Fréttablaðið - 21.12.2007, Side 54

21. DESEMBER 2007 FÖSTUDAGUR6 ● fréttablaðið ● jólin koma
Það er löng saga að baki því að
Auður ákvað að taka kaþólska trú
en hún reyndi þó að gera söguna
stutta. „Ég bjó í yfir tíu ár í kaþ-
ólskum löndum, Frakklandi og Ít-
alíu, og var alltaf svolítið leið yfir
að geta ekki farið til altaris. Svo
er ég listfræðingur og fer mikið í
kirkjur að skoða myndlist en ég
hef auk þess alltaf verið veik fyrir
menningu og listum miðalda. Á
þeim tíma er meirihlutinn af mynd-
list trúarleg, kaþólsk myndlist og
eru öll fegurstu listaverk fyrri
tíma í raun kaþólsk,“ segir Auður
og bætir við að síðar komi mynd-
brotaaldirnar með siðaskiptun-
um. Þá var öllu hent úr kirkjunum
og haldnar stórar myndabrennur.
„Í raun gerði kaþólskan myndinni
hátt undir höfði en með lúther-
skunni kemur orðið í staðinn. Ég lít
því á siðaskiptin sem mikið sorgar-
tímabil í sögu myndlistar,“ útskýrir
Auður. Hún segist líka vera hrifin af
hinum óbreytanlega trúarlega tíma
til mótvægis við hraða og efnis-
hyggju nútímans. „Mér finnst kaþ-
ólska messuformið ákaflega fallegt
og gott að vera laus við skírskotan-
ir í samtímann. Annars er trú full-
vissa byggð á persónulegri reynslu
og það er mjög erfitt að ræða það
og útskýra. Ást og trú eru af sömu
rót tilfinninga og verða ekki nema
að litlu leyti rökstuddar en ég flétta
þetta tvennt saman í nýju bókinni
minni,“ segir Auður einlæg.
En hafa siðaskipti Auðar haft
einhver áhrif á jólasiði hennar?
„Það er nú þannig á Íslandi að það
eru ekki endilega allir í fjölskyld-
unni kaþólskir og við fylgjum bara
íslenskum jólasiðum. Það er borð-
að saman og haldið upp á aðfanga-
dagskvöld en ekki bara jóladag
eins og tíðkast í kaþólskum lönd-
um. Þó hafa ýmsir fallegir siðir
komið inn eins og yndisleg barna-
messa í Landakotskirkju sem er
seinnipart aðfangadags. Síðan ger-
ist í raun ekkert fyrr en með mið-
næturmessunni þegar jólunum er
hringt inn hjá kaþólikkum og svo
er morgunmessa á jóladag.“ Sið-
irnir draga því dám af umhverfi
sínu og tíðaranda. „Ég hef verið um
nokkur jól í kaþólskum löndum og
hef meðal annars verið í Róm tvisv-
ar. Þá fór ég í messu hjá páfanum,
Jóhannesi Páli II. Það var miðnæt-
urmessa og var hún svakalega löng
og var ég orðin ansi þreytt klukkan
þrjú,“ segir Auður sællar minning-
ar en oft er farið á bar eða veitinga-
hús eftir þá messu.
Nýútkomin bók Auðar, Afleggj-
arinn, er ástarsaga ungs manns
sem fer til útlanda með þrjá rós-
arafleggjara. „Rósin er mikilvæg í
kaþólskri trú en hún er aldagamalt
tákn Maríu meyjar. Einnig er mikið
í bókinni um þrenningar og ljósið og
persónur heita biblíunöfnum. Þar
er líka að finna klausturgarð, tólf
munka og ein mikilvægasta auka-
persóna bókarinnar er kaþólskur
prestur í kaðla peysu,“ segir Auður
en bætir við: „Það hefur verið bent
á trúarlegan undirtón sögunnar
en bókin hefst á dauða og upprisu
söguhetju. Það þarf þó í sjálfu sér
ekki að skilja öll trúarlegu táknin
í bókinni en ég fer frjálslega með
þau. Táknin eru ýmiss konar en
síðast en ekki síst er það hinn eini
sanni afleggjari bókarinnar sem
er lítið stúlkubarn sem ungi strák-
urinn eignast með eins konar vin-
konu vinar síns,“ segir Auður en
litla stúlkan er undrabarn eins og
börn hafa áður verið í skáldsögum
Auðar. Bókin er ástarsaga sem fjall-
ar um óvænta vinkla ástarinnar og
ófyrirsjáanleg samskipti kynjanna.
Auður telur að kaþólikkar lesi
kannski bókina öðruvísi en aðrir.
„Þeir finna í henni fleiri tákn en
það gerist oft þegar fólk skiptir um
trú að það hefur þörf fyrir að tjá sig
einhvern veginn tengt trúnni. Tákn-
in sem ég nota hafa líka verið mjög
stór þáttur í mínu lífi sem listfræð-
ingur en ég lifi og hrærist í tákn-
heimi myndlistarinnar. Afleggjar-
inn er sjálfsagt að einhverju leyti
mín kaþólska Maríuvísa,“ segir
Auður kímin. - hs
Mín mæta Maríuvísa
● Sinn er siður í landi hverju en oftast eru þeir þó fleiri en einn. Auður A. Ólafsdóttir,
listfræðingur og rithöfundur, tók nýlega kaþólska trú og var að gefa út nýja bók.
Ef styttir upp fyrir jól ætlar Auður að klifra upp í tré og hengja upp kaþólska jólaser-
íu. FRÉTTABLAÐIÐ/VÖLUNDUR
í uppáhaldi um jólin
● TEKUR TIL MEÐ DOLLY PARTON „Uppáhaldsjólalagið mitt
er Gleði og friðarjól í flutningi Ragnheiðar Gröndal,“ segir Sigríður Árdal,
nemi við Menntaskólann á Akureyri og mjaltakona úr Dæli í Fnjóskadal.
Hún segir flutning Ragnheiðar á laginu alveg einstakan. „Lagið er svo
fallegt og friðsælt og kemur manni í jólaskap. Annars hlusta ég oftast
á Winter Wonderland með Dolly Parton þegar ég er að gera jólahrein-
gerninguna.“
● ARNALD INDRIÐASON Í JÓLAPAKKANN „Ég gæti hugs-
að mér að fá Arnald Indriðason í jólapakkann,“ segir Jóhanna Gunn-
arsdóttir skrifstofumaður. „Ég á margar af hinum bókunum hans og
hef gaman af þeim.“ Spurð um sitt uppáhalds jólalag segir hún Hvít jól
koma sér í mikið hátíðarskap.
WWW.GAP.IS
BRETTI & BINDINGAR KONUR
BRETTI LUX OG FEATHER
BINDINGAR STILETTO
BRETTI & BINDINGAR KARLAR
BRETTI CLASH, DOMINANT &
CUSTOM
BINDINGAR CUSTOM
BURTON ÚLPUR
BURTON BUXUR
ANON GLERAUGU
OPIÐ
ALLA

DAGA
TIL J
ÓLA