Fréttablaðið - 21.12.2007, Side 2

2 21. desember 2007 FÖSTUDAGUR
Bergvin, þarftu ekki bara að
skella þér á stefnumót?
„Ég fór á blint stefnumót í sumar og
hef verið blindaður af ást síðan.“
Bergvin Oddsson, formaður ungmenna-
hreyfingar Blindrafélagsins, hefur bent
á að hollensku blindrasamtökin vísi
félagsmönnum sínum á notendavæna
klámsíðu fyrir blinda á sinni heimasíðu.
BRETLAND, AP Elísabet II Breta-
drottning náði því síðdegis í gær
að verða langlífust allra þeirra
sem setið hafa í hásæti breska
konungdæmisins fyrr og síðar.
Sló Elísabet þar með Viktoríu
drottningu við, sem fæddist 24.
maí 1819 og varð 81 árs og 243
daga er hún dó eftir 63 og hálft ár
í hásæti.
Þótt Elísabet II hafi nú náð
hærri lífaldri en Viktoría á hún
nærri átta ár í að slá henni við í
þaulsætni í hásæti. Auk Viktoríu
hafa tveir konungar setið lengur
en Elísabet. Hún tekur fram úr
Hinrik III í mars næstkomandi og
Georg III á árinu 2012. - aa
Langlíf Bretadrottning:
Elísabet II slær
Viktoríu við
ELÍSABET II Hefur náð hærri lífaldri en
Vikoría en setið skemur en hún í hásæti.
DÓMSMÁL Hæstiréttur dæmdi í
gær 24 ára gamlan mann, Andra
Þór Guðmundsson, í fimmtán
mánaða fangelsi fyrir að hafa
skipulagt smygl á ríflega 360
grömmum af kókaíni til landsins
frá Amsterdam. Hafði héraðs-
dómur dæmt manninn í þriggja
mánaða styttri fangelsisvist.
Andri fékk karlmann og konu
til að flytja efnið til landsins og
afhenti þeim peninga fyrir
efninu, flugmiða og uppihaldi.
Seinna fór hann til Amsterdam og
tók við efninu, pakkaði því og
afhenti þeim það til að flytja til
landsins. Voru þau stöðvuð í
Leifsstöð með efnið. - sgj
Kókaínsmyglari dæmdur:
Höfuðpaur fær
15 mánuði
Calia Italia Premium hvíldarsófi (Stærð: 222 sm)
Öll sætin eru með skemli. Fæst með ljósu, dökkbrúnu eða svörtu leðri
Fæst einnig sem 2ja sæta og 4ja sæta.
Verð kr. 179.900,-
SETT EHF • ASKALIND 2A • 201 KÓPAVOGUR • SÍMI: 534 1400 • WWW.SETT.IS
OPNUNARTÍMI:
MÁN. - FÖS 11:00 - 18:00
LAUGARDAGA 11:00 -16:00
SUNNUDAGA 13:00 - 16:00
BJÓÐUM
MIKIÐ ÚRVAL AF
HÚSGÖGNUM
Á HAGSTÆÐU
VERÐI
VÖNDUÐ HÚSGÖGN
SÓFASETT, HVÍLDARSÓFAR, BORÐSTOFUHÚSGÖGN, RÚM OG MARGT FLEIRA
HEILSA Ráðist verður í átak á vegum Íþrótta- og
tómstundasviðs Reykjavíkurborgar á nýju ári til
að fjölga kvenkyns gestum sundlauganna.
Steinþór Einarsson, skrifstofustjóri íþróttamála
hjá Íþrótta- og tómstundaráði, segir nokkru muna
á aðsókn kynjanna í laugarnar, yfir vetrarmán-
uðina séu karlar til dæmis um 55 af hundraði en
konur um 45 af hundraði.
„Þetta er misjafnt eftir aldurshópum, hlutfallið
er tiltölulega jafnt hjá börnum og ungu fólki og
svo er þetta líka misjafnt eftir laugum,“ segir
Steinþór.
Mestu munar í Sundhöllinni og Laugardalslaug,
sem aldraðir eru duglegir að sækja og þar eru
karlarnir mun fleiri en konurnar.
Steinþór segist einhver ráð eiga til að fjölga
konum í sundlaugunum og bendir á að að kvöldi
24. október síðastliðins þegar kvennafrídagsins
var minnst hafi einungis konum verið heimill
aðgangur að Vesturbæjarlauginni. „Það var góður
undirbúningur. Við heyrðum hljóðið í konum og
afstöðu þeirra og getum byggt á því.“
Ásamt Steinþóri mun mannréttindafulltrúi ÍTR
vinna að því á nýju ári að fjölga konum í sundlaug-
um borgarinnar. - bþs
Átak verður gert í að fjölga kvenkyns gestum sundlauganna á nýju ári:
Vilja fleiri konur í sundlaugarnar
Í LAUGINNI Reyna á að laða fleiri konur í sund á nýju ári.
FRÉTTABLAÐIÐ/GVA
UMHVERFISMÁL Svandís Svavars-
dóttir borgarfulltrúi segir breyt-
ingar á skipulagi Hólmsheiðar
munu forða tólf til fimmtán þúsund
trjám frá eyðingu.
„Með þessum breytingum verður
komið verulega til móts við þær
athugasemdir sem bárust vegna
skógareyðingar á svæðinu,“ segir í
svari Svandísar við fyrirspurn
sjálfstæðismanna í borgarráði.
Sjálfstæðismenn vildu vita hvort
breyta ætti skipulaginu á Hólms-
heiði til að vernda trjágróður og
hvort breyta ætti skipulagi á Reynis-
vatnsási til að vernda svæði sem
tilheyrir Græna treflinum svokall-
aða, eins og borgarfulltrúar Vinstri
grænna hefðu viljað þegar þeir
voru í minnihluta í borgarstjórn.
Svandís segir í svarinu að í aug-
lýstri tillögu fyrir Hólmsheiði hafi
verið gert ráð fyrir um níutíu hekt-
urum undir lóðir og mannvirki. Í
endurskoðaðri tillögu sé lagt til að
það svæði verði minnkað um um
það bil ellefu hektara.
„Þetta á sérstaklega við um þau
svæði þar sem skógur er hvað þétt-
astur,“ segir Svandís sem, eins og
áður segir, kveður á bilinu tólf til
fimmtán þúsund tré „bjargast“ við
breytinguna.
Nú er beðið formlegrar umsagn-
ar Skógræktarfélags Reykjavíkur
en Svandís segir fulltrúa félagsins
hafa tekið nýju hugmyndunum vel
þegar þeim voru kynntar þær í
byrjun mánaðarins. - gar
Svandís Svavarsdóttir boðar breytt skipulag á Hólmsheiði í þökk skógræktarfólks:
Segist bjarga 12 þúsund trjám
SVANDÍS SVAVARSDÓTTIR Oddviti Vinstri
grænna í borgarstjórn segir skógrækt-
arfólk taka vel í nýjar hugmyndir um
skipulag á Hólmsheiði. FRÉTTABLAÐIÐ/VALLI
HEILBRIGÐISMÁL Uppbygging öldrunarheimila er
ómöguleg nema farið verði að greiða húsaleigu á
slíkum stofnunum. Þetta segir Júlíus Rafnsson,
framkvæmdastjóri dvalar- og hjúkrunarheimilisins
Grundar, og undir orð hans tekur Sveinn Skúlason,
forstjóri Hrafnistu. Guðlaugur Þór Þórðarson
heilbrigðisráðherra segir sjálfsagt að fara yfir
hugmyndir þeirra. Aðaláherslan á næstu mánuðum
verði þó að stórauka heimahjúkrun umfram það sem
nú er.
Fyrirhugaðar endurbætur á Hrafnistu munu
fækka rýmum þar úr 260 í um 150 en á Grund mun
rýmum fækka úr 220 í 120. Rúmlega 200 rými munu
því detta út á um næstu þremur árum verði ekki
brugðist við.
Júlíus segir að fyrir sex árum hafi hann reynt að
vekja athygli heilbrigðisyfirvalda á mikilvægi þess
að nýtt hjúkrunarheimili risi áður en farið yrði í
framkvæmdir á Grund.
Um helmingur heimilismanna á Grund hefur
komið af Landspítalanum. Magnús Pétursson sagði í
viðtali við Fréttablaðið á laugardaginn að ef ekki
yrði með einhverju móti brugðist sem fyrst við
fækkun rýma þar væri ljóst að mikill vandi steðjaði
að spítalanum og enn meiri teppur gætu myndast
þar en fyrir væru.
„Það er brýnt verkefni. Ég geri mér grein fyrir
því að fólk getur illa beðið eftir því að komast á
hjúkrunarheimili en allt tekur sinn tíma. Viðbrögð
okkar við stöðunni nú eru að efla heimahjúkrun
enda vilja langflestir vera sem lengst heima hjá sér.
Þar fyrir utan er vist á Landspítalanum dýrasta
úrræðið,“ segir Guðlaugur. Hann bendir jafnframt á
að verið sé að bjóða út þrjátíu dagvistarrými og
tuttugu skammtímarými. Þá sé meðal annars þegar
unnið að tilraunaverkefnum til að bæta stöðuna.
Júlíus segist hafa óskað eftir lóð hjá Reykjavíkur-
borg til að byggja hjúkrunarheimili ásamt íbúðum
fyrir aldraða, það myndi bæta við 110 rýmum. Hann
segist þó ekki sjá fram á að af byggingunni verði
greidd húsaleiga. „Í sambýlum fatlaðra og í skóla-
byggingum, sem reknar eru af sjálfseignastofnun-
um, er gert ráð fyrir leigu. Það sama þarf að gerast
á hjúkrunarheimilum,“ segir hann.
Júlíus segir það ekki á ábyrgð sjálfseignarstofnna
eins og Grundar að sjá til þess að allir hafi efni á
húsnæði. „Það er mál fyrir pólitíkusa en ekki
sjálfseignastofnanir. Það hlýtur þó að vera hægt að
útbúa félagsleg úrræði fyrir þann hóp.“
karen@frettabladid.is
Vilja fá leigutekjur á
hjúkrunarheimilum
Fyrirhugaðar endurbætur á öldrunarstofnunum Grund og Hrafnistu verða til
þess að rýmum fækkar um rúmlega 200. Framkvæmdastjóri Grundar segir að
uppbygging hjúkrunarheimila sé ómöguleg verði húsaleiga ekki greidd.
HÚSNÆÐISMÁL ELDRI BORGA AÐ BREYTAST Rýmum á hjúkr-
unarheimilum fækkar um rúmlega 200 á næstunni. Forsvars-
menn öldrunarstofnana segja erfitt að vinna að uppbyggingu
nema farið verði að greiða húsaleigu. Myndin tengist fréttinni
ekki með beinum hætti. FRÉTTABLAÐIÐ/ANTON
JÚLÍUS
RAFNSSON
SVEINN
SKÚLASON
GUÐLAUGUR ÞÓR
ÞÓRÐARSON
SUÐURNES Stjórn Sambands
sveitarfélaga á Suðurnesjum
lýsir yfir áhyggjum vegna
neikvæðrar umræðu um upp-
byggingu á fyrrum varnarsvæð-
inu á Vallarheiði. Þetta kemur
fram í samþykkt á síðasta
stjórnarfundi sambandsins.
Þar segir að á stuttum tíma hafi
náðst að breyta svæðinu í lifandi
þjónustu- og vísindasamfélag
sem nú þegar hafi haft góð áhrif á
samfélagið. Enn fremur segir að
mikilvægt sé að vallarsvæðið
verði uppspretta nýrra hugmynda
og atvinnu fyrirtækja og fái að
njóta jákvæðrar kynningar í
samfélaginu. - jse
Uppbygging á Vallarheiði:
Áhyggjur af
umræðunni
SVEITARSTJÓRNIR „Þeir aðilar sem
þarna fara um á hverjum degi eru
oft í stórhættu vegna ónógrar
lýsingar, sem er reyndar engin,“
segir bæjarstjórn Akraness, sem
skorar á „yfirmenn samgöngumála
á Íslandi að lýsingu verði strax
komið fyrir á að minnsta kosti
tvennum tilgreindum gatnamótum
á veginum að Akranesi“.
„Þegar skammdegið fer í hönd
með tilheyrandi verðurfari þá
verða umrædd gatnamót erfið
yfirferðar vegna myrkurs,
endurskin umferðarmerkja verða
skítug og þar af leiðandi mun
lakari vegvísir en ella,“ segir
bæjarstjórnin. - gar
Bæjarstjórn Akraness:
Vill ljósastaura
við slysagildrur
LEIÐIN TIL AKRANESS Gatnamót á vegin-
um til Akraness eru sögð slysagildrur.
FÓLK „Þótt til séu aðrir fallegir
staðir í heiminum eru þeir fáir
sem bjóða friðinn, öryggið og
rólegheitin sem við höfum
upplifað hér,“ segja eiginkonur
útlendra starfsmanna við álverið
á Reyðarfirði í opnu kveðjubréfi
til allra íbúa Fjarðarbyggðar.
„Við sem erum eiginkonur
þeirra sem unnu við byggingu
álversins höfum verið að kveðja
ykkur hljóðlega undanfarið en
það hefur verið okkur erfitt,“
segja Karen McKenzie og Jo-Ann
Cameron. „Bestu þakkir fyrir að
bjóða okkur öll velkomin og leyfa
okkur að vera hluti af samfélag-
inu ykkar.“ - gar
Útlendingar á Reyðarfirði:
Eiginkonurnar
mæra Ísland
SPURNING DAGSINS