Fréttablaðið - 11.01.2008, Blaðsíða 2

2 11. janúar 2008 FÖSTUDAGUR
DÓMSMÁL Bandarískur saksóknari,
sem sótti Aron Pálma Ágústsson
til saka fyrir kynferðisbrot gegn
barni, heldur því fram að Aron
Pálmi sé sekur um fleiri og alvar-
legri brot en hann var ákærður og
sakfelldur fyrir. Þetta kemur fram
á vefmiðlinum visir.is.
Hér á landi væri algerlega frá-
leitt að saksóknari segði mann
sekan um brot sem hann hefði ekki
verið ákærður eða dæmdur fyrir.
Slíkt væri brot gegn stjórnarskrá
og mannréttindasáttmála, segir
Björg Thorarensen, forseti laga-
deildar Háskóla Íslands.
Aron Pálmi var sakfelldur fyrir
brot gegn sex ára dreng sem hann
framdi ellefu ára gamall, og dæmd-
ur í tíu ára fangelsi í Texas í Banda-
ríkjunum árið 1997.
Mike Trent, saksóknari í Harris-
sýslu í Texas, skrifar um málið á
vefinn icelandweatherreport.com,
og segir þar brot Arons gegn
drengnum umfangsmeira en hann
hafi verið dæmdur fyrir. Hann
heldur því einnig fram að Aron
Pálmi hafi brotið gróflega gegn
þremur öðrum drengjum, og hótað
að myrða fjölskyldu eins þeirra.
Fram kemur á visir.is að Trent
hafi staðfest símleiðis að hann hafi
skrifað umræddan pistil.
„Hér á landi [...] er almennt litið
svo á að maður sé saklaus uns sekt
er sönnuð fyrir dómstólum,“ segir
Björg Thorarensen. „Það er afar
óábyrgt af saksóknara að lýsa yfir
sekt manns um eitthvað. Hér á
landi myndi það brjóta gegn bæði
stjórnarskrá og mannréttindasátt-
mála Evrópu að ákæruvaldið lýsti
yfir sekt manns um eitthvað sem
ekki hefur verið rannsakað til
hlítar og ekki ákært eða dæmt
fyrir.“ Hún bendir á að Bandaríkin
séu aðilar að samningi Sameinuðu
þjóðana um borgaraleg og stjórn-
málaleg réttindi, þar sem friðhelgi
einkalífs og réttur manns til að
teljast saklaus uns sekt er sönnuð
er varinn.
„Svona gera menn í opinberum
embættum ekki, og þykir mér sem
hann gangi ekki heill til skógar,“
segir Bragi Guðbrandsson, for-
stjóri Barnaverndarstofu.
Bragi fór tvisvar til Texas vegna
máls Arons Pálma, og þekkir vel
til. Bragi segir þær ásakanir sem
Trent setur fram nú ekki réttar
samkvæmt því sem hann best viti.
Ekki náðist í Aron Pálma vegna
málsins í gær. Í samtali við visir.is
segist hann staðráðinn í því að
sækja Trent til saka fyrir ofsóknir
gegn sér.
„Þessi maður hefur hótað því að
gera líf mitt að lifandi helvíti og ég
get ekki setið undir því. Ég verð að
grípa til varna fyrir mig og fjöl-
skyldu mína,“ er haft eftir Aroni
Pálma á visir.is.
brjann@frettabladid.is/karen@frettabladid.is
Svona gera menn í opin-
berum embættum ekki,
og þykir mér sem hann gangi
ekki heill til skógar.
BRAGI GUÐBRANDSSON
FORSTJÓRI BARNAVERNDARSTOFU
Baldvin, hvernig verður maður
ókrýndur skemmtistaða-
kóngur?
„Það krefst mikillar bar-áráttu.“
Baldvin Samúelsson, hefur eignast
skemmtistaðinn Óliver við Laugaveg en
fyrir á hann Q-bar og Barinn. Eftir nýjustu
kaup hans á Óliver hefur því verið fleygt
að hann sé orðinn ókrýndur skemmtana-
kóngur í Reykjavík.
NÝ KENNSLUBÓK Í ÍTÖLSKU ÍTALSKA FYRIR ALLA EFTIR PAOLO TURCHI
BUON ANNO!
D
Y
N
A
M
O
R
E
Y
K
JA
V
ÍK
Skráning á lingva.is
eða í s. 561 0315.
D
Y
N
A
M
O
R
E
Y
K
JA
V
ÍK
Námske
ið
í ítölsku
hjá
Málask
ólanum
Lingva
hefjast
22. janú
ar.
Aðgengileg bók fyrir
byrjendur sem lengra
komna eftir Paolo Turchi.
JERÚSALEM, AP George W. Bush Bandaríkjaforseti
segist ætla að gera allt sem í hans valdi standi til
að friðarsamkomulag milli Ísraels og Palestínu
náist fyrir árslok þegar forsetatíð hans lýkur.
Í þriggja daga heimsókn sinni í Jerúsalem, sem
lýkur í dag, hefur Bush fundað með Ehud Olmert,
forsætisráðherra Ísraels, og Mahmoud Abbas,
forseta Palestínu. Eftir fundina sagði hann ljóst að
friðarsamkomulag fæli í sér „sársaukafullar
pólitískar málamiðlanir“ af beggja hálfu.
Bush gaf í gær ítarlegustu lýsinguna hingað til á
hvað friðarsamkomulag þyrfti að fela í sér og var
beinskeyttari í máli en áður. Meðal atriða nefndi
hann öryggi Ísraels, samliggjandi ríki Palestínu og
að breytingar þyrfti að gera á landamærum Ísraels
sem mörkuð voru með vopnahléssamningunum
1949. Vísaði hann þar til landnemabyggða Ísraela á
umdeildum svæðum sem Ísrael vill halda þegar
ríki Palestínu verður myndað.
Bush gerði sér far um að nota orðið „hernám“ til
að lýsa stjórn Ísraela á landi sem ætti að tilheyra
sjálfstæðu ríki Palestínu. „Binda á enda á her-
námið sem hófst árið 1967. Samkomulagið þarf að
koma á fót Palestínu sem heimalandi Palestínu-
manna alveg eins og Ísrael er heimaland gyðinga.“
- sdg
George W. Bush Bandaríkjaforseti setur aukinn þrýsting á Ísrael og Palestínu:
Friðarsamkomulag náist innan árs
GEORGE W. BUSH BANDARÍKJAFORSETI Heimsótti kirkju Grísku
rétttrúnaðarkirkjunnar þar sem prestar tóku á móti honum.
NORDICPHOTOS/AFP
DÓMSMÁL Sex karlmenn hafa verið
ákærðir í svokölluðu Pólstjörnu-
máli, þar sem reynt var að smygla
tugum kílóa af amfetamíni til
landsins með skútu. Þetta
staðfestir Kolbrún Sævarsdóttir,
saksóknari hjá Ríkissaksóknara.
Gæsluvarðhald yfir einum
sexmenninganna var framlengt í
gær, en alls sitja fimm af sex
sakborningum í varðhaldi.
Að auki situr sjöundi maðurinn í
gæsluvarðhaldi í Færeyjum, en
lögregla telur að skútumenn hafi
skilið eftir rúmlega eitt kíló af
fíkniefnum þar. Kolbrún segir að
yfirvöld í Færeyjum muni taka
ákvörðun um ákæru á hendur
þeim einstaklingi. - bj
Sakaðir um fíkniefnasmygl:
Sex ákærðir í
Pólstjörnumáli
VIÐSKIPTI Úrvalsvísitalan í
Kauphöll Íslands, sem mælir
verðmæti stærstu skráðra
fyrirtækja í Kauphöll Íslands,
hækkaði um 1,18 prósent í gær.
Er þetta fyrsti dagurinn á árinu
sem vísitalan hækkar. Mikil
hækkun var í byrjun dags, eða
tæp fimm prósent, en svo lækkaði
vísitalan rólega þegar leið á
daginn.
Samkvæmt upplýsingum
Fréttablaðsins voru fjármála-
fyrirtæki og lífeyrissjóðir stærstu
kaupendur hlutabréfa í gær.
Frá áramótum hefur úrvalsvísi-
talan lækkað um rúm tólf
prósent. Aðeins Marel hefur
hækkað það sem af er ári, um tvö
prósent. - bg
Viðsnúningur í Kauphöllinni:
Fyrsta hækkun
ársins í gær
STJÓRARNIR HJÁ MAREL Marel er eina
félagið sem hefur hækkað frá ára-
mótum. FRÉTTABLAÐIÐ/GVA
Ásakanir saksóknara
brot á mannréttindum
Bandarískur saksóknari segir Aron Pálma sekan um kynferðisbrot gegn fleiri
börnum. Mannréttindi að teljast saklaus uns sekt er sönnuð segir lagaprófessor.
Aron Pálmi sakar saksóknarann um ofsóknir og boðar málsókn gegn honum.
ARON PÁLMI ÁGÚSTSSON „Þessi maður hefur hótað því að gera líf mitt að lifandi
helvíti og ég get ekki setið undir því. Ég verð að grípa til varna fyrir mig og fjölskyldu
mína,“ er haft eftir Aroni Pálma á visir.is. FRÉTTABLAÐIÐ/VÖLUNDUR
VIÐSKIPTI VBS fjárfestingarbanki
hefur fyrir hönd óstofnaðs félags
keypt Blikastaðaland í Mosfellsbæ
af Íslenskum aðalverktökum og
Blikastöðum ehf.
Óstofnað dótturfélag Holtasels
ehf., móðurfélags Eyktar hf., mun
taka við eignarhaldinu og standa
fyrir frekari þróun og uppbygg-
ingu, að því er fram kemur í bréfi
VBS til Mosfellsbæjar.
Þar er tilkynnt um eigendaskipti
á landinu og óskað eftir viðræðum
við sveitarfélagið um uppbygg-
ingu. Í tilkynningu kemur fram að
ætlunin sé að hefja framkvæmdir
á næsta ári. Í skipulagi er gert ráð
fyrir 1.800 íbúðum á svæðinu. - bj
Óstofnað systurfélag Eyktar:
Hefur keypt
Blikastaðaland
REYKJAVÍK Mikilvægt er að
Borgarleikhúsið, sem rekið er
fyrir skattfé borgarbúa, gæti
jafnræðis gagnvart leiklistar-
gagnrýnendum varðandi aðgang
að frumsýningum, jafnvel þótt
stjórnendur kunni að vera ósáttir
við skrif einstakra manna.
Þetta segir í bókun sem
fulltrúar Sjálfstæðisflokks í
menningar- og ferðamálaráði
Reykjavíkurborgar lögðu fram á
fundi ráðsins í gær.
Fulltrúarnir lýsa undrun sinni á
því að einn helsti leiklistargagn-
rýnandi landsins hafi verið tekinn
af boðslista frumsýningargesta í
kjölfar gagnrýni á sýningu. - bj
Sjálfstæðismenn í borginni:
Borgarleikhúsið
gæti jafnræðis
Kerry styður Barack Obama
John Kerry, fyrrverandi forsetafram-
bjóðandi í Bandaríkjunum, hefur lýst
yfir stuðningi við framboð Baracks
Obama til forsetaefnis Demókrata-
flokksins.
BANDARÍKIN
DÓMSMÁL Mannréttindanefnd Sam-
einuðu þjóðanna hefur dæmt
tveimur íslenskum sjómönnum í vil
í máli þeirra gegn íslenskum stjórn-
völdum vegna kvótalausra veiða. Í
úrskurðinum segir að stjórnvöld-
um beri að veita sjómönnunum full-
ar bætur og koma á fót fiskveiði-
stjórnunarkerfi sem uppfylli
alþjóðalög. Í úrskurðinum kemur
fram að kvótakerfið hygli þeim
sem upphaflega fengu úthlutað
kvóta, sem byggist ekki á sann-
girni, en jafnframt að markmið lag-
anna, að vernda fiskistofna, sé lög-
mætt.
Lúðvík Kaaber, lögmaður mann-
anna, segir að í niðurstöðu nefndar-
innar segi að íslenskum stjórnvöld-
um sé skylt að rétta hlut kærenda
að fullu og veita þeim fullnægjandi
bætur. „Eins segir þar að endur-
skoða skuli fiskveiðistjórnunar-
kerfið. Þetta liggur skýrt fyrir.
Hæstiréttur felldi úrskurð gegn
sjómönnunum sem þá sendu mál
sitt til mannréttindanefndarinnar,
en íslensk stjórnvöld hafa skuld-
bundið sig til að virða úrskurðar-
vald nefndarinnar.“
Umræddir sjómenn keyptu
kvótalausan bát og ákváðu að halda
til veiða kvótalausir. Það var gert
til að reyna á 75. grein stjórnar-
skárinnar um að hverjum manni sé
frjálst að stunda þá atvinnu sem
hann kýs. Þeir töldu það mannrétt-
indabrot að fá ekki úthlutað kvóta
og geta stundað sjómennsku á
atvinnutæki sínu. - shá
Mannréttindanefnd SÞ úrskurðar gegn ríkinu vegna kvótalausra veiða við landið:
Endurskoða skal kvótakerfið
LÖNDUN Úrskurður mannréttinda-
nefndarinnar er þvert á rökstuðning fyrir
lögmæti fiskveiðistjórnunarkerfisins.
FRÉTTABLAÐIÐ/GVA
BJÖRGUN Fullvaxta labrador-
hundur komst í hann krappann við
Rauðavatn um fimmleytið í gær
eftir að hafa hlaupið út á þunnan
ísinn. Ísinn gaf sig undan þunga
hans og úr vökinni komst hvutti
ekki.
Slökkvilið höfuðborgarsvæðis-
ins brást skjótt við og komu
björgunarmenn ásamt sérútbúnum
ísbjörgunarbát til bjargar. Segir
Ólafur Ingi Grettisson aðstoðar-
varðstjóri björgunarmenn ekki
hafa hikað við að nota hann við
björgunina. Hundi og björgunar-
mönnum heilsast vel. - kdk
Slökkviliðið höfuðborgarinnar:
Hundsbjörg varð
SPURNING DAGSINS