Fréttablaðið - 21.12.2007, Síða 112

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Þórgunnar
Oddsdóttur
Í dag er föstudagurinn 21.
desember, 355. dagur ársins.
11.21 13.26 15.30
11.37 13.10 14.43
Á aðfangadag árið 1930 varð afi minn næstum því úti í stór-
hríð á Laxárdal í Húnavatnssýslu.
Hann var ellefu ára gamall og
hafði farið fótgangandi á milli
bæja til að útvega lampaglas í
olíulampann á bænum svo ekki
yrði ljóslaust í baðstofunni á
aðfangadagskvöld. Glasið fékk
hann hjá hreppstjóranum en á
bakaleiðinni skall á blindbylur svo
drengurinn ætlaði aldrei að rata
heim enda ekkert ljós í baðstofu-
glugganum heima til að vísa veg-
inn.
MÉR varð hugsað til þessarar
sögu um daginn þar sem ég stóð
fyrir framan fjall af jólaseríum í
Húsasmiðjunni og valdi jólaljós í
stofugluggann. Í allsnægtum
nútímans virtist sagan af afa með
lampaglasið næstum jafn forn og
frásögnin af þunguðu konunni
sem fékk hvergi gistingu og leit-
aði skjóls í fjárhúsi til að ala barn
sitt.
ÉG sá fljótt að för mín í búðina til
að sækja jólaljós á tilboði og
akstur inn heim í heitum bílnum
yrði aldrei efni í góða sögu. Satt að
segja varð ég frekar sorgmædd
þegar ég áttaði mig á því að lífið á
Íslandi væri hreinlega orðið of
þægilegt til að spennandi jóla-
sögur eins og sagan af afa mínum
gætu átt sér stað. Það háskaleg-
asta sem mér datt í hug að gæti
hent mig við jólaundirbúninginn
var ef það liði yfir mig í æstri bið-
röðinni við kassann í Toys „R“ Us
eða að ég slasaði mig á hlaupa-
brettinu í ræktinni í öllum hama-
ganginum sem fylgir því að kom-
ast í kjólinn fyrir jólin.
ÞÓTT lífsstílsblöðin þreytist ekki
á að sýna okkur hvernig við getum
átt fullkomin jól er það nú yfirleitt
þannig að bestu jólaminningarnar
eru frá þeim jólum þegar eitthvað
misheppnast. Ekki síst þegar lífs-
gæði okkar skerðast á einhvern
hátt svo við þurfum að sætta okkur
við fátæklegra jólahald en ella. Í
flestum fjölskyldum eru til klass-
ískar jólasögur af slíkum hrakför-
um. Eins og þegar eldavélin bilaði
á aðfangadag og elda þurfti ham-
borgarhrygginn á prímus eða
sagan frá árinu sem jólatrén seld-
ust upp og stærstu pottaplöntunni
á heimilinu var í skyndi breytt í
jólatré.
ÞAÐ má því hiklaust mæla með
því að fólk gleymi jólastressinu og
reyni í staðinn að klúðra einhverju
um jólin. Kannski verður það ekki
efni í sögu upp á líf og dauða eins
og í tilfelli afa míns en það verður
ábyggilega skemmtilegra frásagn-
ar en angurvær lýsing á fullkomn-
um jólum.
Jólasögur