Fréttablaðið - 11.01.2008, Blaðsíða 8

8 11. janúar 2008 FÖSTUDAGUR
VIÐSKIPTI Guðmundur Hauksson,
forstjóri SPRON, segir ekki óeðli-
legt að stjórnarmenn í SPRON
hafi selt stofnfjárbréf sín á óskráð-
um markaði áður en félagið var
skráð á markað. Ferlið hafi allt
verið gagnsætt og lögum sam-
kvæmt.
„Við settum alveg skýrar reglur
um markaðinn sem var til með
stofnfjárbréf í SPRON. Samkvæmt
þeim reglum gátu þeir sem töldust
innherjar ekki verið að kaupa og
selja bréf ef þeir bjuggu yfir upp-
lýsingum, til dæmis um rekstur-
inn, sem aðrir höfðu ekki. Reglun-
um var stranglega framfylgt og
það var farið eftir þeim í einu og
öllu,“ sagði Guðmundur.
Eins og greint var frá í Frétta-
blaðinu í gær hefur Saga Capital
fjárfestingarbanki gert tilkall til
þess að fá yfirráð yfir eignarhalds-
félaginu Insolidum sem er í eigu
Daggar Pálsdóttur, hæstaréttar-
lögmanns og varaþingmanns Sjálf-
stæðisflokksins, og Páls Ágústs
Ólafssonar sonar hennar. Er það
gert þar sem félagið skuldar bank-
anum vegna láns upp á 560 millj-
ónir sem það tók á sumarmánuð-
um í fyrra til þess að fjármagna
kaup á stofnfjárbréfum í SPRON.
Bréfin hafa lækkað gríðarlega.
Þegar félagið var skráð á markað
var upphafsgengið 18,9 en í lok
dags í gær var gengið 8. Greint var
frá því í Fréttablaðinu í október að
stofnfjárbréf í SPRON hefðu
gengið kaupum og sölum á geng-
inu 24 til 30 áður en það var skráð
á markað.
Samkvæmt heimildum Frétta-
blaðsins hafa tugir fjárfesta tapað
milljónum, jafnvel tugum og
hundruðum, vegna mikilla lækk-
ana á bréfum í SPRON að undan-
förnu.
Í málflutningi í dómsmáli Saga
Capital gegn Insolidum sagði
Jóhannes Karl Sveinsson, hæsta-
réttarlögmaður og lögmaður Insol-
idum, að stjórnarmaður í SPRON,
Gunnar Þór Gíslason, hefði verið
að „nota banka, sem hann ætti stór-
an hlut í, til að selja hluti sína á
grundvelli leynilegs verðmats“.
Capacent verðmat SPRON á 60
milljarða króna en stofnfjárbréfin
voru seld til Insolidum miðað við
að verðið á SPRON væri rúmlega
100 milljarðar. Sundagarðar hf.,
sem Gunnar stýrir, á rúmlega ell-
efu prósent í Saga Capital.
Gunnar Þór neitaði þessu í
Fréttablaðinu í gær og sagði eðli-
lega hafa verið staðið að sölunni en
Saga Capital keypti bréfin.
Guðmundur segir það alveg ljóst
að verðmatið hafi ekki verið leyni-
legt heldur þvert á móti verið gert
opinbert og um það fjallað í fjöl-
miðlum í kjölfarið. „Verðmatið fór
ekki leynt, síður en svo, og var
aldrei í leynilegri meðferð stjórnar-
manna. Allir fjölmiðlar fjölluðu
um það og við sendum einnig frá
okkur fréttatilkynningu um verð-
matið þegar það var tilbúið,“ sagði
Guðmundur. magnush@frettabladid.is
Reglunum var stranglega
framfylgt og það var farið
eftir þeim í einu og öllu.
GUÐMUNDUR HAUKSSON
FORSTJÓRI SPRON
1. Um hvaða hús á Lauga-
veginum er deilt um þessar
mundir?
2. Hvað heitir formaður Starfs-
greinasambandsins?
3. Hver var rekinn sem fram-
kvæmdastjóri enska úrvals-
deildarliðsins Newcastle United
í vikunni?
SVÖRIN ERU Á SÍÐU 46
Skrifstofuvörur
- á janúartilboði
RV
U
N
IQ
U
E
01
08
02
Katrín Edda Svansdóttir,
sölumaður í þjónustuveri RV
Á tilboðií janúar 2008
Bréfabindi, ljósritunarpappír,
töflutússar og skurðarhnífur
1.398 kr. ks.
5 x 500 blöð í ks.
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
148 kr. stk.
Bréfabindi A4, 8 cm kjölur
Ásökunum um svik neitað
Guðmundur Hauksson, forstjóri SPRON, segir innherjaviðskipti með stofnfjárbréf í SPRON ekki hafa
stangast á við reglur. Lögmaður greindi frá meintum innherjasvikum stjórnarmanns SPRON.
KENÍA, AP Kofi Annan, fyrrverandi
framkvæmdastjóri Sameinuðu
þjóðanna, hefur tekið við af John
Kufuor, forseta Gana og sitjandi
leiðtoga Afríkusambandsins (AU),
sem sáttasemjari í deilu vegna
forsetakosninganna í Kenía sem
fram fóru 27. desember síðastlið-
inn. Í tilkynningu frá AU sagði að
Kufour hefði tekist að fá Mwai
Kibaki, forseta Kenía, og stjórnar-
andstöðuleiðtogann Raila Odinga
til að fallast á að vinna með hópi
sáttasemjara undir handleiðslu
Annans.
Alþjóðlegir eftirlitsmenn hafa
staðfest að kosningasvindl átti sér
stað og hefur kosningastjóri
Kibaki jafnvel viðurkennt að hann
geti ekki verið viss um hver vann
í raun og veru. Samkvæmt upplýs-
ingum á vef kenísku stjórnarinnar
vann Kibaki kosningarnar með 47
prósentum atkvæða. Odinga er
sagður hafa fengið 44 prósent.
Bandamenn Kibaki voru í gær
svarnir í embætti sem ráðherrar í
nýrri ríkisstjórn. Í ræðu á mið-
vikudaginn sagði Kibaki kosning-
unum „lokið, og hver sá sem telur
að hann geti breytt einhverju þar
um ætti að gera sér grein fyrir að
það er ekki hægt og verður aldrei
hægt“. Vísaði Kibaki frekari
kvörtunum til dómstóla sem eru
nánast alfarið skipaðir banda-
mönnum Kibakis eftir fimm ára
valdatíð hans. - sdg
Átök í Kenía í kjölfar umdeildra forsetakosninga:
Annan tekur að sér
hlutverk sáttasemjara
HLAUPIÐ FRÁ TÁRAGASI Mótmæli kvenkyns stuðningsmanna Odinga í Naíróbí,
höfuðborg Kenía, í gær voru leyst upp af lögreglu. NORDICPHOTOS/AFP
SVEITARSTJÓRNIR Bæjarráð
Reykjanesbæjar hefur hafnað
erindi Samtaka hernaðarandstæð-
inga um að lýsa sveitarfélagið
kjarnorkuvopnalaust.
„Reykjanesbær telur málið
ekki vera á sínu forræði þar sem
innan bæjarmarkanna er meðal
annars flugverndarsvæði sem er
á forræði Utanríkisráðuneytisins
og vísar í fyrri afstöðu,“ segir
bæjarráðið. Bæjarfulltrúi VG
sagðist styðja erindi hernaðar-
andstæðinga en sat þó hjá.
Í bréfi hernaðarandstæðinga til
Reykjanesbæjar kemur fram að
svars hafi verið beðið frá bænum
frá því 1. júní 2006. Reykjanes-
bær sé eitt af aðeins fimm
íslenskum sveitarfélögum sem
ekki hafi lýst sig laus við
kjarnorkuvopn. - gar
Kjarnavopn í Reykjanesbæ:
Ekki á forræði
bæjaryfirvalda
KJARNORKUSPRENGING Bæjarráð
Reykjanesbæjar hafnar því að lýsa
bæinn kjarnorkuvopnalausan.
DÖGG
PÁLSDÓTTIR
GUÐMUNDUR
HAUKSSON
UTANRÍKISMÁL Allir íslenskir friðar-
gæsluliðar á Srí Lanka munu fara
frá landinu í síðasta lagi 16. janúar
næstkomandi. Nú er unnið hörð-
um höndum að því að tryggja
öryggi heimamanna sem starfað
hafa með íslenskum og norskum
friðargæsluliðum.
Anna Jóhannsdóttir, forstöðu-
maður Íslensku friðargæslunnar,
segir að verið sé að skoða hvort
aðrar stöður finnist fyrir þá sem
unnið hafa með samnorrænu eftir-
litssveitunum, SLMM, til dæmis
innan stofnana Sameinuðu þjóð-
anna sem starfa áfram í landinu.
Allir friðargæsluliðar SLMM
þurfa að yfirgefa Srí Lanka í síð-
asta lagi 16. janúar, í kjölfar þess
að þarlend stjórnvöld sögðu upp
vopnahléssamkomulagi frá 2002.
Um 50 heimamenn starfa fyrir
sveitirnar, og er talið að þeir geti
verið í hættu eftir að friðar-
gæsluliðarnir yfirgefa landið.
Anna segir að meta þurfi stöðu
hvers og eins, þeir hafi gegnt mis-
munandi störfum fyrir SLMM,
einhverjir hafi verið við störf í
höfuðstöðvunum meðan aðrir hafi
farið um átakasvæði. Nú starfi
hópur fólks að því að tryggja
öryggi þessara einstaklinga.
Níu íslenskir friðargæsluliðar
hafa verið í landinu. Anna segir að
þeir fari heim í síðasta lagi 16. jan-
úar. Þó gætu nokkrir þeirra ílengst
eitthvað til að ganga frá, en það
verði ekki nema öryggi þeirra
verði tryggt. - bj
Íslenskir friðargæsluliðar á Srí Lanka vinna að því að tryggja öryggi heimamanna:
Koma heim í næstu viku
HERMENN Ófriðlegt hefur verið á Srí
Lanka undanfarið. Stjórnvöld sögðu
hinn 3. janúar síðastliðinn upp vopna-
hléssamkomulagi frá árinu 2002.
NORDICPHOTOS/AFP
SAMGÖNGUR Fella verður niður
gjaldtöku í Hvalfjarðargöngum
og hefja þarf strax framkvæmdir
við Sundabraut. Þetta kemur
fram í ályktun stjórnar Samtaka
sveitarfélaga á Vesturlandi.
„Nú eru teikn á lofti að
sambærileg göng á Norðurlandi
um Vaðlaheiði verði fjármögnuð
af ríkinu og skattgreiðendum
öllum,“ segir í ályktuninni.
Samtökin hvetja til þess að
framkvæmdir við Sundabraut
hefjist að norðanverðu frá
Kjalarnesi, að vegurinn um
Kjalarnes verði tvöfaldaður og
Hvalfjarðargöng sömuleiðis.
- sgj
Sveitarfélög á Vesturlandi:
Vilja gjaldfrjáls
Hvalfjarðargöng
SPRON Guðmundur Hauksson forstjóri segir SPRON hafa sett skýrar reglur um mark-
aðinn sem var til með stofnfjárbréf.
VEISTU SVARIÐ?