Fréttablaðið - 21.12.2007, Blaðsíða 30

30 21. desember 2007 FÖSTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 590
6.217 +0,05% Velta: 7.296 milljónir
HLUTABRÉF Í ÚRVALSVÍSITÖLU: Atorka 9,76 -1,01% ... Bakkavör 56,80
+1,25% ... Eimskipafélagið 35,75 +0,00% ... Exista 17,85 -6,55% ...
FL Group 14,70 +0,00% ... Glitnir 21,80 +0,23% ... Icelandair 25,75
+0,78% ... Kaupþing 863,00 +1,05% ... Landsbankinn 35,50 -0,28%
... Straumur-Burðarás 15,05 +0,00% ... Össur 98,00 +1,03% ... Teymi
5,50 -1,26%
MESTA HÆKKUN
SLÁTURFÉ. SUÐURL. 5,41%
ATLANTIC PETROL. 1,52%
BAKKAVÖR 1,25%
MESTA LÆKKUN
SPRON 7,92%
FLAGA 7,14%
EXISTA 6,55%
Áramótaheitið ekki megrun
Vefútsendingar Seðlabankans við stýrivaxta-
ákvarðanir hafa gengið brösuglega. Svo var við
tilkynningu stýrivaxta í gær. Davíð Oddsson
Seðlabankastjóri sagði að þetta væri bölvað,
þegar athygli hans var vakin á þessu. Menn
hefðu lagt sig alla fram um að hafa þessi
mál í lagi. Enda skipti máli að menn gætu
fylgst með og allir fengju upplýsingarnar
á sama tíma. Nú væri ljóst að áramóta-
heitið að þessu sinni yrði ekki að fara í
megrun, heldur að tryggja að vefútsend-
ingar við stýrivaxtaákvarðanir gengju betur
fyrir sig. Margir munu líklega gleðjast yfir
þessu áramótaheiti Seðlabankastjóra. Í
gær mátti heyra köll og öskur á gólfi
fjármálafyrirtækja. Menn þyrsti í
upplýsingar frá Seðlabankanum en
fengu ekki. Taugatitringur á fjár-
málamörkuðum hefur gert menn
mjög stressaða.
Gleymdist tölvan aftur?
Tilfellið er nefnilega að við stýrivaxtaákvörð-
unina 1. nóvember síðastliðinn var nákvæm-
lega það sama uppi á teningnum og bankinn
hafði vart undan að róa æsta áhugamenn um
efnahagsmál sem höfðu ætlað að fylgjast með
kynningarfundinum á netinu. Nýherji annast
útsendingarnar, líkt og rækilega kom fram á
óvirkri útsendingarsíðunni. Ólíklegt verður
þó að teljast að sami vandi hafi plagað
útsendinguna og síðast þegar tæknimaður
fyrirtækisins hafði með sér ranga tölvu
upp í Seðlabanka. Enda var
ástandið heldur verra núna
því ekkert birtist. Þá gat að
minnsta kosti að líta skyggnu-
sýningu þótt hvorki heyrðist
né sæist til Seðlabanka-
stjórans. Þetta gengur bara
vonandi betur næst.
Peningaskápurinn ...
„Það hefur gríðarleg áhrif á gengi
SPRON þegar Exista lækkar,“
segir Hermann Már Þórisson, sér-
fræðingur hjá greiningardeild
Landsbankans, um fall á gengi
bréfa í báðum félögum í gær og
fyrradag. Þar af féll gengi SPRON
um 7,92 prósent, mest skráðra
félaga. Sparisjóðurinn á talsvert
undir Existu með sjö prósenta
eignarhlut og fylgir gjarnan hreyf-
ingum á eign sinni.
Gengi hlutabréfa í Existu féll
um 6,55 prósent í gær og hefur því
fallið um 13,38 prósent síðustu tvo
viðskiptadaga. Gengið endaði í
17,85 krónum á hlut. Það hefur
aldrei verið lægra enda talsvert
undir útboðsgengi félagsins í sept-
ember í fyrra. Hæst fór það í 40,25
krónur á hlut fimm sléttum mán-
uði og hefur það því fallið um 55
prósent síðan þá.
SPRON hefur síður en svo átt
góðu gengi að fagna frá skráningu
í október en markaðsverðmæti
hans hefur fallið um rúm 30 pró-
sent á um tveimur mánuðum og
stendur gengi sparisjóðsins í
lægsta gildi frá upphafi.
Greinendur segja litlar skýring-
ar á falli Existu og benda á að
undir liggjandi eignir félagsins,
svo sem í norrænu fjármálafyrir-
tækjunum Sampo og Storebrand,
ekki liggja því til grundvallar.
Úrvalsvísitalan byrjaði gærdag-
inn á lækkun og fór til skamms
tíma undir 6.200 stigin. Hún jafn-
aði sig lítillega eftir því sem á leið
en hækkun hennar á milli daga
nam einungis fimm punktum. Vísi-
talan endaði því í 6.217 stigum við
lokun markaða sem merkir að hún
situr á sömu syllu og í byrjun jóla-
mánaðar á síðasta ári. - jab
STJÓRNENDUR EXISTU Erlendur Hjalta-
son, annar forstjóra, og Lýður Guð-
mundsson, formaður stjórnar.
FRÉTTABLAÐIÐ/GVA
Exista og SPRON
saman í fallinu Stýrivextir Seðlabankans verða óbreyttir um sinn.
Davíð Oddsson seðlabanka-
stjóri segir að bankinn
bregðist við ef verðbólgu-
horfur versni. Hann neitar
því ekki að óbreyttir vextir
jafnist á við vaxtahækkun
við núverandi aðstæður.
„Sumir geta litið þannig á,“ segir
Davíð Oddsson, spurður um hvort
óbreyttir stýrivextir jafngiltu
hækkun vaxta við núverandi
aðstæður.
Seðlabankinn kynnti í gær að
stýrivextir yrðu óbreyttir um
sinn. Þeir eru nú 13,75 prósent.
„Markaðsáhrifin verða þau að
það eru þrengri kjör hér í alþjóð-
legu samhengi en ella,“ segir
Ólafur Ísleifsson, lektor við
Háskólann í Reykjavík.
Seðlabankar bæði í Bretlandi og
Bandaríkjunum hafa nýlega lækk-
að hjá sér vexti og vaxtamunur
því aukist.
Ólafur bætir því við að ótryggt
markaðsástand hér sem ytra og
yfirlýsingar Seðlabankans um for-
sendur fyrir lækkun stýrivaxta
styðji ákvörðun um óbreytta vexti
nú.
Davíð Oddsson sagði samt sem
áður að varasamt væri að leggja
of mikið upp úr áhrifum óbreyttra
vaxta, en neitaði því ekki afdráttar-
laust að líta mætti á það sem
vaxtahækkun í þessum saman-
burði.
Arnór Sighvatsson, aðalhag-
fræðingur Seðlabankans, sagði að
fjárhagsleg skilyrði hefðu orðið
erfiðari, þrátt fyrir að vextir
hefðu ekki breyst. „En það jafn-
gildir því ekki að óbreyttir vextir
séu hækkun.“
Davíð sagði að vaxtahækkun
bankans í nóvember hefði haft
kröftug áhrif, auk aðhalds frá
versnandi skilyrðum á alþjóðleg-
um fjármagnsmörkuðum. „Þessi
skilyrði munu án efa leiða til
hjöðnunar innlendrar eftir-
spurnar.“
„Óhagstæð fjármálaskilyrði og
lækkun eignaverðs munu draga úr
eftirspurn og verðbólguþrýstingi.
Á móti gæti komið lækkun á gengi
krónunnar sem enn er hátt í lang-
tímasamhengi. Áframhaldandi
styrkur krónunnar er háður vilja
erlendra fjárfesta til að nýta sér
vaxtamun og þar með að fjár-
magna viðskiptahallann,“ sagði
Davíð. ingimar@frettabladid.is
Ekkert slakað á klónni
Greiningardeild Kaupþings segir
að kveði við nýjan tón í ákvörðun
Seðlabankans. „Nú er vísað til
fjármálastöðugleika fremur en
verðstöðugleika.“ Órói á fjármála-
mörkuðum ytra og lækkanir á
eignaverði – bæði á hlutabréfum
og fasteignum – muni kæla hag-
kerfið og þrýsta niður verðbólgu.
Forsendur hafi skapast fyrir hrað-
ara vaxtalækkunarferli en áður
var gert ráð fyrir.
Hraðari
lækkun
Greiningardeild Landsbankans
telur að stýrivextir hafi nú náð
hámarki. „Samkvæmt spá okkar
skapast forsendur fyrir lækkun
um mitt næsta ár. Lækkandi fast-
eignaverð gerir það að verkum að
2,5 prósenta verðbólgumarkmið
Seðlabankans næst tímabundið við
lok næsta árs en verðbólga eykst
síðan á nýjan leik. Í lok árs 2009
verður verðbólgan um 5,5 prósent
en fer svo hjaðnandi á árinu 2010.“
Vextir
í hámarki
„Vextir verðtryggðra langtíma-
skuldabréfa, sem lengi tóku lítt
mið af auknu peningalegu
aðhaldi, hafa hækkað skarpt í ár,
ekki síst eftir síðustu hækkun
stýrivaxta.
Verð hlutabréfa hefur einnig
lækkað verulega undanfarna
mánuði sem eykur fjármagns-
kostnað fyrirtækja og veikir
efnahagsreikning þeirra og heim-
ilanna. Þessi þróun leiðir væntan-
lega til lækkunar á verði fast-
eigna á næstu misserum eins og
þegar hefur orðið víða erlendis.
Slík framvinda mun hafa bein
áhrif á verðbólgu í gegnum hús-
næðislið vísitölunnar og óbein
áhrif vegna minni innlendrar
eftirspurnar.“
Úr rökstuðningi Seðlabankans
ARNÓR SIGHVATSSON OG DAVÍÐ ODDSSON RÆÐAST VIÐ Varasamt að leggja of mikið
upp úr áhrifum óbreyttra vaxta. FRÉTTABLAÐIÐ/VILHELM
VÖXTUM VAR HALDIÐ ÓBREYTTUM Ákvörðun Seðlabankans mun væntanlega leiða til
lækkunar á verði fasteigna á næstu misserum. FRÉTTABLAÐIÐ/HEIÐA
Gengi krónu
hefði lækkaði
Greiningadeild Glitnis spáði
óbreyttum vöxtum og segir að
skiptar skoðanir hefðu verið
um það á markaði hvort vextir
yrðu ef til vill hækkaðir. Það
megi merkja á því að gengi
krónunnar hefði lækkað strax
við opnun markaða í gærmorg-
un og ávöxtunarkrafa skulda-
bréfa einnig. Greiningin telur
líklegt að það sé yfirskot sem
gangi til baka á næstu dögum.
MARKAÐSPUNKTAR
Bear Stearns, fimmti stærsti fjár-
festingar bankinn á Wall Street í
Bandaríkjunum, skilaði „rauðum tölum“
á síðasta ársfjórðungi, að því er grein-
ingardeild Kaupþings segir. Mun þetta
vera í fyrsta sinn sem það gerist eftir að
félagið var skráð á markað 1985.
Fram kemur að afskriftir fasteigna-
tengdra verðbréfa Bear Stearns hafi
numið um 1,9 milljörðum dollara, eða
yfir 120 milljörðum króna. Þetta er sagt
slaga hátt upp í hreinar rekstrartekjur
bankans á fjórðungnum.
Launavísitalan hækkaði um 0,4 prósent
í nóvember samkvæmt tölum sem
Hagstofa Íslands birti í gær. Miðað við
tólf mánaða tímabil hefur launavísital-
an hækkað um 8,3 prósent, miðað við
8,1 prósent í október. Greiningardeild
Landsbankans segir hækkun undan-
farinna mánaða jafngilda um það bil
hálfu prósentustigi á milli mánaða.
Andri Már Ingólfsson, 44 ára for-
stjóri og eigandi Primera Travel
Group, er maður ársins í íslensku
atvinnulífi árið 2007,
að mati dómnefndar
Frjálsrar verslunar.
Í tilkynningu
tímaritsins kemur
fram að Andra hljót-
ist heiðurinn fyrir
framúrskarandi
árangur við að stækka
eigin fyrirtæki, athafna-
semi og djarflega
framgöngu við yfir-
tökur á erlendum ferðaskrifstof-
um.
Auk þess að vera eini eigandi
Primera Travel Group á Andri
Már 80 prósent í flugfélaginu Jetx
– Primera Air og fyrirtækið
Heimshótel sem keypti gamla
Eimskipafélagshúsið þar sem nú
er Hótel Radisson SAS 1919.
Verðlaun Frjálsrar verslunar
verða afhent í Súlnasal
Hótels Sögu föstu-
daginn 28. desem-
ber næstkom-
andi. - óká
Andri Már maður ársins