Fréttablaðið - 22.11.2007, Page 74

46 22. nóvember 2007 FIMMTUDAGUR
menning@frettabladid.is
Kl. 20.30
Aðalsteinn Ásberg Sigurðsson
les upp úr nýútkominni
ljóðabók sinni Hjartaborg og úr
ýmsum eldri verkum sínum í
bókaversluninni Iðu, Lækjar-
götu 4, í kvöld kl. 20.30.
Sigurður Flosason verður
honum til fulltingis á saxófón.
Verk tveggja virtra íslenskra tón skálda,
þeirra Jóns Leifs og Páls Ísólfssonar, fá
að óma á tónleikum í Laugarneskirkju á
morgun.
Á tónleikunum syngur Gerður Bolladóttir sálma og lög
við undirleik þeirra Jóns Bjarnasonar, organista í
Seljakirkju, og Júlíönu Rúnar Indriðadóttur píanó-
leikara. Gerður er jafnframt hugmyndasmiður
tónleikanna og hefur séð um alla skipulagningu þeirra.
„Ég fékk þá hugmynd að leika verk eftir þessi tvö
merku tónskáld á einum og sömu tónleikunum. Þeir
Jón Leifs og Páll Ísólfsson voru samtímamenn og
líkast til áhrifamestu íslensku tónskáldin á fyrri hluta
tuttugustu aldarinnar. Því þótti mér merkilegt hve
sjaldan tónlist þeirra hafði verið leikin hlið við hlið á
tónleikum, ekki síst vegna þess að gaman er að bera
þá saman. Þeir voru ákaflega ólík tónskáld; Páll var
mikill meistari í orgelleik og einn af fyrstu
Íslendingunum sem hlaut ítarlega menntun í þeirri
list. Tónverk hans eru frekar hefðbundin og
rómantísk. Svo samdi Jón Leifs þessi óvenjulegu
tónverk sem þó hafa afar íslenskan blæ. Hann var
ómstríður framúrstefnumaður og er enn deilt um
hvort hann hafi verið snillingur eða sérvitringur.“
Dagskráin á tónleikunum verður blanda af verkum
eftir þessi tvö tónskáld, en verkin eru öll með
trúar legum blæ. „Við hefjum leikinn á fimm sálmum
eftir Pál. Þeirra á meðal verða bæði sálmar sem Páll
samdi við texta Davíðs Stefánssonar og svo flytjum
við líka jólasálm við texta Freysteins Gunnarssonar.
Þessi sálmur hefur afar sjaldan verið fluttur og því
gaman að leyfa honum að heyrast. Úr smiðju Jóns
Leifs leikum við þrjú kirkjulög við ljóð eftir Hallgrím
Pétursson og fremur ómstrítt og óvenjulegt Faðirvor,
en texti þess er samnefnd bæn,“ segir Gerður.
Tónleikunum lýkur svo á flutningi tónlistar Páls
Ísólfssonar við sex vers úr Ljóðaljóðunum sem koma
fyrir í Gamla testamentinu. Gerður segir verkið vera
fallegan óð til ástarinnar. „Ljóðaljóðin fjalla um ástina
eins og hún kemur fyrir í mannlífinu í öllum sínum
margbreytilegu myndum. Ég hef sérstaka ánægju af
að flytja þessa tónlist, ekki síst vegna þess hve
skáldskapurinn er magnaður.“
Tónlistarunnendur ættu ekki að láta þessa forvitni-
legu tónleika fram hjá sér fara enda tækifæri til þess
að heyra tónlist eftir tvö af okkar ástsælustu
tónskáldum. Tónleikarnir hefjast annað kvöld kl. 20.30
og er miðaverð 1000 kr. Miðasala fer fram við
innganginn. vigdis@frettabladid.is
Tvö íslensk tónskáld
ÍSLENSK TRÚARLEG TÓNLIST Júlíana Rún Indriðadóttir
píanóleikari, Jón Bjarnason organisti og Gerður Bolladóttir
söngkona. FRÉTTABLAÐIÐ/VALLI
Vel ber í veiði fyrir áhugafólk um sögu okkar
örsmáu þjóðar í dag kl. 17 en þá heldur Ragn-
heiður Traustadóttir fornleifafræðingur fyrirlestur
um fornleifauppgröft og rannsóknir að Hólum í
Hjaltadal á vegum Minja og sögu.
Í fyrirlestrinum fjallar Ragnheiður um forn-
leifauppgröft og rannsóknir á Hólum í Hjaltadal
og sýnir myndir frá uppgreftrinum.
Ragnheiður talar af mikilli þekkingu enda er
hún stjórnandi Hólarannsóknarinnar. Að rann-
sókninni koma innlendir og erlendir sérfræð-
ingar úr flestum greinum menningarsögulegra
rannsókna. Markmið Hólarannsóknarinnar
er meðal annars að fá heildarmynd af þróun
staðarins og svæðinu umhverfis hann og enn
fremur að afla nýrra gagna um sögu Íslands og
samskipti Íslendinga til forna við umheiminn.
Hólar í Hjaltadal voru höfuðstaður Norðurlands
um aldir. Þar var biskupsstóll og fræðasetur og
því gefur auga leið að staðurinn geymir í jörðu
miklar upplýsingar um sögu kirkju og þjóðar.
Ragnheiður starfaði við Þjóðminjasafn
Íslands frá árinu 1994 til 2006, Árbæjarsafn og
Byggðasafn Skagfirðinga. Hún lauk fil.kand. prófi
frá Stokkhólmsháskóla og er í meistaranámi við
háskólann í Uppsölum.
Fyrirlesturinn fer fram í Þjóðminjasafninu og
er öllum opinn á meðan húsrúm leyfir. - vþ
Fjallað um fornminjar og rannsóknir
FORNLEIFAUPPGRÖFTUR Á HÓLUM
> Ekki missa af...
Fjórða Súfistakvöldi vetrarins
sem fer fram í kvöld á sam-
nefndu kaffihúsi í bókabúð
Máls og menningar, Laugavegi
18. Einar Már Guðmundsson,
Sigrún Eldjárn, Unnur Jökuls-
dóttir og Pétur Blöndal lesa úr
nýútkomnum bókum sínum
sem verða á tilboði í tilefni
kvöldsins. Upplesturinn hefst
kl. 20.
Þjóðleikhúsið
um helgina
Afgreiðsla miðasölu á Hverfisgötu er opin frá kl. 12.30–18.00
mán. og þri. Aðra daga frá kl. 12.30–20.00.
Símapantanir frá kl. 10.00 virka daga.
Miðasala í síma 551 1200 og á www.leikhusid.is
Frelsarinn Gestasýning fim. 22/11
Hamskiptin Lau. 24/11 örfá sæti laus
Konan áður Lau. 24/11, sun. 25/11
Skilaboðaskjóðan Fös. 23/11, örfá
sæti laus, sun. 25/11 (tvær sýn.) uppselt
Barnasýningin Gott kvöld
Sun. 25/11
Óhapp! Lau. 24/11 örfá sæti laus
Hjónabandsglæpir
Fös. 23/11 uppselt