokk-
hólmi. Þá hélt hún til Bandaríkj-
anna með New York sveitinni
Mice Parade og söngvaskáldinu
Tom Brosseau. Á fimmtudaginn
kom Kira Kira svo fram í Iðnó og
nú er komið að 12 tónum. Tónleik-
arnir hefjast klukkan fimm og
allir eru velkomnir.
Kira Kira í 12 tónum
Klassískar perlur á Gljúfrasteini
Sýningar haustsins komnar í sölu á netinu!
Miðasala á netinu!
www.leikhusid.is