Fréttablaðið - 11.01.2008, Blaðsíða 10

10 11. janúar 2008 FÖSTUDAGUR
Á SÆDÝRASAFNI Kafari í kimono,
japönskum kvensloppi, og stærðar-
innar skata buðu gesti velkomna á
sædýrasafn í Tókýó 3. janúar síðast-
liðinn. Fjöldi fólks lagði leið sína á
safnið fyrstu daga nýja ársins.
NORDICPHOTOS/AFP
hefst mánudaginn 14. janúar
VINNUMARKAÐUR Innan verkalýðs-
hreyfingarinnar er rætt um að
semja til styttri tíma en áður hefur
verið stefnt að. Innan Rafiðnaðar-
sambandsins er talað um 1. nóv-
ember þegar samningar þriðjungs
rafiðnaðarmanna renna út. Innan
Starfsgreinasambandsins, SGS, er
talað um að semja til eins árs.
Guðmundur Gunnarsson, for-
maður Rafiðnaðarsambandsins,
segir að samflotinu sé lokið, nú
hugsi hver um sig. „Menn semja
örugglega til skamms tíma því að
hér ríkir líklega erfitt efnahags-
og atvinnuástand næsta vetur. Við
viljum ekki sitja inni í einhverjum
samningi 1. nóvember,“ segir
hann. „Fljótlega fara í gang við-
ræður við opinberu félögin. Stjórn-
málamenn hafa vakið upp vænt-
ingar hjá þeim. Við viljum semja
strax og gefa þeim eftir leiksviðið,“
segir hann.
Í stefnuyfirlýsingu ríkisstjórnar-
innar segir að stefnt skuli „að
frekari lækkun skatta á einstakl-
inga á kjörtímabilinu, meðal ann-
ars með hækkun persónuafsláttar.
Ríkisstjórnin mun vinna að endur-
skoðun á skattkerfi og almanna-
tryggingum til að bæta hag lágt-
ekjufólks og millitekjufólks“.
Einnig segir að „barnabætur verði
hækkaðar til þeirra sem hafa lágar
tekjur“.
Þorgerður Katrín Gunnarsdóttir,
forsætisráðherra í fjarveru Geirs
H. Haarde, segir ljóst að ríkis-
stjórnin hafi í sínum sáttmála þá
stefnu að lækka skatta, hækka
persónuafslátt og barnabætur en
hún vill ekki segja hvenær sú
stefna komi til framkvæmda,
hvort það verði í vor eða síðar á
kjörtímabilinu. „Við verðum bara
að bíða og sjá til hversu langs tíma
verður samið til að geta metið
heildaráhrif kjarasamninga á
þróun efnahagslífsins,“ segir hún.
Ekki hafi tíðkast að ríkisstjórnin
komi með útspil áður en aðilar
semja.
Kjaraviðræðum SGS og SA
hefur verið vísað til ríkissátta-
semjara, sömuleiðis viðræðum SA
og Flóabandalagsins. SA hafa
vísað til ríkissáttasemjara viðræð-
um við félög innan Starfsgreina-
sambandsins, sem ekki hafa veitt
sambandinu samningsumboð.
Í næstu viku verður farið á fullt
í beinar viðræður hjá ríkissátta-
semjara. Finnbjörn Hermannsson,
formaður Samiðnar, segir að mest
áhersla verði lögð á launaliðinn og
nýtt kauptaxtakerfi auk leiðrétt-
inga, til dæmis í orlofsmálum. Þá
náist vonandi í gegn krafa um
starfsmannaskírteini.
ghs@frettabladid.is
Rafiðnaðarmenn vilja
samning til 1. nóvember
Verkalýðshreyfingin vill semja til styttri tíma og eftirláta opinberu félögunum samningssviðið. Starfandi
forsætisráðherra vill ekki segja hvenær skattastefna ríkisstjórnarinnar komi til framkvæmda.
VIÐSEMJENDUR Í KARPHÚSINU Fulltrúar flestra landssambandanna innan Alþýðusambandsins hittu viðsemjendur sína í húsnæði
ríkissáttasemjara í gær. Viðræðum Starfsgreinasambandsins, Flóabandalagsins og félaga innan Starfsgreinasambandsins, sem
ekki hafa veitt sambandinu umboð, er nú komið í hendur ríkissáttasemjara. Hér sést Vilhjálmur Egilsson, framkvæmdastjóri
Samtaka atvinnulífsins, heilsa fulltrúa verkalýðshreyfingarinnar. FRÉTTABLAÐIÐ/ANTON
„Menn eru að velta fyrir sér hvaða leiðir er hægt að fara. Einn möguleiki í stöð-
unni núna er samningur til eins árs. Við ræddum innan Starfsgreinasambands-
ins í gær að skoða þann möguleika,“ segir Vilhjálmur Birgisson, formaður
Verkalýðsfélags Akraness.
Vilhjálmur Egilsson, framkvæmdastjóri Samtaka atvinnulífsins, segir að
allt sé opið til hversu langs tíma verði samið, verslunarmenn séu að spá í
lengri samning, rafiðnaðarmenn í styttri. „Okkur finnst árssamningur vera
full stuttur. Enginn samningur er síðasti samningur, það á alltaf einhver
næsta leik. Það er algjört lykilatriði í þróun íslensks efnahagslífs að ná verð-
bólgunni niður. Það er okkar stóra viðfangsefni.“
FULLSTUTT AÐ SEMJA TIL ÁRS
MENNING Aðstandendur tónlistarhátíðarinnar Aldrei fór ég
suður – rokkhátíðar alþýðunnar fengu afhenta Eyrarrós-
ina og eina og hálfa milljón í verðlaunafé á Bessastöðum í
gær. Verðlaunin eru veitt fyrir framúrskarandi menn-
ingar verkefni á landsbyggðinni.
„Hátíðin er þannig tilkomin að þeir feðgar Örn Elías
Guðmundsson, betur þekktur sem Mugison, og Guðmund-
ur Kristjánsson fengu þessa hugdettu yfir bjórglasi,“
segir Rúnar Óli Karlsson, einn forsprakki hátíðarinnar.
„Svo þegar þeir mundu eftir henni daginn eftir fannst
þeim það til marks um að hún væri ómaksins verð og nú
er forsetinn búinn að kvitta upp á það.“
Guðmundur Kristjánsson segir að þessi verðlaun verði
eflaust til að auðvelda þeim enn frekar að fá fjárstuðning
þó að það hafi ekki verið sérlega erfitt hingað til. „Þá
kannski getum við gert betur við tónlistarmenn sem gefa
vinnu sína og jafnvel fengið einhverja góða erlenda
gesti,“ bætir hann við.
Dorrit Moussaieff forsetafrú afhenti verðlaunagripinn,
sem Steinunn Þórarinsdóttir myndlistarkona hannaði.
Karlakórinn Heimir og Safnasafnið á Svalbarðsströnd
voru einnig tilnefnd til verðlauna. - jse
Dorrit Moussaieff afhenti Eyrarrósina á Bessastöðum í gær:
Rokkarar fá Eyrarrósina
MEÐ BLÓM Í FANGINU OG BROS Á VÖR Guðmundur
Kristjánsson tekur við verðlaunum frá Dorrit Moussaieff
forsetafrú, sem jafnframt er verndari Eyrarrósarinnar.
Hugmyndin kviknaði hjá Guðmundi og Erni syni hans yfir
bjórglasi en nú hafa þeir fengið það staðfest að hugdett-
an var góð. FRÉTTABLAÐIÐ/VALLI
LÖGREGLUMÁL Frá því í sumar hafa
lögreglumenn á Eskifirði unnið
ötullega að því að stöðva drykkju
ungmenna undir tvítugu.
Kapp hefur verið lagt á að
fylgja áfengislögum eftir, segir
Þór Þórðarson, lögreglumaður í
umdæmi sýslumannsins á
Eskifirði. Í þeim segir meðal
annars að gera skuli upptækt
„áfengi sem ungmenni yngri en
20 ára hafa undir höndum“.
Þessi lög vilja lögreglumenn
fyrir austan virða og hefur meðal
annars verið tekin sú stefna að öll
afskipti sem lögregla hefur af
krökkum undir átján ára aldri eru
tilkynnt til barnaverndarnefndar
og gildir þá einu hvort lögregla
hafi þurft að hella niður áfengi
sem þau hafi haft undir höndum
eða gert athugasemdir við að þau
hafi verið úti eftir lögbundinn
útivistartíma. - kdk
Sýslumaðurinn á Eskifirði:
Hart tekið á
unglingadrykkju
INDLAND, AP Indverski bílafram-
leiðandinn Tata Motors kynnti í
gær Nano, „ódýrasta bíl heims,“ á
bílasýningu í
Nýju-Delhí. Þessi
litli fjögurra
dyra bíll á að
kosta sem svarar
um 150.000
krónum,
helmingi minna
en ódýrasti
keppinauturinn. Bílsins hafði
verið beðið með eftirvæntingu,
enda á hann að gera milljónum
kleift að eignast sinn fyrsta bíl.
Gagnrýnendur óttast að það
muni valda allsherjar öngþveiti á
þröngum götum indverskra borga
ef milljónir slíkra bíla koma í
staðinn fyrir litlu mótorhjólin
sem nú eru allsráðandi þar. - aa
„Ódýrasti bíl heims“:
Fólksvagn Ind-
verja kynntur
BYLTINGARBÍLL
MENNTUN „Skólastjórnendur og
kennarar hafa sýnt ótrúlegan
dugnað í ár við að láta skólastaf
ganga snurðulaust fyrir sig við
erfiðar aðstæður,“ segir Ragnar
Þorsteinsson, fræðslustjóri
menntasviðs Reykjavíkurborgar,
um kennaraskort á landinu. Skort
á nýliðun í stéttinni segir hann
helsta vandann.
Ragnar segir að þó að skólastarf
hafi verið með fremur hefðbundnu
sniði í flestum skólum í ár sé ljóst
að fjölda kennara vanti. Skólastarf
margra skóla hafi verið látið
ganga með því að fá kennara til að
taka mikla yfirvinnu og bekkir
hafi verið sameinaðir.
Staðan virðist hafa verið einna
erfiðust í Rimaskóla en vikið var
frá eðlilegu skólastarfi í þessari
viku til að mæta skorti á
kennurum. Tveir fyrstu tímar
dagsins voru því felldir út í ungl-
ingadeild skólans.
Helgi Árnason, skólastjóri
Rimaskóla, segir foreldra og
nemendur hafa mætt stöðu skól-
ans af miklum skilningi. Búist sé
við að skólinn verði fullmannað-
ur um miðjan mánuðinn.
Þá segir Guðmundur Sighvats-
son, skólastjóri Austurbæjar-
skóla, að um tíma hafi hann verið
uggandi um að nauðsynlegt yrði
að steypa þremur bekkjum saman
í einn vegna skorts á kennurum.
Leyst hafi verið úr málunum með
því að ráða ófaglærðan starfs-
mann við kennslu. - kdk
Fræðslustjóri menntasviðs Reykjavíkur segir mikinn dugnað þurfa við skólastarf:
Skólastarf lagað að kennaraskorti
VIÐ KENNSLU Fræðslustjóri Reykjavíkur
segir kennara og skólastjórnendur
hafa sýnt mikinn dugnað í erfiðum
aðstæðum.
HEILBRIGÐISMÁL „Fólk gerir sér oft
ekki grein fyrir því hve mikið
lífsgæði fólks skerðast við
þennan sjúkdóm,“ segir Jórunn
Sörensen, einn forsvarsmanna
tengslahóps nýrnasjúkra og
aðstandenda þeirra sem nýlega
var stofnaður.
Hópurinn gefur þeim sem
veikjast og aðstandendum þeirra
tækifæri á að tala, í fullum
trúnaði, við félaga sem hafa
reynslu af alvarlegri nýrnabilun
og að vera í blóðskilun eða kvið-
skilun. Jórunn bendir sérstaklega
á að aðstandendur séu mjög
velkomnir enda snerti veikindi
ástvina þeirra líf þeirra. - kdk
Félag nýrnasjúkra:
Hvetur nýrna-
sjúka til að tala