Fréttablaðið - 26.07.2007, Blaðsíða 36

26. JÚLÍ 2007 FIMMTUDAGUR4 fréttablaðið ísmót
Jónína S. Snorradóttir, hár-
greiðslumeistari á Höfuð-
lausnum, er formaður undir-
búningsnefndar fyrir keppni
í hársnyrtingu á ÍSMÓT. Hún
segir það mjög spennandi að
sjá hvað hárgreiðslufólki detti í
hug og sendi inn í keppnina.
„Fyrirkomulagið á keppninni er
þannig að fólk sendir inn mynd-
ir af hárgreiðslum og dómnefnd-
in, sem er skipuð fagdómurum,
velur það sem henni finnst flott-
ast. Auk þess verður netkosning
á mbl.is sem gildir þrjátíu pró-
sent á móti dómnefndinni,“ segir
Jónína og bætir því við að það sé
allt í gangi í hárgreiðslunum svo
það sé bara spurning hvað hár-
greiðslufólki detti í hug og hvað
því finnist eiga að vera í tísku í
vetur. „Línan fyrir veturinn er oft
þannig að litirnir verða mýkri og
jarðtónar ríkjandi, þannig að það
er líklegt að litirnir verði í þeim
dúr. Þetta er samt alveg opið og
verður bara spennandi að sjá
hvað fólkinu dettur í hug.“
Í hárgreiðslukeppninni verð-
ur valinn hársnyrtir ársins, ung-
liði ársins, listsköpun í hári og
stofa ársins en allir sem taka þátt
verða að vera innan Samtaka iðn-
aðarins. „Það er nýbúið að velja
hársnyrti ársins í Svíþjóð og það
má segja að við höfum þá keppni
sem fyrirmynd að keppninni
hjá okkur. Við Íslendingar erum
þekktir fyrir að vera mjög fram-
arlega í hárgreiðslunni og erum
mjög snöggir að taka upp það
sem er nýtt,“ segir Jónína. „Síðan
verður stofu ársins boðið að fara
á Global Salon Awards í Holly-
wood. Það er mjög stór keppni og
viðburður sem má líkja við Ósk-
arsverðlaunahátíðina. Sú keppni
verður haldin á næsta ári og
Meistarafélagið í hárgreiðslu og
Samtök iðnaðarins munu aðstoða
sigurvegarann hér heima við að
fylla út allar þær skýrslur sem
þarf til að taka þátt í keppninni,“
bætir hún við en þegar hafa fjór-
ar íslenskar stofur unnið til verð-
launa og viðurkenninga á Global
Salon Awards hátíðinni.
„Síðan verður líka keppt í
Nordic Youth Skills á ÍSMÓT en
það er ný samnorræn keppni sem
fer fram á sviði. Þar er keppt í
fjórum greinum og gínur notaðar
sem módel. Þátttakendur í þess-
ari keppni eru 28 ára og yngri,
jafnt nemar sem lengra komn-
ir. Það verður einn keppandi frá
hverju Norðurlandi en fleiri frá
okkur þar sem við erum gest-
gjafar,“ segir Jónína og bætir því
við að sá Íslendingur sem vinnur
fái réttindi til að taka þátt í sams
konar keppni sem haldin verður
í Hollandi á næsta ári. „Þá munu
Samtök iðnaðarins og Meistara-
félagið að öllum líkindum kosta
ferðina fyrir sigurvegarann,“
segir Jónína.
sigridurh@frettabladid.is
Íslendingar snöggir að
tileinka sér nýjungar
Jónína S. Snorradóttir, hárgreiðslumeistari á Höfuðlausnum, er formaður undirbúningsnefndar fyrir keppni í hársnyrtingu á
ÍSMÓT. Hún er spennt að sjá hvaða hugmyndir hárgreiðslufólk hefur um hártískuna fyrir veturinn. FRÉTTABLAÐIÐ/ANTON
Séra Jóna Hrönn Bolladóttir var módel fyrir tísku-
teymi árið 2004 og fannst það ógurlega gaman. „Það
er ekki leiðinlegt að fá fólk til að hjálpa sér við að
punta sig,“ segir hún hlæjandi. „Þegar ég var beðin
um þetta sló ég strax til,“ bætir hún við.
„Ekki er allt fólk eins í laginu og heilmikið af
frjálslega vöxnum konum á Íslandi sem þurfa líka
að klæða sig og vera mjög fínar. Þess vegna fannst
mér svo góð hugmynd hjá þeim að biðja mig um að
vera með því ég fell ekki alveg í 90-60-90 hópinn,“
segir Jóna hlæjandi og bætir því við að þess vegna
hafi áskorunin líklega verið mest fyrir klæðskerann
í teyminu.
Jóna Hrönn fékk að eiga fötin og töskuna sem
hönnuð var fyrir hana og segist hún nota þetta ennþá.
„Kjóllinn er þannig að ég get bæði notað hann þegar
ég fer eitthvað spari og líka undir hempu eða ölbu
þannig að ég þarf þá ekkert endilega að vera í presta-
skyrtu,“ segir Jóna Hrönn og bætir því við að þar
sem hann sé úr svo fínu silki þá sjái ekki á honum
ennþá þrátt fyrir mikla notkun. - sig
Áskorun fyrir klæðskerann
Séra Jóna Hrönn Bolladóttir var stórglæsileg þegar tísku-
teymið var búið að punta hana upp og mynda hana fyrir
þremur árum. Kjólinn notar hún mikið enn í dag.
Global Salon Business Award verð-
ur haldin í þriðja sinn í Hollywood
dagana 7.-9. júní 2008. Hátíðin sam-
anstendur af sýningum, námskeið-
um og partíum fyrir þátttakendur
og þá sem tilnefndir eru til verð-
launa.
Aðstandendur hátíðarinnar lofa
þátttakendum frábærri upplifun
alla dagana og segja að enginn megi
missa af kokkteilboðinu sem verð-
ur í ekta Hollywood-stíl, sunnudags-
kvöldið 8. júní.
Hátíðinni lýkur svo kvöldið eftir á
glæsilegu galakvöldi þar sem rauði
dregillinn verður á sínum stað og
veittar viðurkenningar fyrir bestu
stofu ársins í heiminum.
Stofa ársins hér á landi verður
valin á ÍSMÓT 2007 og verður hún
tilnefnd til verðlauna á Global Salon
Business Award hátíðinni í Holly-
wood og því til mikils að vinna fyrir
þá stofu sem verður fyrir valinu hér
á landi hinn 2. september. -sig
Að hætti stjarnanna
Global Salon Business Awards í Holly-
wood, ÍSMÓT 2007
Löggild menntun snyrtifræðinga
tryggir þér fagmennsku í snyrtingu
og förðun og rétta og örugga
húðmeðferð.
Þú finnur snyrtifræðinga í Félagi
íslenskra snyrtifræðinga um land
allt á Meistarinn.is
Upplýsingar og skráning á www.si.is/ismot