Fréttablaðið - 21.12.2007, Qupperneq 46

BLS. 6 | sirkus | 21. DESEMBER 2007
„Jólafötin okkar eru úr versluninni okkar, KronKron,“ segir Hugrún Dögg Árnadóttir
fatahönnuður en hún og kærasti hennar, Magni Þorsteinsson hárgreiðslumaður, reka
saman verslunina. „Ég ætla að vera í kjól frá Eley Kishimoto, sem er í miklu uppáhaldi
hjá mér, en munstrið í kjólnum er innblásið frá himingeiminum,“ segir Hugrún en
kjólinn hefur hún notað áður við hátíðleg tilefni. „Við kjólinn ætla ég að nota brúnleita
sokka og sokkabuxur frá Gaspard Yurkevich og bronslitaða Soniu Ryckel skó.“ En
sokkana notar Hugrún yfir sokkabuxurnar og gefa þeir alklæðnaðinum skemmtilegt
yfirbragð.“ Magni verður í skyrtu eftir franska hönnuðinn Eric Lebon sem er einn af
hans uppáhaldshönnuðum, Kott Poulsen svörtum einföldum buxum og skóm frá
Narrative,“ upplýsir Hugrún um jólaföt Magna að lokum.
PÁLL ÓSKAR
HJÁLMTÝSSON,
TÓNLISTAR-
MAÐUR
„Ég verð í geðveikum
túrkísbláum jakkafötum
sem Coco vinur minn gaf
mér fyrirfram í jólagjöf,“
upplýsir Páll Óskar
Hjálmtýsson um jólafötin í
ár, en Coco sérhannaði
jakkafötin fyrir Palla. „Coco
á heiðurinn af öllum
skrautlegu fötunum
mínum,“ segir Palli en eins
og alþjóð veit hefur Páll
Óskar unun af öllu því sem
glitrar og glóir. „Jakkafötin
eru útsaumuð með gylltum
þræði og skreytt pallíettum
og steinum. Fötin voru
saumuð í Bangladesh og
ég get ekki ímyndað mér
annað en að vinnan við að
gera bara efnið í fötin hafi
tekið heilan mánuð,“ segir
Páll Óskar en hver og ein
pallíetta er handsaumuð í
jakkafötin. „Við fötin ætla
ég að nota einfalda hvíta
skyrtu og hvíta skó og þá
er jóla-lookið fullkomnað,“
segir Páll Óskar að lokum
alsæll með jólafötin sem
eru listaverk út af fyrir sig.
ÁSTA KRISTJÁNSDÓTTIR, LJÓSMYNDARI
OG FRAMKVÆMDASTJÓRI ESKIMO MODELS
„Jólakjóllinn er svartur kjóll frá E-label,“ segir Ásta Kristjánsdóttir en E-
label er samstarfsverkefni fatahönnuðarins Ása, Ástu og Andreu Brabin
og eru fötin eingöngu seld á netinu. „Hönnun Ása er í miklu uppáhaldi hjá
mér og ég var fljót að festa kaup á þessum kjól þegar ég sá hann, en
þessir kjólar seldust upp á fjórum dögum,“ segir Ásta ánægð með kaupin
en hún mun klæðast kjólnum í fyrsta skipti á jólunum. „Kjólinn er hægt að
nota á marga vegu og við ólík tækifæri, allt eftir því hvað hentar hverju
sinni. Hægt er að taka slaufuna af kjólnum og við það verður hann
hversdagslegri,“ segir Ásta sem gæti vel hugsað sér að nota kjólinn
jafnframt í vinnunni án slaufunnar og vera þá í grófari stígvélum við.
HALLGERÐUR HALLGRÍMSDÓTTIR, STÍL-
ISTI OG BLAÐAMAÐUR Á NÝJU LÍFI
„Jólakjóllinn er silfurlitaður vintage Therry Mugler-kjóll,“ segir
Hallgerður Hallgrímsdóttir, stílisti og blaðamaður á Nýju lífi, en kjólinn
fann hún í búð finnska hjálpræðishersins í borginni Turku í Finnlandi.
„Mig minnir að ég hafi borgað eitthvað í kringum 1.000 kr. fyrir
kjólinn sem hefði örugglega verið talsvert dýrari hefði ég fundið hann
í París,“ bætir Hallgerður við, en kjólinn hefur hún notað nokkrum
sinnum áður. „Við kjólinn ætla ég að vera í bleikum sokkum frá Agent
Provocateur og dökkrauðu lakkskónum mínum,“ segir Hallgerður en
skórnir eru í miklu uppáhaldi hjá Hallgerði. „Ég var stödd í Amster-
dam og var að leita mér að tjaldi þegar ég sá skóna og hef ekki séð
eftir þeim kaupunum enda hef ég notað skóna mikið. Mér finnst að
allar konur ættu að eiga lakkskó með bandi yfir ristina,“ segir
Hallgerður að lokum sem eflaust mun lýsa upp íslenska skammdegið
í silfurlitaða jólakjólnum.
HARPA EINARSDÓTTIR,
FATAHÖNNUÐUR OG TEIKNARI
„Ég verð í silfurgráum kjól frá Starkiller,“ segir Harpa Einarsdóttir
fatahönnuður. Starkiller er merki þeirra Hörpu og Selmu Ragnarsdótt-
ur klæðskera en þær reka hönnunarstúdíó og verslun í verslunarhús-
næði Kjörgarðs á Laugaveginum á þriðju hæð og sérhæfa sig í að
hanna og sauma fyrir einstaklinga. „Toppstykkið á kjólnum er alskreytt
pallíettum og pilsið er úr shiffon-silki og organsa-efni,“ segir Harpa um
jólakjólinn sem hún notar í fyrsta skipti á jólunum, en við kjólinn ætlar
Harpa að klæðast svörtum gúmmi-gammósíum frá American Apparel.
„Ég hvet alla þá sem vilja öðruvísi jóla- og áramótadress að kíkja til
okkar á hönnunarverkstæðið í Kjörgarði,“ bætir Harpa við að lokum.
HUGRÚN DÖGG ÁRNADÓTTIR OG MAGNI ÞOR-
STEINSSON HÁRGREIÐSLUMAÐUR, EIGENDUR
VERSLUNARINNAR KRONKRON
Jólafötstjarnanna