Fréttablaðið - 18.01.2008, Page 40

18. JANÚAR 2008 FÖSTUDAGUR4 ● fréttablaðið ● tómstundir & námskeið
Gyðjur fortíðar og gyðjan hið
innra vakna til lífsins á nám-
skeiðum Valgerðar Bjarnadótt-
ur á Akureyri.
„Ég hef haldið námskeið og kennt
sjálfsstyrkingu samhliða öðrum
verkefnum í áratugi. Upphaflega
er ég menntuð félagsráðgjafi en
tók síðan BA gráðu í heildrænum
fræðum með áherslu á drauma-
fræði og master í femínískri trú-
arheimspeki og menningarsögu
sem ég nota mikið í námskeiðum
mínum,“ segir Valgerður Bjarna-
dóttir, ráðgjafi og fræðikona á Ak-
ureyri, sem hefur alfarið starfað
sjálfstætt við námskeiðahöld og
ráðgjöf frá árinu 2003.
Námskeið Valgerðar eru af
ýmsum toga en eiga það flest sam-
eiginlegt að tengja sjálfsstyrk,
sjálfsþekkingu og persónulegan
vöxt við menningarsögu kvenna,
hugmyndaþróun, trúarheimspeki,
goðsagnir og drauma.
Dæmi um slík námskeið eru
Maríurnar – kvenímyndin í trúnni,
Inanna og Enhedúanna – heimsins
elstu ljóð, Avalon – töfrar úr kelt-
neskum arfi og Gyðjan í gegnum
aldirnar. Enn önnur eru byggð á
sjamanískum fræðum, bæði Heið-
ur – seið hún kunni og Umróður til
Avalon.
Vanadís, sem Valgerður kenn-
ir starfsemi sína við, er að hennar
sögn í miklu uppáhaldi. Sú mæta
gyðja var einnig í aðalhlutverki í
mastersritgerð Valgerðar þar sem
hún tók einnig fyrir völvur, val-
kyrjur og rætur okkar í vanatrú.
„Vanadís var af vanaættum en
gömlu goðin okkar voru annars
vegar Æsir og hins vegar vanir.
Síðan þýðir Dís eiginlega gyðja
eða kvengoð, en á líka við eina
tegund goðkynja kvenna. Vanir
voru eldri kynþáttur en æsir og
þeirra helstu einkenni voru frið-
ur, ástir, auður og tenging við jörð-
ina. Meðal þeirra virðist hafa ríkt
jafnrétti og konur eða gyðjur voru
jafnáhrifamiklar og karlarnir.
Æsir komu svo með stríðið og karl-
veldið og vanirnir eru svona mín
goð og þess vegna kenni ég mig við
þau, þótt margt hafi verið gott hjá
ásum líka,“ segir Valgerður.
Aðalmarkhópurinn á námskeið-
unum er konur á ýmsum aldri
sem vilja ýmist víkka sjóndeild-
arhringinn, skoða nýja hluti og
styrkja sig enn frekar. „Karlar
koma líka stöku sinnum á nám-
skeiðin, sérstaklega á drauma-
námskeiðin og á námskeiðið um
Avalon. Þar skoðum við meðal
annars Artúrssögurnar og kelt-
neska menningararfinn sem höfð-
ar sterkt til karla líka. Síðan hef
ég haldið námskeið fyrir ungl-
ingsstúlkur og það finnst mér afar
spennandi, krefjandi en gefandi,“
útskýrir Valgerður sem segir flest
námskeið fara fram norðan heiða.
Auk þess hefur hún haldið nokkur
námskeið erlendis og segir konur
á höfuðborgarsvæðinu vera farnar
að sýna þessu áhuga. „Ég var með
námskeið í Mosfellsdal um Inönnu
og Enhedúönnu þar sem við skoð-
uðum meðal annars heimsins elstu
ljóð. Það var sérstaklega ánægju-
legt, yndislegt umhverfi, frábær-
ar konur og efnið ótrúlega heill-
andi. Síðan stefni ég á að halda
námskeið um Maríurnar fljót-
lega á sama stað, “ segir Valgerð-
ur. Fram undan er einnig verk-
efni nokkurra kvenna sem kallast
Mardöll og er félag um menning-
ararf kvenna á Eyjafjarðarsvæð-
inu. Á þeirra vegum verður einn-
ig haldið fljótlega námskeið sem
heitir Skapanornir þar sem tekinn
er fyrir íslenski sagnaarfurinn og
hann nýttur til þess að skoða sjálf-
an sig og samfélagið og samhengið
þar á milli, segir Valgerður. Allar
nánari upplýsingar um starfsemi
Valgerðar er að finna á: www.van-
adis.is - rh
Skapanornir, sjálfsstyrkur og dísir
Íslenski sagnaarfurinn er nýttur til sjálfskoðunar á næsta námskeiði Valgerðar sem nefnist Skapanornir. FRÉTTABLAÐIÐ/HEIDA.IS
Ertu ólétt?
Nýtt 6 vikna Bumbufimi® námskeið
hefst 30.janúar.
Bumbufimi® námskeið
Munið merkin og nöfnin og varist eftirlíkingar!
WWW.HREYFILAND.IS | 577 2555