Fréttablaðið - 22.11.2007, Page 82

54 22. nóvember 2007 FIMMTUDAGUR
maturogvin@frettabladid.is
Skiptu …
… einhverjum af eftirrétt-
um næsta mánaðar út
fyrir góðan kaffi-
drykk. Það má
blanda kryddi eins
og kanil, múskati og
kardimommum í
kaffið, ásamt sykri.
Þeytið svo rjóma með
dálitlum flórsykri og
skvettu af líkjör og
eftirrétturinn verður
ljúffeng tilbreyting frá
smákökunum.
Hvaða matar gætirðu síst verið án?
Það er íslenska lambakjötið. Og svo hrein ab-mjólk.
Besta máltíð sem þú hefur fengið:
Íslenskt lífrænt lambakjöt sem ég keypti af bónd-
anum á Brekkulæk fyrir jólin í fyrra. Það koma
engin aukaefni nálægt því kjöti og þetta er bragð-
gott og dásamlegt kjöt sem bráðnar uppi í manni,
besta kjötið sem ég hef fengið síðan að ég var lítil.
Er einhver matur sem þér finnst vondur?
Ég er ekki hrifin af þorramatnum. Mér finnst
ekkert gott og ekkert eftirsóknarvert við
hann. Þetta var fínt í gamla daga þegar fólk
hafði ekki möguleika á að fá nýmeti, en
ég sé enga ástæðu til að borða þetta
núna.
Leyndarmál úr eldhússkápnum?
Ég á dásamlega pönnu sem mér
áskotnaðist frá bróður mínum og
mágkonu. Það er svona rönd í
pönnunni sem maður setur smá olíu ofan í, og svo steikir maður það
sem maður vill. Það er allt gott sem kemur af henni, sama hvort það
er grænmeti eða egg.
Hvað borðar þú til að láta þér líða betur?
Ég er náttúrlega algjör sælgætisgrís og hef komist upp á bragðið með
að kaupa lífrænt súkkulaði í heilsubúðum. Svo eru lífrænar gulrætur
frá Hæðarenda þvílíkt lostæti að meira að segja barnabörnin byrja á
að spyrja um þær þegar þau koma.
Hvað áttu alltaf til í ísskápnum?
Gulrætur, hreina ab-mjólk, lífræn epli og eplasafa, sýrðan rjóma og
grænmetissafa.
Ef þú yrðir föst á eyðieyju, hvað tækirðu með þér?
Ég geri ráð fyrir að það sé hreint og gott vatn þar. Þá tæki ég með mér
kaffikönnu og pönnuna góðu. Svo steiki ég bara það grænmeti sem
þar er að finna.
Hvað er það skrýtnasta sem þú hefur borðað?
Froskalappir. Þetta er svo lítill og rándýr réttur. Ég skildi ekki af hverju
væri verið að drepa alla þessa froska til að reyna að seðja fólk. Mér
fannst þetta ekkert vont, en hefði bara frekar viljað hnetur.
MATGÆÐINGURINN LILJA GUÐRÚN ÞORVALDSDÓTTIR LEIKKONA
Ekkert eftirsóknarvert við þorramat
Smákökutíminn nálgast óðfluga
dag frá degi. Þeir sem eru ekki
alveg tilbúnir í vanilluhringi og
súkkulaðibombur geta hins vegar
þjófstartað með biscotti-kökunum
ítölsku. Biscotti þýðir eiginlega
tvíbaka á ítölsku, og kemur til af
því að kökurnar eru einmitt bak-
aðar tvisvar. Fyrir vikið eru þær
þurrar að gerð, enda ætlaðar til
þess að dýfa í vín eða kaffidrykki.
Af sömu ástæðu geymast þær ansi
vel og voru því á árum áður hluti
af nestispökkum sjómanna í lang-
ferðum.
Biscottideigið er fyrst bakað í
lengju. Þá er það kælt, skorið ská-
hallt til að búa til aflangar kökur,
og þær svo bakaðar áfram. Bis-
cotti voru upprunalega bragðbætt-
ar með möndlum en í dag eru þær
til í mun fjölbreyttari útgáfum:
með súkkulaðibitum, hnetum,
fræjum, kryddi eða þurrkuðum
ávöxtum. Á netinu er að finna ara-
grúa af uppskriftum að kökunum,
meðal annars á matseld.is, fyrir
þá sem ekki leggja í að þýða úr
ensku.
Þar sem kökurnar geymast vel
og lengi, sérstaklega þær sem
ekki innihalda smjör, er ekki
heldur úr vegi að eiga þær innan
seilingar í tækifærisgjafir á
aðventunni. Fallegur poki af
heimabökuðum biscotti og gott
kaffi ætti að gleðja hvaða gest-
gjafa sem er. - sun
Ítalskar tvíbökur
Bæklingur um hátíðarvín er nú
fáanlegur í Vínbúðum landsins. Í
honum er að finna uppýsingar sem
ættu að auðvelda mörgum val á
víni með hátíðamatnum, sem
margir leggja mikið upp úr. Vínin
eru flokkuð niður eftir því hvaða
hráefni á að nota í eldamennsk-
una, og þar er að finna uppástungur
að drykkjum með fiski, lamba- eða
nautakjöti, villibráð, reyktu kjöti
eða ljósu.
Í bæklingnum er þar að auki að
finna uppástungur að fordrykkjum
og eftirréttavínum, sem fá kannski
að sitja á hakanum á öðrum tímum
árs og því eflaust einhverjir sem
fagna því að fá smá hjálp að halda
í þeim efnum.
Leiðbeiningar um
hátíðarvín ársins
ÞJÓFSTARTAÐ MEÐ BISCOTTI Ítölsku
biscotti-kökurnar geymast vel og henta
því vel í ýmiss konar tækifærisgjafir á
aðventunni. FRÉTTABLAÐIÐ/GVA
ÁBENDINGAR UM VAL Á VÍNI Í Vínbúðum
landsins er nú hægt að nálgast bækling
með leiðbeiningum um val á hátíðarvíni.
NORDICPHOTOS/GETTY
Veitingastaður Agnars Sverrisson-
ar og Xavier Rousset í London,
Texture, hefur hlotið afar góðar
viðtökur frá því að hann var
opnaður í byrjun september. Á síð-
ustu vikum hafa dagblöð ytra birt
hvern frábæran dóminn á fætur
öðrum og hefur veitingastaðurinn
hlotið fjórar stjörnur af fimm í
bæði Independent og Evening
Standard.
„Dómarnir hafa verið að koma í
þessari viku og þeirri síðustu. Um
daginn vorum við svo kosnir besti
nýi veitingastaðurinn í Bretlandi
árið 2007, og komumst líka á lista
yfir topp tíu bestu veitingastaðina í
landinu,“ segir Agnar, sem er eðli-
lega afar ánægður með móttökurnar.
„Þetta gengur betur en við þorðum
að vona, sem er alveg meiri háttar.
Það er fullt hjá okkur á hverju
kvöldi,“ segir hann.
Agnar segir þá Xavier vera farna
að velta framhaldinu fyrir sér og er
ekki frá því að þeir muni færa út
kvíarnar. „Við ætlum að reyna að
koma Texture almennilega á legg
áður, en það gæti eitthvað farið að
gerast eftir svona ár,“ segir hann.
„Við höfum talað um svipaðan stað,
með léttara sniði. Það yrði stærri
staður sem tæki fleira fólk í sæti,
með meiri barstemningu, kampa-
vín og léttum mat. Hann yrði opinn
allan daginn,“ segir Agnar.
Texture er að finna á 34 Portman
Square í London.
Texture fær frábæra dóma
FRAMAR VONUM Agnar Sverrisson,
annar eigenda veitingastaðarins Texture,
segir viðtökur hans hafa verið framar
vonum.
Karen Mellk og fjölskylda
hennar halda þakkar-
gjörðardaginn hátíðlegan á
hverju ári, með tilheyrandi
veislumáltíð. Hann ber upp
á daginn í dag.
Karen á íslenska móður en ólst
upp í Bandaríkjunum ásamt syst-
kinum sínum tveimur. „Mamma
og pabbi áttu sumarhús hér og við
komum alltaf hingað á sumrin,“
segir Karen, sem flutti til landsins
árið 1979. „Við komum hingað eitt
á eftir öðru, og móðir okkar líka
eftir að pabbi lést. Nú búum við öll
hér,“ segir hún.
Fjölskyldan hefur því haldið upp
á þakkargjörðardaginn í um tut-
tugu ár. „Okkur fannst þetta gott
tækifæri til að hittast og til að
halda í þessa skemmtilegu hefð. Í
Bandaríkjunum flýgur fólk lands-
hluta á milli til þess að vera saman
á þessum degi, sem það gerir ekki
einu sinni á jólunum,“ segir Karen.
„Þetta er svo falleg hátíð, hún
tengir fólk saman án þess að blanda
trú inn í það. Það finnst mér alveg
yndislegt,“ bætir hún við.
Karen og fjölskylda nota sömu
uppskriftirnar á hverju ári, sem
flestar eru með hefðbundnu sniði.
„Það er vissulega mikil fjölbreytni
í þessu hjá Bandaríkjamönnum,
en kjarninn er yfirleitt alltaf
kalkúnn, sætar kartöflur, villihrís-
grjón, grasker og trönuberjasósa,“
útskýrir Karen. Hún deilir hér
meðal annars uppskrift að kart-
öflurétti fjölskyldunnar, sem hún
segir jafngilda brúnuðum
kartöflum á íslenskan máta. „Hann
er mjög sætur,“ segir hún og
kímir.
Þó að hátíðina beri upp á daginn
í dag ætlar Karen að bjóða til
veislu um helgina, enda er dagur-
inn ekki frídagur hér á landi. Hún
á von á um sautján matargestum á
sunnudag og er því að hefjast
handa við undirbúning. „Þetta er
léttur undirbúningur í nokkra
daga. Og svo þarf að skreyta húsið,
það er oft mikið lagt upp úr því að
punta,“ segir hún og hlær.
Hitið ofn í 170 gráður. Þeytið
saman kartöflur, smjör og sykur í
hrærivél, þar til blandan er frekar
slétt. Bætið ananasi út í og kryddið
eftir smekk. Hellið blöndu í smurt
eldfast mót og bakið í um 45 mín.
Takið mótið úr ofninum nokkrum
mínútum fyrir framreiðslu og
þekið yfirborðið með sykurpúðum.
Ýtið þeim aðeins ofan í blönduna.
Grillið við hærri hita í um 5 mín.
eða þar til sykurpúðarnir eru vel
brúnir. Fylgist vel með.
Skorpulaust brauð skorið í ten-
inga. Best er að skera það 2-3
dögum áður og geyma í plastpoka
í kæli.
Laukurinn steiktur í smjöri þar
til glær. Bætið kryddi við, helst í
duftformi, og blandið vel. Bætið í
selleríi, sellerílaufi og eplum,
eldið í 3-5 mínútur. Takið af hita og
bætið brauði út í. Má bæta örlítilli
mjólk út í ef blandan er of þurr.
Karen mælir með að fyllingin sé
útbúin deginum áður og geymd í
kæli yfir nótt. Það sparar tíma og
bragðið magnast.
sunna@frettabladid.is
Hefðbundin þakkargjörð
SKREYTT FYRIR ÞAKKARGJÖRÐ Karen Mellk og fjölskylda hennar hafa haldið þakkargjörðardaginn hátíðlegan hér á landi í um tvo
áratugi. Mikið er lagt upp úr því að skreyta húsið fyrir veisluhöldin. FRÉTTABLAÐIÐ/VALLI
Sætar kartöflur með sykurpúðum
2 kg sætar kartöflur, soðnar og afhýddar
1 bolli smjör
1 bolli púðursykur
1 dós ananaskurl með safa
Kanill, negull, allspice eða engifer – notið
¼ til ½ tsk af 2-3 þessara krydda
1 stór poki sykurpúðar
New England fylling fyrir 5 kg kalkún
2 brauðhleifar
2 bollar laukur, saxaður smátt
1 bolli smjör
¾ tsk timjan
¾ tsk salvía
1 msk salt
1-1/2 tsk hvítur pipar
¼ tsk lárviðarlaufsduft
2 bollar sellerí, saxað smátt
1 bolli sellírlauf, saxað gróft
1 bolli græn epli, gróft söxuð
Smá mjólk ef þarf
G
O
T
T
F
O
L
K