Fréttablaðið - 22.11.2007, Qupperneq 80

52 22. nóvember 2007 FIMMTUDAGUR
bio@frettabladid.is
Nýr vefur » Á hvað ert þú að hlusta?
„Sextán
og þú skalt sjá
mig í bíó...“
- 16, Grafík, Höf: Helgi Björnsson
> FRUMSÝND UM HELGINA
Grínkóngurinn Steve Carell
leikur aðalhlutverkið í
gamanmyndinni Dan in
Real Life en hún fjallar um
dálkahöfund sem verður
ástfanginn af kærustu
bróður síns. Juliet
Binoche og Emily Blunt
auk Dane Cook styðja
við Carell.
Framleiðendur 22. Bond-myndar-
innar er komnir á fullt, þokkagyðj-
an Jewel hefur verið nefnd sem
næsta Bond-pía og nú bendir allt
til þess að Mathieu Amalric verði
næsti þrjótur sem leyniþjónustu-
maðurinn þarf að kljást við.
Amalric er franskur að uppruna
og virðast Fransmennirnir vera
brjóta sér leið inn í illmennabrans-
ann í Bandaríkjunum, kannski
ekki að undra enda hefur löngum
andað köldu á milli Kanans og
Frakkanna eftir að hinir síðar-
nefndu neituðu að styðja Írak-
stríðið. Amalric gæti orðið á hvers
manns vörum eftir næstu Óskars-
verðlaun en hann hefur verið
sterklega orðaður við styttuna
góðu fyrir frammistöðu sína í
kvikmyndinni The Diving Bell
eftir Julian Schnabel.
Illmennið í Bond
NÆSTI ÞRJÓTUR? Mathieu Amalric þykir líklegur til að verða næsta Bond-illmenni.
Kvikmyndanjörðum þykir
fátt jafn skemmtilegt og
að búa til topplista yfir það
besta og það versta í bíó-
myndum. Kvikmynda vefur
Empire tilnefndi nýlega
verstu glæpamenn sögunn-
ar á hvíta tjaldinu og hinum
versta þeirra allra tókst
næstum því að murka lífið
úr John McClane.
Athygli vekur að nostalgían er
allsráðandi á lista kvikmynda-
vefjarins því „ný“ illmenni lúta í
lægra haldi fyrir þeim sígildu. Sá
yngsti er væntanlega Danny
Ocean í meðförum George Cloon-
ey enda þótt sá hafi nú verið hálf-
gerður Hrói höttur, skaut ekki úr
byssu og misþyrmdi bara auð-
jöfri í spilavíti með því að ræna
hann aleigunni. Danny kemst
engu að síður í fimmtánda sætið
og skýtur þar öðru „nýju“ ill-
menni ref fyrir rass en það er
raðmorðinginn John Doe úr hryll-
ingstrylli Davids Fincher sem
Kevin Spacey túlkaði á eftir-
minnilegan hátt.
De Niro tvisvar
Topp tíu listinn er ákaflega merki-
legur og hefst á sjálfum Tony
Montana eða Scarface. Al Pacino
var stórkostlegur í hlutverki
þessa smávaxna dópsala sem
lýkur ævi sinni eftir ótrúlegan
skotbardaga á kókaíni. Í níunda
sæti lista Empire er síðan að finna
góðkunningja lögreglunnar,
nefnilega hinn smáa og ákaflega
skapbráða Tommy DeVito úr
GoodFellas. Joe Pesci tókst þar
loksins að nýta sína skræku rödd.
Í áttunda sætinu er Jules
Winnfield úr Pulp Fiction sem
skaut Samuel L. Jackson loksins á
toppinn og sjöunda sætið vermir
sjálfur Al Capone en eins og frægt
er orðið lifði Robert De Niro ein-
göngu á hamborgurum fyrir þá
rullu sína. Í sjötta sætinu eru
hjónakornin Clyde Barrow og
Bonnie Parker sem Warren
Beatty og Fay Dunaway gerðu
nánast ódauðleg og rétt fyrir ofan
þau er Neil McCauley og þar er
De Niro aftur á ferðinni en að
þessu sinni úr Heat eftir Michael
Mann. Kevin Spacey á einnig
tvær persónur á listanum því í
fjórða sæti lista Empire yfir
versta glæpalýð kvikmynda-
sögunnar er Verbal Kint, hinn
hraðlygni glæpaforingi sem dró
heilt lögreglulið á asnaeyrunum í
Usual Suspect.
Þjófur slær út mannætu
Bronsverðlaunin fær hins vegar
mannætan Hannibal Lecter og þá
fyrir frammistöðu sína í Silence
of the Lambs. Anthony Hopkins
þurfti ekki að vera lengi í mynd
en á einhvern undarlegan hátt
hékk ára hans alltaf yfir Clarice
Sterling og leit hennar að Buffalo
Bill. Þau eru ófá sígild atriðin úr
þessari sígildu kvikmynd Jonat-
hans Demme og Lecter verður að
öllum líkindum einhver elskað-
asta mannæta kvikmynda-
sögunnar fyrr og síðar.
Silfurverðlaunin falla í skaut
Vitos Corleone, mafíuforingjans
sem öllu réði í New York. Per-
sónusköpun Marlons Brando er
orðin að hálfgerðri goðsögn í
kvikmyndaheiminum, bómullin
sem fyllti kjaftinn og þessi
óskiljanlega rödd eru einfaldlega
hluti af kvikmyndasögunni. Tvær
fyrstu Godfather-myndirnar eru
án nokkurs vafa einhverjar bestu
kvikmyndir sögunnar og þrátt
fyrir að ferill leikstjórans Francis
Ford Coppola sé nánast fallinn í
gleymskunnar dá verður hans
alltaf minnst fyrir kvikmynda-
þríleikinn um Corleone-fjöl-
skylduna.
Sá sem hampar hins vegar
titlinum „versta illmenni
sögunnar“ að mati kvikmynda-
vefs Empire er enginn annar en
Hans Gruber, hin ofurgáfaði og
málglaði þjófur sem komst nær
því en nokkur annar að leika á
sjálfan John McClane. Alan Rick-
man fór gjörsamlega á kostum í
hlutverki þessa harðsvíræða
glæpamanns sem reyndist vera
fyllilegur jafningi lögreglu-
mannsins frá New York og virtist
hafa einstaklega gaman af því
sem hann var að gera. Sem er jú
grundvöllurinn að velgengni í
öllu. Gruber varð þó að láta sér
lynda að falla niður af efstu hæð
Nakatomi-byggingarinnar en þá
hafði honum tekist að koma
tveimur FBI-fulltrúum fyrir katt-
arnef og sprengja þakið á háhýs-
inu, sem verður að teljast ansi
gott dagskverk.
freyrgigja@frettabldid.is
Gruber verstur allra
OFARLEGA Tony Scarface
Montana kemst
ofarlega á lista yfir
verstu þrjóta kvik-
myndasögunnar.
SÖGULEGT HLUTVERK Marlon Brando tróð bómull upp í sig og skapaði einhverja
eftirminnilegustu persónu kvikmyndasögunnar fyrr og síðar.
MANNÆTAN VINSÆLA Hannibal Lecter
verður að öllum líkindum einhver elsk-
aðasta mannæta kvikmyndasögunnar.
JIBBÍ Gruber
tókst næstum því
ætlunarverk sitt
en var stöðvaður
af John og Holly
McClane.
Hollywood hefur aldrei leiðst að rúlla út
rauða teppinu og bjóða prúðbúnar stjörn-
urnar velkomnar að viðstöddum ljósmynd-
urum og aðdáendum. En nú gæti verkfall
handritshöfunda sett strik í reikninginn.
Kvikmyndabiblían Variety greinir frá
því að menn hafi áhyggjur af næstu
Óskarsverðlaunum og Golden Globe
enda sé þar rík hefð fyrir því að
brugðið sé á leik með þeim sem
afhenda verðlaunin. Þær línur eru
víst allar fyrirfram ákveðnar af
teymi handritshöfunda og því ljóst
að ef verkfallið heldur áfram verða
stjörnurnar að leika af fingrum
fram.
Og þá hefur ekki verið minnst á þau
vandræði sem skapast fyrir kynni Óskars-
ins, Jon Stewart. Hann getur ekki verið með
þáttinn sinn sökum verkfallsins og því
ólíklegt að hann gæti flutt „vönduð“
gamanyrði um stjörnurnar í byrjun
Óskarsverðlaunanna eins og venjan er.
Fyrsta verðlaunahátíðin sem haldin
verður á meðan verkfallið stendur er
Sunday American Music Awards og
ætlar kynnir hennar að notast við
skrýtlur sem skrifaðar voru
fyrir viku.
Og angar verkfallsins
virðast þegar vera farnir að
teygja sig inn í kvikmynda-
heiminn því sífellt fleiri
kvikmyndum hefur verið
frestað, nú síðast bættust við
kvikmyndirnar Shantaram með
Johnnny Depp og Nine með
Javier Bardem og
Penolope Cruz í hópinn
með Pinkville Olivers
Stone og Englum og
djöflum Rons Howard
sem báðum tveim hefur
verið ýtt aftar í
goggunarröðina.
Verðlaunahátíðir í vandræðum
FRESTAÐ Nýjustu mynd Johnnys Depp,
Shantaram, hefur verið frestað vegna
verkfallsins.
EKKERT GAMANMÁL Jon
Stewart getur ekki verið
með þáttinn sinn
sökum verkfallsins
og ætti því að
eiga erfitt með að
segja brandara á
Óskarnum.