Fréttablaðið - 08.11.2007, Blaðsíða 44

fréttablaðið farið á fjöll 8. NÓVEMBER 2007 FIMMTUDAGUR8
Þeir sem stunda haustveiðar
á hálendinu þurfa að undir-
búa sig vel fyrir brottför því
margt þarf að hafa í farteskinu.
Ekkert er þó eins dýrmætt og
dómgreindin.
Gustav Smári Guðmundsson er
einn þeirra sem iðka það að fara til
fjalla og leita uppi veiðibráð. Það
fer svo eftir tímabilum hvað er í
sigti hverju sinni.
Hann er ekkert áfjáður í viðtal
um þetta áhugamál sitt og þykist
ómögulegur talsmaður veiðimanna
en lætur til leiðast og svarar spurn-
ingum blaðamanns í léttum tón. Sú
fyrsta snýst um hvort einhvern
tíma hafi þurft að leita að honum.
„Nei, ég hef blessunarlega
sloppið við það. Þetta er nú oft-
ast spurning um að gera ekki ein-
hverja vitleysu. Um síðustu helgi
sá ég til dæmis jeppa keyra út á ís
sem ég hefði ekki einu sinni þorað
að labba út á. Það þurfti björgunar-
sveit til að ná honum upp.“
Gustav segir algera nauðsyn að
hafa GPS-staðsetningartæki með
sér í háfjallaferðum. „GPS kostar
bara einhvern þrjátíu þúsund kall
en þegar maður lendir í þoku og
dimmviðri getur verið lífsspurs-
mál að hafa það með.
Svo er líka lykilatriði að vera vel
klæddur og eins að vera á þokka-
legum bíl sem búinn er til vetrar-
aksturs því það er oft allt annað
veður til fjalla en á láglendi. Fólk
fer til dæmis ekkert á fólksbíl upp
á hálendið á þessum tíma. Númer
eitt er alltaf að láta skynsemina
ráða, hlusta á veðurspá áður en
lagt er af stað og fara ekki út í eitt-
hvað sem ekkert vit er í,“ segir
Gustav og meinar greinilega hvert
einasta orð.
Ekki kveðst Gustav vera með
talstöð á ferðum sínum en hins
vegar með MNT-síma. „Þeir verða
þó ekki nothæfir mikið lengur því
það er verið að leggja þá niður en
þá koma Tetra-gervihnattasímar
í staðinn. Þeir eru auðvitað miklu
dýrari.“
Eitt af öryggisatriðunum sem
Gustav nefnir er að fara ekki ein-
bíla langt inn á hálendið á þessum
árstíma.
„Menn verða að minnsta kosti
að vera mjög vel útbúnir ef menn
eru einir á ferð en best er að vera í
samfloti með öðrum. Ég var nýlega
á ferð með vel búnum breyttum
bíl á 38 tommu dekkjum með allar
græjur. Við þurftum að hleypa
úr dekkjunum í miklum snjó og
hálku því þannig varð bíllinn mun
stöðugri. En við vorum að mæta
miklu verr búnum bílum með full-
an þrýsting í dekkjunum.“
Gustav segir um að gera að
drífa sig heim af fjöllum ef farið
sé að þykkna upp og veður að ger-
ast válynd. „Um síðustu helgi var
einn í kringum mig í þoku uppi á
Lyngdalsheiði og hann var svo átta-
villtur að hann var kominn tvo kíló-
metra í þveröfuga átt við bílinn. Ég
náði símasambandi við hann og gat
gengið á hann. Svo rötuðum við
heim með hjálp GPS-staðsetningar-
tækjanna minna.“
Gustav þykir greinilega nóg
komið af heilræðum og segir hlæj-
andi í lokin: „Annars skaltu ekki
stilla mér upp sem sérfræðingi
um rjúpnaveiðar. Það gæfi ranga
mynd af mér.“
gun@frettabladid.is
Lykilatriði að ana ekki út í vitleysu
Gustav Smári er meiri veiðimaður en hann vill vera láta. Þessa mynd tók vinur hans Sigurður Jökull ljósmyndari af honum í einni
ferðinni.
Ýmsar hagnýtar upplýsingar um
notkun jeppa í snjó og á jöklum
má finna á vefsíðunni Snjójepp-
ar undir vefslóðinni www.mmed-
ia.is/gjjarn/sjeppar/.
Fyrst ber að nefna ítarlegar
upplýsingar um snjójeppadekk, í
þessu tilviki radial dekk sem eru
önnur tveggja dekkjategunda
sem eru í notkun, en hin gerðin er
diagonal dekk. Komið er inn á at-
riði eins og belgi, felgur, dekkja-
skurði og -stærð, hávaðamæl-
ingu, loftþrýsting og ýmsar að-
stæður sem geta átt þátt í að gera
dekk hættuleg.
Þá er fjallað um drif og drif-
lása og í því samhengi hvaða
lásar henta best jeppum. Drif og
hlutföll eru líka til umræðu og
hægt að nálgast á heimasíðunni
sérstakan reikni fyrir hlutföll í
jeppum.
Fjöðrun er enn fremur til um-
fjöllunar og leitast við að svara
spurningum eins og hvað sé
gott á vegum, hvað henti utan
vega og hvernig er hægt að láta
fjöðrunina fara saman þegar
gefið er inn. Ásamt því er fjallað
um fjaðraða vigt, veltidempun,
veltistífni, blaðfjaðrir og heilar
stífur svo fátt eitt sé nefnt.
Eins er skýrt frá þætti fjöðr-
unar og stýris með viðeigandi
orðskýringum, til að fyrirbyggja
allan misskilning. Þar er greint
frá því hvaða ástæður kunna að
vera fyrir slæmum aksturseigin-
leikum breyttra jeppa og hvaða
lausnir eru í boði.
Komið er inn á mikilvægi tal-
stöðva, sem teljast til öryggis-
atriða á jeppaferðalögum uppi á
fjöllum, og taldar upp helstu teg-
undir sem eru í boði, kostir þeirra
og gallar.
Þá er greinargóð umfjöllun
um GPS-tæki og listi yfir annan
búnað í jeppa, svo sem verkfæri
og varahluti. Síðast en ekki síst
er fjallað um hvað ber að varast
að taka með í ferðina, enda er það
ekki síður mikilvægt en að vita
hvað á að vera með í för.
- rve
Fróðleikur fyrir ferðina
Á vefsíðunni www.mmedia.is/gjjarn/sjeppar/ er notendum bent á hvers konar dekk
henta best á jeppa í snjó og á jöklum, fjallað um fjöðrun og stýri og margt fleira.